Wednesday, June 19, 2024
- Advertisement -
- Advertisement -

ዜናበሐሰተኛ ደረሰኝና ግብር መሰወር ወንጀል የተከሰሱ ነጋዴዎች ክስ እንዲቋረጥ ጥያቄ ቀረበ

በሐሰተኛ ደረሰኝና ግብር መሰወር ወንጀል የተከሰሱ ነጋዴዎች ክስ እንዲቋረጥ ጥያቄ ቀረበ

ቀን:

ሐሰተኛ ደረሰኝ በመጠቀምና ግብር በመሰወር ወንጀል ተጠርጥረው ክስ የተመሠረተባቸው 1,700 የአዲስ አበባ ነጋዴዎች ክስ እንዲቋረጥ፣ ለጠቅላይ ዓቃቤ ሕግ ጥያቄ ቀረበ፡፡

ጥያቄውን ያቀረቡት የአዲስ አበባ ከተማ አስተዳደር ምክትል ከንቲባ ታከለ ኡማ (ኢንጂነር) ሲሆኑ፣ ምክንያታቸው ደግሞ ትልልቅ ግብር ከፋዮች ላይ ትኩረት አድርጎ ዕርምጃ ሳይወሰድ ትንንሽ ነጋዴዎች ላይ ብቻ ዕርምጃ መውሰድ አግባብ ባለመሆኑ ነው፡፡

ከንቲባው ከግብር ከፋዮች ጋር ባደረጉት ውይይት የንግዱ ማኅበረሰብ ግብር መሰወርና ሐሰተኛ ሰነዶች ተጠቅመዋል በማለት እነሱን ተጠያቂ ማድረግ ብቻ ሳይሆን፣ እነሱም ያለባቸውን ችግር መገንዘብ ተገቢ መሆኑንም ተናግረዋል፡፡

- Advertisement -

በመሆኑም አስተዳደሩም ያለበትን ክፍተት በመሙላት፣ ነጋዴዎቹም ያለባቸውን ግዴታ አውቀውና ሕጋዊ መንገዶችን ብቻ በመጠቀም የሚፈለግባቸውን ግብር መክፈል እንደሚገባቸው መተማመን ላይ በመድረሳቸው መሆኑን ተጠቁሟል፡፡ የከተማ አስተዳደሩ ከከተማው ነጋዴ ያገኘውን ጥቆማ በተለይም የኮንትሮባንድ ንግድን በሚመለከት የጀመረውን ዕርምጃ  አጠናክሮ እንደሚቀጥል ምክትል ከንቲባው ቃል መግባታቸውም ታውቋል፡፡ በመሆኑም በንግድ ሥርዓቱ ውስጥ ፍትሐዊ አሠራር ለመጀመር እንዲቻል፣ በነጋዴዎች ላይ የተጀመረው ክስ እንዲቋረጥ በደብዳቤ ጠይቀዋል፡፡

በፌዴራል የመጀመርያ ደረጃ ፍርድ ቤት የተከፈተው ክስ እንዲቋረጥ የቀረበው ጥያቄም፣ በፍርድ ቤቱ ተመርምሮ ሊቋረጥ እንደሚችል አንዳንድ ነጋዴዎች ተናግረዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...