Saturday, November 26, 2022
ሌሎች ዓምዶች
    - Advertisement -
    - Advertisement -
    ዜናየቡራዩ ተፈናቃዮችን በዘላቂነት ለማቋቋም እንቅስቃሴ ተጀመረ

    የቡራዩ ተፈናቃዮችን በዘላቂነት ለማቋቋም እንቅስቃሴ ተጀመረ

    ቀን:

    የቡራዩ ከተማ ነዋሪዎች በጥቃቱ እጃችን የለበትም አሉ

    የፌዴራል መንግሥት ከአዲስ አበባ ከተማ አስተዳደርና ከኦሮሚያ ክልላዊ መንግሥት ጋር በመቀናጀት፣ ከቤት ንብረት የተፈናቀሉ ከ12 ሺሕ በላይ የቡራዩና አካባቢው ወገኖች ለማቋቋም እንቅስቃሴ ጀመረ፡፡

    በአሁኑ ወቅት ጉዳት ለደረሰባቸው ዜጎች ሰብዓዊ ድጋፍ ከማቅረብ ጎን ለጎን በቡራዩና አካባቢው ተፈናቅለው በመጠለያ ጣቢያዎች የሚገኙ ዜጎችን ለማቋቋም፣ የተለያዩ ሥራዎችን ማከናወን መጀመሩ ተመልክቷል፡፡

    እየተከናወኑ ከሚገኙ ሥራዎች መካከል ሕይወታቸውን ያጡና የተጎዱ ዜጎችን መለየት፣ የተቃጠሉና የፈረሱ ቤቶችና ንብረቶችን መለየት ተጠቃሾች ናቸው፡፡

    ይህ ሥራ ከተጠናቀቀ በኋላ ወደ መልሶ ግንባታ የሚገባ እንደሆነ፣ በችግር ላይ የሚገኙ ዜጎችን በማቋቋም ወደነበሩበት የመመለስ ሥራ ይከናወናል ተብሏል፡፡

    ከዚህ ሥራ ባሻገርም በቡራዩና በአካባቢው የደፈረሰውን ሰላም ወደነበረበት ለመመለስ፣ ከአገር ሽማግሌዎች፣ ከአካባቢው ነዋሪዎች ጋር ውይይት ተካሂዶ ችግሩ በዘለቄታ በሚፈታበት መንገድ ላይ ስምምነት ላይ መደረሱ ተገልጿል፡፡

    በቡራዩና በአካባቢው እስከ ሰኞ መስከረም 7 ቀን 2011 ዓ.ም. ምሽት ድረስ፣ የተፈናቀሉ ዜጎች ቁጥር 12‚015 መድረሱን የአዲስ አበባ ከተማ አስተዳደር አስታውቋል፡፡

    በአሁኑ ወቅት ተፈናቃዮቹ በኮልፌ ቀራንዮ፣ በአዲስ ከተማና በጉለሌ ክፍላተ ከተሞች በሚገኙ 15 ጊዜያዊ መጠለያ ጣቢያዎች ተጠልለዋል፡፡

    መንግሥት ከሚያቀርበው ሰብዓዊ ዕርዳታ ባሻገር የአዲስ አበባ ከተማ ነዋሪዎች በከፍተኛ ደረጃ ለተጎጂዎች ድጋፍ እያደረጉ መሆኑ ታውቋል፡፡ የአዲስ አበባ ከተማ አስተዳደር የከተማው ነዋሪዎች እያደረጉ ላሉት ሰብዓዊ ድጋፍ ምሥጋናውን አቅርቧል፡፡

    የከተማ አስተዳደሩ የዕርዳታ ማስተባበር ሥራውን ሙሉ በሙሉ ከመረከቡ በፊት፣ በርካታ በጎ ፈቃደኞች ቀንና ሌሊት ከፍተኛ አስተዋጽኦ አድርገዋል፡፡ የአዲስ አበባ ከተማ ነዋሪዎችም ለተፈናቃዮቹ አርዓያነት ያለው ደጋፍ ማድረጋቸው አይዘነጋም፡፡

    ይህ በዚህ እንዳለ የቡራዩ ከተማ ነዋሪዎች ከኢቲቪ ጋር ባደረጉት ቃለ ምልልስ እጃቸው እንደሌለበት ተናገሩ፡፡ አንድ አዛውንት፣ ‹‹በወገኖቻችን ላይ እንዲህ ዓይነት ተግባር ለመፈጸም ዕቅዱም ፍላጎቱም አልነበረንም፤›› ብለው፣ በመከባበርና አንድ ላይ ሲኖሩ እንደነበር አስረድተዋል፡፡

    ‹‹አንዱን ጠልተን ሌላውን ወደን የመኖር ዓላማ የለንም፡፡ ራሳችንንና ልጆቻችንን እንደምንወድ ሌላውንም እንደ ራሳችን በማየት ስንኖር ነበር፡፡ የአሁኑ ጥቃት ሆን ተብሎ የተቀነባበረ ድርጊት ነው፤›› ብለዋል፡፡

    ወጣቶችን በመወከል የተናገረ አንድ ወጣት ደግሞ የቡራዩ ከተማ ቄሮ በዚህ ተግባር አልተሳተፈም ብሏል፡፡ ‹‹ይህ የፖለቲካ ቅንብር ድራማ ነው፡፡ እየመጡ ያሉ ለውጦችን ዋጋ ለማሳጣት ካልሆነ በቀር ሌላ ዓላማ የለውም፡፡ የሰው ነፍስ እንዲጠፋና ንብረት እንዲወድም ሆነ ተብሎ የተቀነባበረ ሴራ ነው፤›› ብሏል፡፡

    አዛውንቱ በበኩላቸው ሕዝቡ አብሮ መኖሩን፣ ችግሩ ከተከሰተ በኋላ ተፈናቃዮቹ ካልሄድን ማለታቸውን፣ ቢለምኑዋቸውም እምቢ ማለታቸውን ተናግረዋል፡፡ ‹‹የተፈናቀሉ ወገኖቻችንን መልሰን ለማቋቋም ዝግጁ ነን፡፡ ይመለሱ እንጂ እኛ ዋስትና ነን፡፡ ለወፊት አብሮ ለመኖር የሚያግደን ምንም ነገር የለም፤›› ብለዋል፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...

    የተወሳሰበው ሰላም የማስፈን ሒደት

    የደቡብ አፍሪካ የሰላም ስምምነት ተፈርሞ ብዙም ሳይዘገይ የኬንያው ቀጣይ...