Monday, April 15, 2024
- Advertisement -
- Advertisement -
ኪንና ባህልፋሺስት ኢጣሊያን ለተዋጉት አሜሪካዊ የተሠራው ሐውልት ሚያዝያ 27 ይመረቃል

ፋሺስት ኢጣሊያን ለተዋጉት አሜሪካዊ የተሠራው ሐውልት ሚያዝያ 27 ይመረቃል

ቀን:

በፋሺስት ኢጣሊያ ወረራ ዘመን (1928-1933) ከኢትዮጵያ ጎን ቆመው ከተዋጉት የውጭ አገር ዜጎች አንዱ ለነበሩት አፍሪካ አሜሪካዊው ኮሎኔል ጆን ሮቢንሰን፣ በቅድስት ሥላሴ ካቴድራል የተሠራው የመታሰቢያ ሐውልት ማክሰኞ ሚያዝያ 27 ቀን 2007 ዓ.ም. እንደሚመረቅ የጥንታዊት ኢትዮጵያ ጀግኖች አርበኞች ማኅበር (ጥኢጀአማ) አስታወቀ፡፡

ፋሺስት ኢጣሊያ ድል የተመታበት የሚያዝያ 27 ቀን፣ 74ኛ ዓመት ክብረ በዓል አስመልክቶ ጥኢጀአማ ለሪፖርተር በላከው መግለጫ እንዳስታወቀው፣ አፍሪካዊ አሜሪካዊው ኮሎኔል ጆን ሮቢንሰን የንጉሠ ነገሥቱን ቀዳማዊ ኃይለ ሥላሴ ጥሪ ተቀብለው የመጡ አውሮፕላን አብራሪ ሲሆኑ፣ በፋሺስት ወረራ ዘመን ከ700 ሰዓታት በላይ ውጊያ በመፈጸም ለአገሪቱ ትልቅ አስተዋጽዖ አበርክተዋል፡፡

በዘንድሮው የሚያዝያ 27 የኢትዮጵያ ድል በዓል የአርበኞች መካነ መቃብር በሚገኝበት መንበረ ጸባኦት ቅድስት ሥላሴ ካቴድራል ከረፋዱ 4፡30 ላይ የሚመረቀው የአርበኛው ኮሎኔል ጆን ሮቢንሰን ሐውልት የታነፀው በአርበኞች ማኅበርና በአሜሪካ ኤምባሲ ትብብር መሆኑ ታውቋል፡፡

- Advertisement -

Video from Enat Bank Youtube Channel.

መረጃዎች እንደሚጠቁሙት፣ የኢትዮጵያን ወጣቶች ለአውሮፕላን አብራሪነት ለማብቃት ከተሰማሩት ከመጀመሪያዎቹ አስተማሪዎች አንዱ የነበሩት ኮሎኔሉ የአውሮፕላን ጥገና ባለሙያዎችን ማፍራታቸውና ከስድስት አሠርታት በፊት ኢትዮጵያ ውስጥ አርፈው መቀበራቸው ይወሳል፡፡

ባለፈው የካቲት ወር የአፍሪካ አሜሪካውያን ጊዜ በኢትዮጵያ ሲከበር በአሜሪካ ኤምባሲ አማካይነት በኢትዮጵያ ብሔራዊ ሙዚየም በተዘጋጀ ዐውደ ርዕይ ኮሎኔል ጆን ሮቢንሰን የተዘከሩ ሲሆን፣ በኤምባሲው  ግቢም የቀድሞው ፕሬዚዳንት ግርማ ወልደ ጊዮርጊስ በተገኙበት የመታሰቢያ አጸድ ምረቃ መካሄዱ ይታወሳል።

 የሚያዝያ 27 ቀን የድል በዓል በመላው ኢትዮጵያ እንደሚከበርና በተለይም በአዲስ አበባ አራት ኪሎ በሚገኘው ሚያዝያ 27 አደባባይ ፕሬዚዳንት ዶ/ር ሙላቱ ተሾመ፣ አምባሳደሮችና ሚሊተሪ አታሼዎች  በተገኙበት ከጧቱ 1፡00 ሰዓት ጀምሮ እንደሚከበር የአርበኞች ማኅበር ጠቁሟል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...