Thursday, April 18, 2024
- Advertisement -
- Advertisement -
ዜናፓርላማው በአስቸኳይ ጊዜ አዋጁ ላይ እንዲወስን በአስቸኳይ ተጠራ

ፓርላማው በአስቸኳይ ጊዜ አዋጁ ላይ እንዲወስን በአስቸኳይ ተጠራ

ቀን:

የሕዝብ ተወካዮች ምክር ቤት አባላት በአስቸኳይ አዋጁ ላይ እንዲወስኑ ለአስቸኳይ ስብሰባ ተጠሩ፡፡

ከየካቲት 1 ቀን 2010 ዓ.ም. ጀምሮ ለአንድ ወር ዕረፍት የወጡት የፓርላማ አባላት ለአስቸኳይ ስብሰባ በመጠራታቸው ምክንያት፣ ከማክሰኞ የካቲት 20 ቀን 2010 ጠዋት ጀምሮ ሪፖርት ሲያደርጉ እንደነበር ለማወቅ ተችሏል፡፡

የፓርላማው አባላቱ የተጠሩት የሚኒስትሮች ምክር ቤት የካቲት 9 ቀን 2010 ዓ.ም. ያፀደቀው የአስቸኳይ ጊዜ አዋጅ ላይ ተወያይተው ለመወሰን መሆኑን፣ የተገኙ መረጃዎች አመልክተዋል፡፡

- Advertisement -

Video from Enat Bank Youtube Channel.

የሚኒስትሮች ምክር ቤት የአስቸኳይ ጊዜ አዋጅ በማወጅ ተግባራዊ የማድረግ ሥልጣን በሕገ መንግሥቱ ቢሰጠውም፣ ፓርላማው በሥራ ላይ በሚገኝበት ጊዜ የአስቸኳይ ጊዜ አዋጁን በ48 ሰዓት ውስጥ አቅርቦ ማፀደቅ ይኖርበታል፡፡ ፓርላማው በሥራ ላይ በማይገኝበት ጊዜ ደግሞ የአስቸኳይ ጊዜ አዋጁን በ15 ቀናት ውስጥ አቅርቦ ማፀደቅ ይኖርበታል፡፡

ፓርላማው ለዕረፍት በተበተነበት ወቅት የታወጀው የአስቸኳይ ጊዜ አዋጁ አሥራ አምስተኛ ቀኑን የሚይዘው በመጪው ዓርብ የካቲት 23 ቀን 2010 ዓ.ም. በመሆኑ በዛው ዕለት ተሰብስቦ እንዲወስን፣ አባላቱ በአስቸኳይ ከዕረፍት እንዲመለሱ በአፈ ጉባዔው አማካይነት ተጠርተዋል፡፡

የአስቸኳይ ጊዜ አዋጁ በሥራ ላይ ቢውልም በተወሰኑ የኦሮሚያና የአማራ ክልል አካባቢዎች ሰላማዊ ተቃውሞዎች ሲካሄዱ ተስተውሏል፡፡ የሕዝብ ተወካዮች ምክር ቤት አባላት የአስቸኳይ ጊዜ አዋጁን እንዳያፀድቁ በማኅበራዊ ድረ ገጾች ጥሪ እየቀረበላቸው መሆኑን መገንዘብ ተችሏል፡፡

ይህንን ሁኔታ ያስተዋለው የአስቸኳይ ጊዜ አዋጁ ኮማንድ ፖስት ሴክሬታሪያት ማክሰኞ የካቲት 20 ቀን 2010 ባወጣው መግለጫ፣ ‹‹በኦሮሚያ ክልል የሕዝብ ተወካዮች አባላት የመኖሪያ ቤትና አድራሻ በተለያዩ የማኅበራዊ ሚዲያ በማሠራጨት፣ ፀረ ሰላም ኃይሎች በአካል ቤታቸው ድረስ በመሄድና ስልክ በመደወል እያስፈራሯቸው ነው፤›› ብሏል፡፡ ይህንን እንቅስቃሴም እንደማይታገስ አስታውቋል፡፡

በሕገ መንግሥቱ መሠረት ፓርላማው የአስቸኳይ ጊዜ አዋጅን ማፅደቅ የሚችለው በሁለት ሦስተኛ ድምፅ መሆኑ ተደንግጓል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...