Thursday, June 20, 2024
- Advertisement -
- Advertisement -

ዜናየሜቴክ የቀድሞ ኃላፊዎች ሰጥተዋል በተባሉበት ሐሰተኛ የማስተርስና የዶክትሬት ዲግሪ ክስ ላይ የእምነት...

የሜቴክ የቀድሞ ኃላፊዎች ሰጥተዋል በተባሉበት ሐሰተኛ የማስተርስና የዶክትሬት ዲግሪ ክስ ላይ የእምነት ክህደት ቃል ሰጡ

ቀን:

አሜሪካ ከሚገኘውና ታዋቂ ከሆነው ‹‹ካሊፎርኒያ ኢንስቲትዩት ኦፍ ቴክኖሎጂ›› ከሚባለው የትምህርት ተቋም ጋር ተቀራራቢ ስም ያለው ‹‹ካሊፎርኒያ ኢንተርናሽናል ኢንስቲትዩት ኦፍ ቴክኖሎጂ›› የሚል ሐሰተኛ የፈጠራ ተቋም ስም የተዘጋጀ፣ ሁለተኛ ዲግሪ (ማስተርስ) እና ሦስተኛ ዲግሪ (ዶክትሬት) ሰጥተዋል ተብለው ክስ የተመሠረተባቸው የሜቴክ የቀድሞ ኃላፊዎች የእምነት ክህደት ቃላቸውን ሰጡ፡፡

ሰኞ መጋቢት 9 ቀን 2011 ዓ.ም. በፌዴራል ከፍተኛ ፍርድ ቤት ልደታ ምድብ 15ኛ ወንጀል ችሎት ‹‹እንደ ክሱ ድርጊቱን አልፈጸምኩም፣ ጥፋተኛም አይደለሁም፤›› በማለት በተመሳሳይ ሁኔታ የእምነት ክህደት ቃላቸውን የሰጡት ሜጀር ጄኔራል ክንፈ ዳኘው፣ ብርጋዴር ጄኔራል ጥጋቡ ፈትለ፣ ሻለቃ ገብረ ሥላሴ ገብረ ጊዮርጊስ፣ መቶ አለቃ ቶማስ ደረሰና አቶ ወሰንየለህ ኃይለ ሚካኤል ናቸው፡፡ ዋናው የወንጀሉ ተዋናይ ናቸው የተባሉት  መኮንን ገብረ ሚካኤል (ዶ/ር)፣ ሀድአት ወልደ ተንሳይና ሻለቃ ፋሲል አበራ ክሳቸው የሚታየው በሌሉበት ነው፡፡ 

ተከሳሾቹ ከሐሰተኛውና የፈጠራው የትምህርት ተቋም ጋር በጥቅም በመመሳጠር ከሜቴክ ጋር ከፍተኛ ትምህርት ለማስተማር የውል ስምምነት እንዲፈጸምና ድርጊቱ በኢትዮጵያ መንግሥት እንዳይታወቅ፣ ክፍያውን በውጭ ምንዛሪ ማድረጋቸውንም ዓቃቤ ሕግ በክሱ ዘርዝሮ አቅርቧል፡፡ አስተማሪ ናቸው የተባሉ ግለሰቦች ከውጭ አገር በቱሪስት ቪዛ ወደ አገር ውስጥ እንዲገቡ በማድረግ፣ አስተማሪ ያልሆኑ ሰዎችን በመጠቀም ተማሪዎቹ ሳይማሩ ሁለተኛ ዲግሪና ዶክተሬት እንዲሰጣቸው ማድረጋቸውንም አክሏል፡፡

- Advertisement -

 ከተቋሙም አራት የተለያዩ ውሎችን በመዋዋል በአጠቃላይ 3,901,140 ዶላር ወይም 75,114,030 ብር በአሜሪካ በሐሰተኛው ተቋም ስም በተከፈተ ሒሳብ ገቢ መደረጉንም ዓቃቤ ሕግ አብራርቶ ማቅረቡ ይታወሳል፡፡

ሜጀር ጄኔራል ክንፈ ዳኘውም ለራሳቸው ጥቅም ለማግኘትና ማርዳ መለስ ለተባለች ግለሰብ ጥቅም ለማስገኘት በማሰብ፣ ሕጋዊ ምክንያት ሳይኖራቸው ‹‹ኮርፖሬሽኑ ወስኗል›› በማለት አሜሪካ በሚገኝ ግለሰብ ስም በተከፈተ ሒሳብ ሁለት ጊዜ በመላክ፣ በአጠቃላይ 75,600 ዶላር ወይም 1,250,886 ብር እንዲከፈል በማድረጋቸው ሥልጣናቸውን ያላግባብ መገልገል ወንጀል ፈጽመዋል በማለት ዓቃቤ ሕግ ክስ መመሥረቱን መዘገባችን አይዘነጋም፡፡

ተከሳሹ ክደው በመከራከራቸው ዓቃቤ ሕግ ምስክሮቹን ከግንቦት 19 ቀን 2011 ዓ.ም. ጀምሮ እንዲያሰማ ቀጠሮ ሰጥቷል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...