Monday, December 5, 2022
ሌሎች ዓምዶች
    - Advertisement -
    - Advertisement -
    ማኅበራዊቤቶች ኮርፖሬሽን ለከፍተኛ የመንግሥት ባለሥልጣናት በአንድ ሥፍራ 53 ቪላዎች ሊገነባ ነው

    ቤቶች ኮርፖሬሽን ለከፍተኛ የመንግሥት ባለሥልጣናት በአንድ ሥፍራ 53 ቪላዎች ሊገነባ ነው

    ቀን:

    መንግሥት ለከፍተኛ የመንግሥት ባለሥልጣናት በአንድ ሥፍራ 53 ዘመናዊ ቪላዎች እንዲገነቡ ወሰነ፡፡ ቤቶቹን በባለቤትነት የሚገነባው በቅርቡ በከፍተኛ ካፒታል የተቋቋመው የፌዴራል ቤቶች ኮርፖሬሽን ነው፡፡

    በደርግ መንግሥት ዘመን ከተገነቡት የሲኤምሲ አፓርትመንቶች ቀጥሎ፣ በኮርፖሬሽኑ በአንድ ሥፍራ ላይ የሚገነቡት ቪላዎች በሥራ ላይ ለሚገኙ ከፍተኛ የመንግሥት ባለሥልጣናት  ይከፋፈላሉ ተብሏል፡፡

          ቤቶቹ ለምክትል ጠቅላይ ሚኒስትር፣ ለሕዝብ ተወካዮች ምክር ቤት አፈ ጉባዔ፣ ለጠቅላይ ፍርድ ቤት ፕሬዚዳንትና ለሚኒስትሮች ያገልግሉ ተብሏል፡፡

          ቤቶቹ የሚገነቡት በቦሌ ክፍለ ከተማ ገርጂ አካባቢ ከጊዮርጊስ ቤተ ክርስቲያን አጠገብ በሚገኝ አምስት ሔክታር መሬት ላይ ሲሆን፣ የመሬቱ ባለቤት በመንግሥት የልማት ድርጅቶች ሚኒስቴር ሥር የሚገኘው የሕንፃ ዕቃ አቅራቢዎች ድርጅት ነው፡፡

          የሚኒስትሮች ምክር ቤት ሰሞኑን ባካሄደው መደበኛ ስብሰባ የፌዴራል ቤቶች ኮርፖሬሽንና የሕንፃ ዕቃ አቅራቢዎች ድርጅት እንዲዋሀዱ ወስኗል፡፡ የሕንፃ ዕቃዎች አቅራቢ ድርጅት በአዲስ አበባ ከተማ ግንባር ቦታዎች የመሬት ይዞታዎች ስላሉት፣  ኮርፖሬሽኑ በቦታዎቹ ላይ የመኖሪያ ቤቶችን ለመገንባት ዕቅድ አውጥቷል፡፡

          የፌዴራል ቤቶች ኮርፖሬሽን ዋና ሥራ አስፈጻሚ አቶ ራሻድ ከማል ለሪፖርተር አንደገለጹት፣ ኮርፖሬሽኑ በዋናነት በሦስት መንገዶች የመኖሪያ ቤቶች የመገንባት ዕቅድ አውጥቷል፡፡

          የመጀመሪያው የአፓርታማዎች ግንባታ ሲሆን፣ እነዚህን ቤቶች ለመገንባት አምስት ቦታዎች ተለይተው በግንባታዎች ኮንትራክተሮች ለመምረጥ ጨረታ ወጥቷል፡፡

          ሁለተኛው ደግሞ ለከፍተኛ የመንግሥት ባለሥልጣናት የሚሆኑ 53 ቪላዎች  ግንባታ ነው፡፡ ይህንን ዕቅድ ሥራ ላይ ለማዋል ለሚቀጥለው ዓመት ጨረታ እንደሚወጣ አቶ ራሻድ አስረድተዋል፡፡ እነዚህ ቤቶች ከፍተኛ የመንግሥት ባለሥልጣናት በሥራ ላይ እስካሉ ብቻ የሚጠቀሙባቸው ናቸው፡፡ ከእነዚህ ቤቶች በተጨማሪ በሦስተኛ ደረጃ ለሚኒስትር ዴኤታዎች 105 ቤቶችን ለመገንባት ዕቅድ መያዙን አቶ ራሻድ ጨምረው ገልጸዋል፡፡

          እነዚህም ቤቶች በተመሳሳይ አንድ ሚኒስትር ዴኤታ በሥልጣን ላይ እስካለ ድረስ ብቻ የሚጠቀምበት ሲሆን፣ ጡረታ ሲወጣ ለተተኪው ባለሥልጣን ቤቶቹን እንደሚለቅ አቶ ራሻድ አብራርተዋል፡፡

          ኮርፖሬሽኑ በአምስት ሥፍራዎች አፓርታማዎች ለመገንባት ጨረታ አውጥቷል፡፡ የከፍተኛ ባለሥልጣናትን ቤቶች ለመገንባት በሚቀጥለው ዓመት ጨረታ እንደሚያወጣም ታውቋል፡፡

          ኮርፖሬሽኑ በተለይ የመንግሥት ባለሥልጣናትን የመኖሪያ ቤት ችግር ለመቅረፍ በርካታ ሥራዎች እያከናወነ መሆኑ ተገልጿል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...