Monday, June 17, 2024
- Advertisement -
- Advertisement -

ዜናበቀድሞ የሶማሌ ክልል ፕሬዚዳንትና ሌሎች ባለሥልጣናት ላይ ምርመራ ተጠናቀቀ

በቀድሞ የሶማሌ ክልል ፕሬዚዳንትና ሌሎች ባለሥልጣናት ላይ ምርመራ ተጠናቀቀ

ቀን:

ዓቃቤ ሕግ ክስ መሥርቶ እንዲቀርብ 13 ቀናት ተፈቀደለት

በሶማሌ ክልል በጅግጅጋ ከተማና በተለያዩ አካባቢዎች በሚገኙ የዞንና የወረዳ ከተሞች በተፈጸመ ወንጀል ተጠርጥረው በምርመራ ላይ በነበሩት፣ የቀድሞ የሶማሌ ክልል ፕሬዚዳንትን ጨምሮ በአራት ባለሥልጣናት ላይ ምርመራ መጠናቀቁን የፌዴራል ፖሊስ ወንጀል ምርመራ ቡድን አስታወቀ፡፡

የምርመራ ቡድኑ ዓርብ ጥር 10 ቀን 2011 ዓ.ም. ለፌዴራል ከፍተኛ ፍርድ ቤት ልደታ ምድብ አራተኛ ወንጀል ችሎት እንደገለጸው፣ በተጠርጣሪዎቹ ላይ ሲያካሂድ የከረመውን የምርመራ ሒደት አጠናቆ የምርመራ መዝገቡን ለፌዴራል ጠቅላይ ዓቃቤ ሕግ ማስረከቡን አሳውቋል፡፡

- Advertisement -

የምርመራ መዝገቡን መረከቡን ያረጋገጠው ዓቃቤ ሕግ፣ የክስ መመሥረቻ ጊዜ እንዲሰጠው ጠይቋል፡፡ በወንጀለኛ መቅጫ ሥነ ሥርዓት ሕግ ቁጥር 109(1) መሠረት የደረሰውን የምርመራ መዝገብ መርምሮ ክስ ለመመሥረት 15 ቀናት እንዲፈቀድለት ጠይቋል፡፡

የተጠርጣሪዎቹ ጠበቆች በዓቃቤ ሕጉ ጥያቄ ላይ በሰጡት አስተያየት መርማሪ ቡድኑ ከአምስት ወራት የምርመራ ቆይታ በኋላ አጠናቆ ለዓቃቤ ሕግ መዝገቡን መስጠቱን፣ ይኼንን ያህል ጊዜ ሲመረምር ዓቃቤ ሕግ አብሮ እየተከታተለና እየሠራ እንደነበርና ጥቅምት 30 ቀን 2011 ዓ.ም. ለቅድመ ክስ ምርመራ በሚል ሰባት ምስክሮች ማሰማቱን፣ ስለሆነም ዓቃቤ ሕግ የጠየቀውን ያህል ቀናት ሊፈቀድለት እንደማይገባ በመግለጽ የመቃወሚያ ክርክራቸውን አሰምተዋል፡፡

ግራ ቀኙን ክርክር የሰማው ፍርድ ቤት 13 ቀናት በመፍቀድ ዓቃቤ ሕግ ጥር 24 ቀን 2011 ዓ.ም. ክስ መሥርቶ እንዲቀርብ ትዕዛዝ ሰጥቷል፡፡

ተጠርጣሪዎቹ የክልሉ ፕሬዚዳንት አቶ አብዲ መሐመድ (አብዲ ኢሌ)፣ የሕፃናትና ሴቶች ጉዳይ ቢሮ ኃላፊ ወ/ሮ ረሃማ መሐመድ፣ የዳያስፖራ ቢሮ ኃላፊ አቶ አብዱራዛቅ ሳኒና የፖሊስ ኮሚሽነር የነበሩት አቶ ፈረሃን ጣሂር መሆናቸውን፣ ከሐምሌ 26 እስከ 30 ቀን 2010 ዓ.ም. በጅግጅጋ ከተማና በተለያዩ ከተሞች የነዋሪዎችን ዘር፣ ሃይማኖትና ማንነት በመለየት በግድያ፣ በማፈናቀል፣ በመድፈር፣ በመዝረፍና የሃይማኖት ተቋማትን በማቃጠል ተጠርጥረው መታሰራቸው መዘገባችን ይታወሳል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...