Tuesday, May 21, 2024
- Advertisement -
- Advertisement -

ሥነ ፍጥረትየባሕር አቆስጣ

የባሕር አቆስጣ

ቀን:

በመዝገበ እንስሳት እንደተጻፈው፣ አጥቢ  እንስሳት የሚባሉት የጀርባ አጥንት ያላቸው ናቸው፡፡  ከነዚህም መካከል በባሕር ውስጥ የሚኖረው አቆስጣ ይጠቀሳል፡፡ አቆስጣን ጨምሮ በቀዝቃዛ ውኃ ውስጥ የሚኖሩ በርካታ አጥቢ እንስሳት ከቆዳቸው ሥር ብርድ ለመከላከል የሚረዳ ወፍራም ስብ አላቸው። እንደ የመጠበቂያ ግንብ ድረ ገጽ ዘገባ፣ የባሕር አቆስጣ ግን ለየት ያለ የብርድ መከላከያ አለው ያሰኘው  ሰውነቱ  ጥቅጥቅ ባለ ፀጉር መሸፈኑ ነው።

የባሕር አቆስጣ ፀጉር ከሌሎች አጥቢ እንስሳት ይበልጥ ጥቅጥቅ ብሎ የበቀለ ነው፤ ይህ እንስሳ በአንድ ካሬ ሴንቲ ሜትር ውስጥ 155 ሺሕ ፀጉሮች አሉት። አቆስጣው በሚዋኝበት ወቅት ሰውነቱን የሸፈኑት ፀጉሮች አየር አፍነው ያስቀራሉ። በፀጉሮቹ ውስጥ የታፈነው አየር ደግሞ ቀዝቃዛው ውኃ የእንስሳውን ቆዳ በቀጥታ እንዳይነካውና የሰውነቱን ሙቀት እንዳያሳጣው ይከላከልለታል።

ሳይንቲስቶች የባሕር አቆስጣን ፀጉር በመመልከት ብዙ ነገሮችን መማር እንደሚቻል ያምናሉ። እነዚህ ሳይንቲስቶች ብርድ በሚከላከሉ ፀጉራማ ኮቶች ላይ ያሉትን ፀጉሮች ቁመትና በመካከላቸው ያለውን ክፍተት በመቀያየር የተለያዩ ሰው ሠራሽ ኮቶችን ለመሥራት ሞክረዋል። ተመራማሪዎቹ ባደረጉት ጥናት የሚከተለው መደምደሚያ ላይ ደርሰዋል፦የፀጉሮቹ ቁመት በጨመረና ፀጉሮቹ ይበልጥ ጥቅጥቅ ባሉ ቁጥር በፀጉር የተሸፈነው ክፍል ያለው ውኃ የመከላከል አቅምም እየጨመረ ይሄዳል።በእርግጥም የባሕር አቆስጣዎች ብርድን በሚገባ የሚከላከል ምርጥ ፀጉራማ ኮት አላቸው ሊባል ይችላል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...