Sunday, May 19, 2024
- Advertisement -
- Advertisement -

ዜናየኦሮሚያና የሶማሌ ክልሎች ግጭት ውድመት ሪፖርት እየተጠናቀቀ ነው

የኦሮሚያና የሶማሌ ክልሎች ግጭት ውድመት ሪፖርት እየተጠናቀቀ ነው

ቀን:

  • አራት መቶ ሺሕ ኢትዮጵያውያን በሳዑዲ እስር ቤት ይገኛሉ

በመስከረም ወር 2010 ዓ.ም. በኦሮሚያና በሶማሌ ክልሎች ግጭት ምክንያት የደረሰውን ውድመት የሚያጣራው ቡድን ሪፖርት እየተጠናቀቀ መሆኑ ተገለጸ፡፡ ከሁለቱም ክልሎች ከ900 ሺሕ በላይ ሰዎች መፈናቀላቸው የሚታወስ ሲሆን፣ መጠኑ የማይታወቅ ንብረት ወድሟል፡፡

የተባበሩት መንግሥታት ድርጅት የሰብዓዊ ጉዳዮች ማስተባበሪያ ጽሕፈት ቤት ማክሰኞ ግንቦት 14 ቀን 2010 ዓ.ም. ባወጣው የሁለት ሳምንታት ሪፖርት መሠረት፣ መንግሥት ከብሔራዊ አደጋ ሥራ አመራር ኮሚሽን፣ ከፌዴራልና አርብቶ አደር ጉዳዮች ሚኒስቴርና ከተለያዩ ሚኒስቴር መሥሪያ ቤቶች የተወጣጣ ቡድን በተለያዩ አካባቢዎች በመገኘት ማጣራት አካሂዷል፡፡

አጣሪው ቡድን በሁለቱ ክልሎች አዋሳኝ ሥፍራዎች የደረሰውን የመሠረተ ልማቶች ውድመት ዓይነትና ስፋት፣ እንዲሁም በግጭቱ ምክንያት በግለሰቦች ንብረት ላይ የደረሰውን ጉዳት መመርመሩ በሪፖርቱ ተካቷል፡፡

- Advertisement -

በተደረገው ማጣራት በመንግሥት መሠረት ልማቶችና በሕዝብ መገልገያዎች ላይ ጉዳት መድረሱ መረጋገጡን፣ በተለይም የውኃ፣ የጤና፣ የትምህርትና የግብርና ተቋማት መጎዳታቸው ተገልጿል፡፡ በተጨማሪም በግል ንብረቶችና ይዞታዎች፣ እንዲሁም በማሳዎች፣ በቤቶች፣ በእንስሳትና በመሳሰሉት ላይ የደረሰው ጉዳት መካተቱ ተጠቁሟል፡፡ የደረሰው ውድመት ግምት ለጊዜው ይፋ ባይደረግም፣ በአጣሪው ቡድን ሪፖርት መጠኑ እንደሚገለጽ ታውቋል፡፡

እየተጠናቀቀ ያለው ሪፖርት በቅርቡ ለመንግሥትና ለለጋሾች ጭምር እንደሚቀርብ፣ በዚህም ላይ በመመሥረት ከ900 ሺሕ በላይ ለሆኑ ተፈናቃዮች የአስቸኳይ ጊዜ ዕርዳታ ለማቅረብ የሚያስችል ንቅናቄ ይደረጋል ተብሏል፡፡ በተጨማሪም ለመካከለኛና ለረጅም ጊዜ የድጋፍ ዕቅድ እንደሚረዳም ተጠቁሟል፡፡

በአሁኑ ጊዜ በኦሮሚያም ሆነ በሶማሌ ክልሎች ውስጥ የሚገኙ ተፈናቃዮች በበቂ መጠን እየተረዱ አለመሆኑን እየገለጹ ነው፡፡ ተፈናቃዮቹን በዘላቂነት ለማቋቋም የሚደረገው ጥረትም አዝጋሚ እንደሆነ ይነገራል፡፡

ይህ በዚህ እንዳለ ዓለም አቀፉ የፍልሰት ድርጅት (አይኦኤም) በባለፈው አንድ ዓመት ከሳዑዲ ዓረቢያ የተመለሱ ዜጎች ቁጥር 160 ሺሕ ያህል ቢሆንም፣ 400 ሺሕ የሚሆኑት በእስር ላይ እንደሚገኙ አስታውቋል፡፡

ባለፈው ሳምንት ጠቅላይ ሚኒስትር ዓብይ አህመድ (ዶ/ር) ለሳዑዲ ዓረቢያ መንግሥት ባቀረቡት ጥያቄ መሠረት 1,400 ያህል እስረኞች መፈታታቸውን ያስታወሰው ድርጅቱ፣ የሳዑዲ ዓረቢያ መንግሥት በሚያዝያ ወር በቁጥጥር ሥር ካዋላቸው እስረኞች መካከል 39 በመቶው ወይም 400 ሺሕ የሚሆኑት ኢትዮጵያዊያን ናቸው ብሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...