Thursday, June 20, 2024
- Advertisement -
- Advertisement -

ዜናየቀድሞ የገቢዎችና ጉምሩክ ባለሥልጣን ከቀረጥ ነፃ ኃላፊ እስራት ተፈረደባቸው

የቀድሞ የገቢዎችና ጉምሩክ ባለሥልጣን ከቀረጥ ነፃ ኃላፊ እስራት ተፈረደባቸው

ቀን:

ሥልጣናቸውን ያላግባብ ተጠቅመዋል ተብለው በሙስና ወንጀል ክስ ከአንድ ዓመት በፊት ጥቅምት 7 ቀን 2010 ዓ.ም. ክስ ተመሥርቶባቸው የነበሩት፣ የቀድሞ የኢትዮጵያ ገቢዎችና ጉምሩክ ባለሥልጣን ከቀረጥ ነፃ ማስፈጸም ኃላፊ በአሥር ወራት እስራት እንዲቀጡ ተወሰነባቸው፡፡

ኃላፊዋ ዓለም ፀሐይ ግርማይ (ዶ/ር) በቁጥጥር ሥር ውለው እስከ ተፈረደባቸው የካቲት 22 ቀን 2011 ዓ.ም. ድረስ ለ19 ወራት በእስር ላይ ነበሩ፡፡ በሙስና ወንጀል ተጠርጥረው የታሰሩት ከቀረጥ ነፃ ማስፈጻሚያ ኃላፊ ሆነው በሚሠሩበት ወቅት፣ የወንጀል ሕግ አንቀጽ 32 (1ሀ) እና 407 (1ሀ እና 2) በመተላለፍ፣ ለየንኮማድ ሥራ ተቋራጭ ኩባንያ ተሽከርካሪዎችን ከታክስ ነፃ እንዲያስገባ ያላግባብ በመፍቀድ በመንግሥት ላይ ጉዳት በማድረስ ተጠርጥረው መሆኑን ዓቃቤ ሕግ የመሠረተባቸው ክስ ያስረዳል፡፡

ለራማ ኮንስትራክሽን ኩባንያና ለሲአርቢሲ ኢንጂነሪንግ የተለያዩ ተሽከርካሪዎችን ያላግባብ ከቀረጥ ነፃ እንዲያስገቡ በመፍቀድ፣ መንግሥት በሚሊዮን የሚቆጠር ገንዘብ እንዲያጣ በማድረግ ሥልጣንን ያላግባብ መገልገል የሙስና ወንጀል መፈጸማቸውን ዓቃቤ ሕግ በክሱ ገልጾ አቅርቦባቸው ነበር፡፡

- Advertisement -

ፍርድ ቤቱ በተደጋጋሚ የዋስትና መብት እንዲፈቀድላቸው ጥረት ሲያደርጉ የቆዩት ኃላፊዋ፣ በዓቃቤ ሕግ የተለያዩ ዋስትና መቃወሚያ ሐሳቦች ውድቅ ሲደረግባቸው መቆየቱንም የፍርዱ ዝርዝር ያስረዳል፡፡ ዓቃቤ ሕግ እንደ ክሱ አስረድቷል በማለት ፍርድ ቤቱ እንዲከላከሉ ብይን ሰጥቶ፣ ኃላፊዋ ሥራቸውን በአግባቡ መወጣታቸውንና ለዚህም ሥራቸው ተሸላሚ የነበሩበትን የሰነድ ማስረጃ ጭምር በማቅረብ ቢከላከሉም ጥፋተኛ ተብለዋል፡፡

በመጨረሻም የታሰሩት ለ19 ወራት ቢሆንም እንዲቀጡ ፍርድ የተሰጠው ግን አሥር ወራት ብቻ ስለሆነ፣ ዘጠኝ ወራት በትርፍ በመታሰራቸው ከእስር ተፈትተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...