Monday, May 27, 2024
- Advertisement -
- Advertisement -

ዜናየአዲስ አበባ ፀጥታ ተቋማትን አቀናጅቶ የሚመራ ቢሮ ሊቋቋም ነው

የአዲስ አበባ ፀጥታ ተቋማትን አቀናጅቶ የሚመራ ቢሮ ሊቋቋም ነው

ቀን:

የአዲስ አበባ ከተማ አስተዳደር ምክትል ከንቲባ ታከለ ኡማ (ኢንጂነር) የከተማውን ሰላምና ፀጥታ አስተማማኝ ለማድረግ የፍትሕ ተቋማትን፣ የፖሊስ ኮሚሽንንና የደንብ ማስከበር አገልግሎትን በአንድ ላይ አቀናጅቶ የሚመራ ትልቅ ተቋም እንደሚደራጅ አስታወቁ፡፡፡

ምክትል ከንቲባ ታከለ ይህንን የተናገሩት፣ 1,700 የሚሆኑ አዳዲስ ተሿሚዎችን ለማሠልጠን በአዳማ ከተማ በተዘጋጀ መድረክ ላይ ነው፡፡

ምክትል ከንቲባው እንዳሉት፣ በአዲስ አበባ በጠራራ ፀሐይ ሕገወጥ ተግባራት እየተፈጸሙ ነው፡፡ ‹‹የሴቶች ቦርሳዎች ይነጠቃሉ፣ የሞባይል ስልኮች ይዘረፋሉ፣ የተለያዩ ወንጀሎች ይፈጸማሉ፤›› ሲሉ እየተስተዋለ ያለው ችግር በሕገወጥ ድርጊት ተሳትፈዋል የተባሉ አራት ሺሕ የሞተር ብስክሌቶች በቁጥጥር ሥር መዋላቸውን፣ በተጨባጭ በማስረጃ በቁጥጥር ሥር የዋሉ 30 ተጠርጣሪዎች መኖራቸውንም ምክትል ከንቲባው አክለዋል፡፡

- Advertisement -

ችግሩን በዘላቂነት ለመፍታት አስተዳደሩ የፀጥታ ተቋማትን በአንድ ላይ የሚመራ ተቋም ማደራጀት አስፈላጊ ሆኖ መገኘቱን አስታውቀዋል፡፡

የአዲስ አበባ ከተማ አስተዳደር፣ አደረጃጀትና የመዋቅር ጥናት ፕሮጀክት ጽሕፈት ቤት ያካሄደውን ጥናት በቅርቡ ለውይይት አቅርቦ ነበር፡፡

የፕሮጀክት ጽሕፈት ቤቱ፣ የከተማው ፍትሕ ቢሮ፣ የአዲስ አበባ ፖሊስ ኮሚሽንና የአዲስ አበባ ደንብ ማስከበርን በአንድ ላይ አቀናጅቶ የሚመራ ‹የአዲስ አበባ ከተማ ፀጥታ አስተዳደር ቢሮ› የተሰኘ የካቢኔ አባል ተቋም እንዲቋቋም ምክረ ሐሳብ አቅርቧል፡፡

ይህ አዲስ ተቋም የአዲስ አበባ ከተማ ፖሊስ ኮሚሽን ከ14 ዓመታት በኋላ ከፌዴራል መንግሥት ወደ ከተማው በመመለስ የፍትሕ ቢሮን፣ የደንብ ማስከበርን፣ እንዲሁም በክፍላተ ከተሞችና በወረዳዎች የሚገኙ የፀጥታ መዋቅሮችን አንድ ላይ አቀናጅቶ ይመራል ተብሏል፡፡

ይህ ምክረ ሐሳብ ለካቢኔ ቀርቦ ውሳኔ ባያገኝም፣ ምክትል ከንቲባው ተቋሙ እንደሚደራጅ አመላክተዋል፡፡

አዲሱ ተቋም በቅርቡ ተቋቁሞ ሥራ ይጀምራል ቢባልም፣ እስካሁን መዋቅሩ ፀድቆ ሥራ የሚጀመርበት ቀን ገና አልተቆረጠም፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...