Saturday, April 20, 2024
- Advertisement -
- Advertisement -
ዜናበህዳሴ ግድብ ሁለት ተርባይኖች በመጪው መስከረም ኃይል ለማመንጨት ዕቅድ አለ

በህዳሴ ግድብ ሁለት ተርባይኖች በመጪው መስከረም ኃይል ለማመንጨት ዕቅድ አለ

ቀን:

የታላቁ ኢትዮጵያ ህዳሴ ግድብ ሁለት ተርባይኖችመጪው መስከረም 2011 ዓ.ም. ኃይል እንዲያመነጩ ዕቅድ መያዙን ምንጮች ለሪፖርተር ገለጹ።

የሪፖርተር ምንጮች እንደገለጹት የሁለቱን ተርባይኖች ተከላ ለማጠናቀቅ የመጨረሻ ደረጃ ላይደርሷል፡፡ በመሆኑም በመስከረም ወር 2011 ዓ.ም. ተርባይኖቹ ኃይል ማመንጨት እንዲጀምሩ ዕቅድ ተይዟል። ሁለቱን ተርባይኖች ለማስጀመር ግድቡን በውኃ መሙላት የሚጠይቅ አለመሆኑን የገለጹት ምንጮች፣ ግንባታው እየተከናወነ ተርባይኖቹ ኃይል ማመንጨት እንዲችሉ የሚያስፈልገውን የውኃ መጠን ማግኘት እንዲቻል ተደርጎ የግንባታ ዲዛይኑ መሠራቱን ገልጸዋል።

ግድቡ በአጠቃላይ 16 ተርባይኖች ሲኖሩት፣ በቅድሚያ ኃይል እንዲያመነጩ የታቀዱት ሁለቱ ተርባይኖች እያንዳንዳቸው 375 ሜጋ ዋት የማመንጨት አቅም አላቸው። በመሆኑም በመጪው መስከረም አገሪቱ ተጨማሪ 750 ሜጋ ዋት ኤሌክትሪክ ኃይል ስለምታገኝ፣ ይህም ጣና በለስና ተከዜኃይል ማመንጫ ግድቦች ተደምረው በአሁኑ ወቅት ከሚያመነጩት የኤሌክትሪክ ኃይል መጠን እንደሚበልጥ አስረድተዋል።

- Advertisement -

Video from Enat Bank Youtube Channel.

ግድቡ ሲጠናቀቅ 6,450 ሜጋ ዋት የኤሌክትሪክ ኃይል የማመንጨት አቅም እንደሚኖረው፣ ይህም አሁን በአገሪቱ ያለውን ኤሌክትሪክ የማመንጨት አቅም ወደ 11 ሺሕ ሜጋ ዋትይል ያሳድጋል ተብሎ ይጠበቃል።

የህዳሴው ግድብ በኢትዮጵያ የኤሌክትሪክ ኃይል ዘርፍ ላይ ትልቅ ሚና እንደሚኖረው፣ የአገሪቱን የኃይልርጭት 41 በመቶ ወደ 75 በመቶ እንደሚያደርስም ጥናቶች ያመለክታሉ፡፡

የህዳሴ ግድቡ 74 ቢሊዮን ኪዩቢክ ሜትር ውኃ የሚይዝመሆኑ፣ ከዓባይ ተፋሰስ አገሮች በበለጠ ለዘመናትብቸኝነት የወንዙ ተጠቃሚ የሆነችው ግብፅ የውኃ ድርሻዋ እንዳይቀንስባት ሥጋቷን እየገለጸች ነው፡፡

ኢትዮጵያ የዓባይን ወንዝ ጥቅም ላይ ለማዋል ስትነሳም ሆነ እስካሁን የምታስረዳው በሌላ የተፋሰሱ ተጠቃሚ አገር ላይ ጉልህ ጉዳት ያለማድረስ መርህን ነው፡፡ግድቡን የውኃ አያያዝና አለቃቀቅ የተመለከተ ጥናትም በገለልተኛ አጥኚ ቡድን እንዲካሄድ መወሰኗም ይታወቃል።

ላለፉት ሁለት ዓመታት በህዳሴ ግድቡ የውኃ አሞላልና አለቃቀቅ ጉዳይ ውይይቱ አሁንም እንደ ቀጠለ ሲሆንኢትዮጵያ፣ግብፅናሱዳን ባለሙያዎች ከመጋቢት 26 ቀን 2010 ዓ.ም. ጀምሮ በሱዳን ምክክር በማድረግ ላይ ነበሩ፡፡ የውይይቱ ውጤት በአጭር ጊዜ ውስጥ ለሦስቱም አገሮች መሪዎች እንደሚቀርብ ይጠበቃል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...