Monday, June 17, 2024
- Advertisement -
- Advertisement -

ዜናበመንግሥት ላይ 71.6 ሚሊዮን ብር ጉዳት አድርሰዋል የተባሉ የቀድሞ የሜቴክ ኃላፊዎች ተከሰሱ

በመንግሥት ላይ 71.6 ሚሊዮን ብር ጉዳት አድርሰዋል የተባሉ የቀድሞ የሜቴክ ኃላፊዎች ተከሰሱ

ቀን:

በመንግሥት የተሰጣቸውን ኃላፊነት ወደ ጎን በመተው ሥልጣናቸውን ያላግባብ በመገልገልና በጥቅም በመመሳጠር፣ በመንግሥት ላይ ከ71.6 ሚሊዮን ብር በላይ ጉዳት አድርሰዋል የተባሉ በሜቴክ ውስጥ የተለያዩ ኃላፊነት የነበራቸው ስድስት ሠራተኞችና አንድ ነጋዴ ከባድ የሙስና ወንጀል ክስ ተመሠረተባቸው፡፡

ተከሳሾቹ በብረታ ብረትና ኢንጂነሪንግ ኮርፖሬሽን የሜቴክ ኢንዱስትሪ የሰው ኃይል አስተዳደርና ልማት ኃላፊ የነበሩት ሌተና ኮሎኔል ሰጠኝ ካህሳይና በተመሳሳይ ተቋም የተለያየ ኃላፊነት የነበራቸው ሌተና ኮሎኔል መንግሥቱ ከበደ፣ ሻለቃ ፍፁም አጽበሃ፣ ሻለቃ ዋልተንጉሥ ተስፋው፣ ሻምበል ዊንታ በየነ፣ ሻለቃ ክንድያ ግርማይና አጠቃላይ አስመጪው አቶ ወልዳይ ገብረ ማርያም ናቸው፡፡

ዓቃቤ ሕግ በክሱ እንዳስረዳው፣ የሜቴክ ኃላፊዎች ለኢትዮጵያ ኤሌክትሪክ አገልግሎት የኃይል ማስተላለፊያ ትራንስፎርመር ባለሦስት ፌዝ ተርሚናል ኮኔክተር ለማቅረብ የ98,837,244 ብር ውል ፈጽመዋል፡፡ ነገር ግን ኃላፊዎቹ ከጠቅላላ አስመጪው አቶ ወልዳይ ገብረ ማርያም ጋር በጥቅም በመመሳጠር በ85,783,318 ብር ለማቅረብ መስማማታቸውንም ጠቁሟል፡፡

- Advertisement -

ኃላፊዎቹ ይኼንን ድርጊት የፈጸሙት የኮርፖሬሽኑን የግዥ መመርያ በመተላለፍ፣ ወጥቶ የነበረውን ዓለም አቀፍ ጨረታ ባሸነፈው የውጭ ድርጅት ግዥ እንዳይፈጸም በማድረግ መሆኑንም አክሏል፡፡ ግዥውን በአግባቡ ለማካሄድ እ.ኤ.አ. የካቲት 14 ቀን 2016 በኢትዮጵያን ሔራልድ ጋዜጣ ዓለም አቀፍ ጨረታ ወጥቶ፣ ቲቢያ ድያንግ ኬብል ሊሚትድ የሚባል የቻይና ኩባንያ በ12,805,289 ብር ጨረታውን ያሸነፈ ቢሆንም፣ ኃላፊዎቹ ውድቅ ማድረጋቸውን ዓቃቤ ሕግ በክሱ ጠቅሷል፡፡

በጨረታው መሠረት ኩባንያው ዕቃውን ገዝቶ እስከ አዲስ አበባ የኢትዮጵያ ኤሌክትሪክ አገልግሎት ጎፋ መጋዘን ድረስ ለማጓጓዝ 14,336,830 ብር ይፈጅ የነበረውን ውድቅ በማድረግ፣ በጥቅም በመመሳጠር 85,945,430 ብር ለነጋዴው ግለሰብ በመስጠት በመንግሥት ላይ 71,608,599 ብር ጉዳት እንዲደርስ ማድረጋቸውን ዓቃቤ ሕግ በክሱ አብራርቶ፣ ለፌዴራል ከፍተኛ ፍርድ ቤት ልደታ ምድብ 15 ወንጀል ችሎት አቅርቧል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...