Saturday, June 22, 2024
- Advertisement -
- Advertisement -
ዜናበመንግሥት ላይ 11.9 ሚሊዮን ብር ጉዳት በማድረስ የተከሰሱ ኃላፊዎች ገንዘቡን በመመለሳቸው ክሳቸው...

በመንግሥት ላይ 11.9 ሚሊዮን ብር ጉዳት በማድረስ የተከሰሱ ኃላፊዎች ገንዘቡን በመመለሳቸው ክሳቸው ተቋረጠ

ቀን:

የመንግሥትን ሥራ በማያመች አኳኃን በመምራት በመንግሥት ላይ ከ11.9 ሚሊዮን ብር በላይ ጉዳት በማድረስ፣ ከባድ የሙስና ወንጀል ክስ ከአንድ ዓመት በፊት ተመሥርቶባቸው የነበሩት፣ የቀድሞ የአዲስ አበባ ቤቶች ልማት ፕሮጀክት ጽሕፈት ቤት ዋና ሥራ አስኪያጅ ወ/ሮ ፀዳለ ማሞን ጨምሮ የአራት ኃላፊዎች ክስ ተቋርጦ ከእስር ተፈቱ፡፡

ተከሳሾቹ ወ/ሮ ፀዳለ ማሞ፣ የጽሕፈት ቤቱ የሎጂስቲክስ አስተዳደርና ፋይናንስ መምርያ ኃላፊ የነበሩት አቶ የማነ ፀጋዬ፣ የመሬት ዝግጅት መሠረተ ልማትና ዲዛይን መምርያ ረዳት መምርያ ኃላፊ የነበሩት ወ/ሮ ሳባ መኮንንና የፕላንና ዶክመንቴሽን አገልግሎት ኃላፊ የነበሩት አቶ ሽመልስ ዓለማየሁ ናቸው፡፡

ተጠርጣሪዎቹ የጽሕፈት ቤቱ የማኔጅመንት ኮሚቴ አባል ሆነው ሲሠሩ፣ የአዲስ አበባ ከተማ አስተዳደር የዕቃና አገልግሎት ግዥ መመርያ ቁጥር 4/1991 አንቀጽ 6(2) እና አንቀጽ 25 በመተላለፍ ከተፈቀዱ የግዥ ዘዴዎች ውጪ እንዲፈጸም ጨረታ ማውጣታቸወን ዓቃቤ ሕግ በፍርድ ቤት የመሠረተባቸው ክስ ያስረዳል፡፡ በመሆኑም የማይገባ ጥቅም ለማግኘት በማሰብ ከየማነ ግርማይ ጠቅላላ ሥራ ተቋራጭ ጋር በመመሳጠር፣ የአዲስ አበባ መንገዶች ባለሥልጣን ያወጣውን ጨረታ እንዲያሸንፍና ግዥው እንዲፈጸም በማድረግ ጉዳት እንዲደርስ ማድረጋቸውንም ክሱ ያብራራል፡፡ ለአፈር ቆርጦ መጣል፣ ለገረጋንቲ ማጓጓዣና ለገረጋንቲ መሙላት 33,384,526 ብር ግዥ መፈጸሙንም ጠቁሟል፡፡ ይኼ ዋጋ የተከፈለው ሌሎች ተጫራቾች ካቀረቡት ዋጋ በላይ እጅግ በተጋነነና ከ80 እስከ 120 በመቶ ጭማሪ በማድረግ መሆኑንም አክሏል፡፡

በአጠቃላይ ተከሳሾቹ የ11,979,848 ብር ጉዳት በመንግሥት ላይ አድርሰዋል በማለት ዓቃቤ ሕግ ክስ መሥርቶባቸውና ዋስትና ተከልክለው ሲከራከሩ የከረሙ ቢሆንም፣ የፌዴራል ዓቃቤ ሕግ በአዋጅ በተሰጠው ሥልጣን መሠረት ክሳቸውን ኅዳር 19 ቀን 2011 ዓ.ም. እንዳቋረጠላቸው ታውቋል፡፡

ዓቃቤ ሕግ ክሱን ያቋረጠላቸው ተከሳሾቹ በመንግሥት ላይ ያደረሱትን 11,979,848 ብር በመክፈላቸው መሆኑን ገልጿል፡፡ ዓቃቤ ሕግ ክሱን ማቋረጡን ያስታወቀው በሌሉበት ክስ ተመሥርቶባቸው ጥፋተኛ በተባሉት አቶ የማነ አብርሃ፣ አቶ ወንድወሰን ደምረውና አቶ ሲሳይ በቀለን ጨምሮ ቢሆንም፣ የሦስቱን ተከሳሾች ክስ መቋረጥ ፍርድ ቤቱ አልተቀበለውም፡፡ ዓቃቤ ሕግ ክስ የማቋረጥ ሥልጣን ቢኖረውም ከፍርድ በፊት መሆኑን ጠቁሞ፣ በሦስቱ ላይ የጥፋተኝነት ፍርድ በመሰጠቱ እንደማይችል በመጠቆም ቅጣት ጥሎባቸዋል፡፡ በመሆኑም እያንዳንዳቸው በስድስት ዓመታት ጽኑ እስራትና 20,000 ብር እንዲቀጡ ውሳኔ ሰጥቷል፡፡ የፌዴራል ፖሊስም ፍርደኞቹን አፈላልጎ በመያዝ ለማረሚያ ቤት እንዲያስረክብ ትዕዛዝ ሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...