Monday, June 17, 2024
- Advertisement -
- Advertisement -

ዜናበምዕራብ ወለጋ አምስት ሰዎች በጥይት ከተገደሉ በኋላ በቦምብ ተቃጠሉ

በምዕራብ ወለጋ አምስት ሰዎች በጥይት ከተገደሉ በኋላ በቦምብ ተቃጠሉ

ቀን:

‹‹የሞቱት ሰዎች ሰላማዊና በልማት ላይ የተሰማሩ ነበሩ››

የኦሮሚያ ክልል ፖሊስ ኪሚሽን

በኦሮሚያ ክልል በምዕራብ ወለጋ ዞን በነጆ ወረዳ መንዲ ቶለዋቅ ቀበሌ በመጓዝ ላይ የነበሩ ሦስት ኢትዮጵያውያንና ሁለት የውጭ አገር ዜጎች ማክሰኞ መጋቢት 10 ቀን 2011 ዓ.ም. ከረፋዱ 1፡30 ሰዓት ላይ፣ በጥይት ተደብድበው ከተገደሉ በኋላ በቦምብ ከእነ ተሽከርካሪያቸው ተቃጠሉ፡፡

- Advertisement -

ግድያው የተፈጸመባቸው ግለሰቦች በመንዲ ቶለዋቅ ቀበሌ ውስጥ በወርቅ ማዕድን ማምረት ሥራ ላይ የተሰማሩና አነስተኛ ፋብሪካ ያላቸው መሆኑ ታውቋል፡፡ በዕለቱ ወደ ሥራ ቦታቸው በመጓዝ ላይ እያሉ በአካባቢው በነበሩ “ሸኔ” በሚባለው ኦነግ ታጣቂዎች በተከፈተ ተኩስ መገደላቸውንና በቦምብ እንደተቃጠሉ፣ የኦሮሚያ ክልል ፖሊስ ኮሚሽን ምክትል ኮሚሽነር ረታ በላቸው አስረድተዋል፡፡

ምክትል ኮሚሽነሩ የተገደሉት ሰዎች ሰላማዊና በልማት ሥራ ላይ የተሰማሩ ኢንቨስተሮች መሆናቸውንና ምንም ዓይነት የፖለቲካ ንክኪ እንደሌላቸው ገልጸዋል፡፡ ነገር ግን ግድያውን የፈጸሙት ቀደም ባሉት ወራት የክልሉ መንግሥትንና የኦነግ ታጣቂዎችን አባ ገዳዎችና የአገር ሽማግሌዎችን ሲያስታርቁ፣ ዕርቁን ያልተቀበሉ ታጣቂዎች መሆናቸውን ጠቁመዋል፡፡

ድርጊታቸው ሊወገዝ የሚገባውና እጅግ የሚያሳዝን መሆኑን የገለጹት ምክትል ኮሚሽነሩ፣ የአካባቢው ነዋሪዎች ሰላም ፈላጊ በመሆናቸው የድርጊቱን ፈጻሚዎች በመጠቆም ትብብር እንዲያደርጉ ጠይቀዋል፡፡

ሸኔ የሚባለው የኦነግ ታጣቂ ቡድን በአካባቢው በተለያዩ ሥፍራዎች እየተዘዋወረ ችግር ሲፈጥር የነበረ መሆኑንም አክለዋል፡፡ የክልሉ መንግሥት የማያዳግም ዕርምጃ ለመውሰድ እየሠራ መሆኑንም አስታውቀዋል፡፡

ይህ ድርጊት በአካባቢው ሰላም እንደሌለ ለማሳየት የታለመ እንደሆነ ገልጸዋል፡፡

ግድያው የተፈጸመባቸው አምስት ግለሰቦች አስክሬን በመቃጠሉ ለጊዜው ማንነታቸው መለየት ቢያስቸግርም፣ የውጭዎቹ ግን የህንድና የጃፓን ዜግነት እንዳላቸው ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...