Tuesday, February 7, 2023
- Advertisement -
- Advertisement -
ኪንና ባህልውበቷን በቅሪቷ ያስመሰከረችው ‹‹ስሊፒንግ ቢውቲ››

ውበቷን በቅሪቷ ያስመሰከረችው ‹‹ስሊፒንግ ቢውቲ››

ቀን:

2,000 ዓመታትን ያስቆጠሩ የሮማን ኢምፓየርና የአክሱም ዘመነ መንግሥት ቅርሶች በቅርቡ ኢትዮጵያ ውስጥ ተገኝተዋል፡፡ በሰሜናዊ ኢትዮጵያ በእንግሊዛዊት አርኪዎሎጂስት የተገኙት ቅርሶች በአንደኛውና ሁለተኛው መቶ ክፍለ ዘመን የነበሩ መሆናቸው ታውቋል፡፡

አርኪዎሎጂስቷ ልዊስ ስኮፊልድ በጥንታዊቷ አክሱም ስድስት ሳምንት የወሰደ አሰሳ አድርገዋል፡፡ የሙያ አጋሮቻቸው ቅርሶቹ የተገኙባቸውን 11 መካነ መቃብሮች ለማግኘት ችለዋል፡፡ ቅርሶቹ ሮማውያን በአካባቢው ንግድ ያካሂዱ የነበረበት ወቅት ከዚህ በፊት በባለሙያዎች ከሚታሰበው 100 ዓመታት ወደ ኋላ የቀደመ መሆኑን አስረጂ ናቸው፡፡

ዘ ጋርዲያን እንደዘገበው ተመራማሪዋ በግኝታቸው ተገርመዋል፡፡ ‹‹በየቀኑ በርካታ ቅርሶች ከመሬት እያወጣን ነበር፤ ዓይኔን ማመን ነው የተሳነኝ፡፡ የሆነ ነገር እንደምናገኝ እርግጠኛ ነበርኩ፡፡ ቢሆንም ይኼን ያህል ይሆናል ብዬ ስላልጠበቅኩ በጣም ተደስቻለሁ፤›› ብለዋል፡፡

አርኪዎሎጂስቷን በጣም ያስገረማቸው ‹‹ስሊፒንግ ቢውቲ›› የሚል ስያሜ የሰጧት ሴት መካነ መቃብር ነው፡፡ የተቀበረችበት መንገድና በመቃብሯ የተገኙት ቁሶች እጅግ ውብና የተወደደች ሴት እንደነበረች ያመላክታል ብለዋል፡፡

ሴቲቷ የተቀበረችው በአንድ ጎኗ አዘንብላ ፊቷን በአንድ እጇ አስደግፋ ነው፡፡ የነሐስ ቀለበት አድርጋለች፡፡ የሮማን ነሐስ መስታወት ከፊት ለፊቷ ተደርጎላታል፡፡ የኮስሞቲክስ ዕቃዎቿም እጅግ የተዋቡ ናቸው፡፡ አንገቷ ላይ ያለው ሀብልና ቀለበቷም ውድ ቁሶች ናቸው፡፡ አጠገቧ ጆግ፣ የአበባ ማስቀመጫና ሌሎችም ቁሳቁሶች ተገኝተዋል፡፡ ተመራማሪዋ ከሞት በኋላ ለሚኖረው ሕይወት ምግብና መጠጥ የተቀመጠባቸው እንደሆኑ ገልጸዋል፡፡ ከፍተኛ ቦታ የነበራት ሴት እንደነበረችም ያመላክታል፡፡

በ‹‹ስሊፒንግ ቢዊቲ›› መካነ መቃብር አቅራቢያ 1065 ባለ ደማቅ ቀለም ፈርጦች ያሉት ሀብል አድርጋ የተቀበረች ሴት አፅምም ተገኝቷል፡፡ አብሯት የሽቶ ጠርሙስ መገኘቱም ብዙዎችን አስገርሟል፡፡

ግኝቶቹ በአክሱም ዘመነ መንግሥት ከሮም ጋር በቅርበት ይደረግ የነበረው ንግድ ውጤት እንደሚሆኑ የተናገሩት ተማራማሪዋ፣ ‹‹ኢትዮጵያ ምስጢራዊ አገር ናት፣ በርካቶች ግን ብዙ መረጃ የላቸውም፤›› ብለዋል፡፡

ግኝቶቹ በቅርብ ወደሚከፈተው የጀርመን ሙዚየም ይወሰዳሉ፡ ተማራማሪዋ እ.ኤ.አ. በ2012 በተመሳሳይ አካባቢ የጥንት የወርቅ ማዕድን ቁፋሮ ቦታ ማግኘታቸውም ተዘግቧል፡፡ ግኝቱ የንግሥተ ሳባ ሀብት ከየት እንደመነጨ ፍንጭ ሰጪ መሆኑ ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቤተክህነት ባቀረበችው የይግባኝ አቤቱታ ላይ ውሳኔ ለመስጠት ለዕሮብ ተቀጠረ

የኢትዮጵያ ኦሮቶዶክስ ተዋህዶ ቤተክርስቲያን ሀገወጥ ነው በተባለው አዲሱ ሲኖዶስና...

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...