Monday, May 20, 2024
- Advertisement -
- Advertisement -

ማኅበራዊየአዲስ አበባ ከተማ አስተዳደር በድጋሚ የመኖሪያ ቤቶች ቆጠራ እንዲካሄድ አዘዘ

የአዲስ አበባ ከተማ አስተዳደር በድጋሚ የመኖሪያ ቤቶች ቆጠራ እንዲካሄድ አዘዘ

ቀን:

የቀድሞ የአዲስ አበባ ከተማ አስተዳደር የኮንዶሚኒየምና የቀበሌ ቤቶች ቆጠራ ቢያካሄድም፣ በውጤቱ ያልረካው የአዲሱ ምክትል ከንቲባ ታከለ ኡማ (ኢንጂነር) ካቢኔ በድጋሚ ቆጠራ እንዲካሄድ ትዕዛዝ ሰጠ፡፡ 
ካቢኔው ከ2003 ዓ.ም.ወዲህ ለመጀመርያ ጊዜ የመሬትና መሬት ነክ አገልግሎት ዘርፍ ኦዲት እንዲደረግ ከወሰነ በኋላ በድጋሚ በኮንዶሚኒየም፣ በቀበሌ ቤቶችና በአጠቃላይ በከተማው ውስጥ የተገነቡ ሕንፃዎች ኦዲት እንዲደረጉ ባለፈው ሳምንት መጨረሻ ውሳኔ አሳልፏል፡፡ 

በቀድሞ የአዲስ አበባ ከተማ አስተዳደር ከንቲባ አቶ ድሪባ ኩማ የሥልጣን ዘመን የኮንዶሚኒየም ቤቶችና የቀበሌ ቤቶች ቆጠራ ተካሄዶ ነበር፡፡ 

በቆጠራው መሠረት ለተጠቃሚዎች ከተላለፉ ኮንዶሚኒየም ቤቶች ውስጥ 3,331 ተዘግተው የተቀመጡ፣ 712 ቤቶች ከባንክ ጋር ውል ሳይፈጽም በነፃ የሚኖርባቸው፣ 33 መኖሪያ ቤቶች ከተገነቡበት ዓላማ ውጪ ለንግድ አገልግሎት የዋሉ፣ አንድ ሺሕ ቤቶች ደግሞ የቀበሌ ቤታቸውን ባላስረከቡ ግለሰቦች የተያዙ መሆናቸው ተደርሶበታል፡፡ 

- Advertisement -

ተዘግተው የተቀመጡ ቤቶችን የአቶ ኩማ አስተዳደር ለመምህራን በኪራይ እንዲተላለፍ አድርጓል፡፡ ነገር ግን ምንጮች እንደገለጹት፣ በተለያዩ ጊዜያት የኮንዶሚኒየም ቤቶች የሚተላለፉበት መመርያ እየተሻሻለ በዚያው መጠን ደግሞ ያልተገባቸውን ቤት ይዘዋል የተባሉ ግለሰቦች ቁጥር ከፍተኛ እየሆነ መጥቷል፡፡ 

ከዚህ በተጨማሪ በቀበሌ ቤቶች ላይ በድጋሚ ቆጠራ እንዲካሄድ መታዘዙ ግርምት ፈጥሯል፡፡በ1996 ዓ.ም.በተካሄደ የቀበሌ ቤቶች ቆጠራ በአዲስ አበባ ከተማ 150 ሺሕ ቤቶች እንዳሉ ተመልክቷል፡፡ ከ14 ዓመታት በኋላ በ2010 ዓ.ም.በተካሄደ ቆጠራ 140 ሺሕ የቀበሌ ቤቶች መኖራቸው ተመልክቷል፡፡

የአዲስ አበባ ከተማ አስተዳደር የቤቶች አስተዳደር ኤጀንሲ በ2009 ዓ.ም.የጀመረውን ቆጠራ በ2010 ዓ.ም.አጠናቋል፡፡ በተደረገው ቆጠራ በመሀል አዲስ አበባ የሚገኙት ቂርቆስ፣አራዳ፣ አዲስ ከተማ፣ልደታ፣ጉለሌና የካ ክፍላተ ከተሞች 140 ሺሕ ቤቶች ተገኝተዋል፡፡

በአስተዳደሩ ዕውቅና ከመሀል ከተማ ለመልሶ ማልማት የፈረሱ ቤቶች የመኖራቸውን ያህል በሕገወጥ መንገድ የግል ይዞታ የተደረጉ፣ ፈርሰው ከግል ይዞታ ጋር የተቀላቀሉ፣ ተስፋፍተው የተገነቡ፣ ወደ ግል ይዞታነት የተለወጡ በመኖራቸው ዕርምጃ ይወሰዳል ተብሎም ነበር፡፡

ነገር ግን ዕርምጃ አለመወሰዱ ብቻም ሳይሆን፣ በኦዲት ሪፖርቱ መሠረት ሙሉ በሙሉ ከሕገ ወጦች አልፀዱም በሚል ምክንያት አዲሱ ካቢኔ በድጋሚ የኦዲት ቆጠራ ተካሂዶ ዕርምጃ እንዲወሰድ አቅጣጫ አስቀምጧል፡፡ 

በአራተኛ ደረጃ የተቀመጠው የሕንፃዎች ኦዲት ጉዳይ ነው፡፡ በአዲስ አበባ ከተማ በርካታ የአገልግሎት መስጫ ሕንፃዎች የተገነቡ ቢሆንም፣ በሕንፃዎቹ ላይ የሕጋዊነት ጥያቄ በተደጋጋሚ እየተነሳነው፡፡ 

ከተገነቡ ሕንፃዎች በተጨማሪ ባለቤት የሌላቸው የሚመስሉና ተጀምረው ያላለቁ ሕንፃዎች በየጊዜው በተለያዩ ቦታዎች መገኘት ጥያቄ እየፈጠረ በመሆኑ ኦዲት እንዲደረግ ውሳኔ መተላለፉ ታውቋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...