Wednesday, June 19, 2024
- Advertisement -
- Advertisement -

ዜናሃይኒከን ብሪወሪስ አክሲዮን ማኅበር የፍትሐ ብሔር ክስ ተመሠረተበት

ሃይኒከን ብሪወሪስ አክሲዮን ማኅበር የፍትሐ ብሔር ክስ ተመሠረተበት

ቀን:

ከስድስት ዓመታት በፊት ወደ ኢትዮጵያ በመምጣት ነባር የቢራ ፋብሪካዎችን በመግዛትና አዳዲስ ፋብሪካዎችን በመገንባት፣ የተለያዩ የቢራ ዓይነቶችን በማምረት ላይ የሚገኘው ሃይኒከን ብሪወሪስ አክሲዮን ማኅበር የፍትሐ ብሔር ክስ ተመሠረተበት፡፡

አክሲዮን ማኅበሩ የተከሰሰው በፌዴራል ከፍተኛ ፍርድ ቤት ልደታ ምድብ 22ኛ ፍትሐ ብሔር ችሎት ሲሆን፣ ክሱ የተመሠረተበት በኤጀንትነትና ምርቶቹን በማከፋፈል አብረውት ይሠሩ በነበሩት አቶ ሰለሞን ግዛው በሚባሉ ግለሰብ መሆኑን የክስ ሰነዱ ያስረዳል፡፡

ማኅበሩ የቀረበበት ክስ 2,747,300 ብር ክፍያ ለመፈጸም ፈቃደኛ ባለመሆኑ እንደሆነም ክሱ ይጠቁማል፡፡

- Advertisement -

ከሳሽ ከማኅበሩ ጋር በገቡት ውል መሠረት ከሁለት ዓመት በላይ የማኅበሩን ምርቶች በማከፋፈል እንደ ውሉ ሲፈጽሙ የቆዩ ቢሆንም፣ ማኅበሩ ያለ በቂ ምክንያትና ምንም ዓይነት ማስጠንቀቂያ ሳይሰጥ ውሉን እንዳቋረጠ ክሱ ይገልጻል፡፡

በማኅበሩና በከሳሽ መካከል የነበረው ሕጋዊ ውል መቋረጥ ከነበረበትም፣ መቋረጥ ያለበት የጽሑፍ ማስጠንቀቂያ በፍትሐ ብሔር ሕግ ቁጥር 1820 ድንጋጌ መሠረት መስጠት ተገቢ እንደነበር በክሱ ተመልክቷል፡፡

ነገር ግን ሃይኒከን ብሪወሪስ አክሲዮን ማኅበር ምንም ዓይነት የጽሑፍ ማስጠንቀቂያ ሳይሰጥና ውል ሳይቋረጥ፣ ለከሳሽ በተወሰነ የሽያጭ ቦታ ላይ ተደራቢ በመሆን ሽያጭ ሲያካሂድ መቆየቱንም ክሱ ያሳያል፡፡ ከሳሽ በሚሠሩበት የሽያጭ አካባቢ ተደርቦ በመሥራቱ፣ በቀን ሊያገኙ የሚችሉትን 10,500 ብር ማሳጣቱን፣ ወይም በወር 315,000 ብር ማሳጣቱን ክሱ ያስረዳል፡፡

በተጨማሪም ከሳሽ ከማኅበሩ ለሚወስዳቸው ዕቃዎች ማስያዣ የሚሆንና በየስድስት ወራት የሚቀየር ቼክ ሲሰጡ የቆዩ ቢሆንም፣ ሃይኒከን ብሪወሪስ አክሲዮን ማኅበር ግን ቼኩን ለባንክ በማቅረብ 372,500 ብር ከመውሰዱም በተጨማሪ፣ በቼኩ ላይ በማስመታቱ ጉዳት እንዳደረሰባቸው ክሱ ያስረዳል፡፡

በአጠቃላይ ከሳሽ ከራሳቸው የከፈሏቸውንና ሊከፈላቸው ይገቡ የነበሩ ክፍያዎችን ጨምሮ፣ በአጠቃላይ ከ2,747,300 ብር ክፍያ እንዲፈጸምላቸው ክስ መመሥረታቸውን የክሱ ሰነድ ያሳያል፡፡

በፍትሐ ብሔር ሥነ ሥርዓት ሕግ ቁጥር 92 መሠረት በመሀላ ተደግፎ የቀረበለትን ክስ የተቀበለው፣ የፌዴራል ከፍተኛ ፍርድ ቤት 22ኛ ፍትሐ ብሔር ችሎት፣ ሃይኒከን ብሪወሪስ አክሲዮን ማኅበር ሚያዝያ 29 ቀን 2011 ዓ.ም. እንዲቀርብ ትዕዛዝ ሰጥቷል፡፡     

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...