Tuesday, December 6, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩን ሾፌራቸው ከቤታቸው እየወሰዳቸው ነው]

    • ደህና አደሩ ክቡር ሚኒስትር?
    • ምንድን?
    • ምን ሆነዋል?
    • ተቃጠልኩ ባክህ፡፡
    • እሳት ነው ያቃጠልዎት?
    • ምን ይቀባጥራል ይኼ?
    • ታዲያ ኑሮ ነው ያቃጠልዎት?
    • ኧረ እዛው አንተ ራስህ ተቃጠል፡፡
    • ታዲያ ምን ሆነው ነው?
    • ኳስ ነው ባክህ፡፡
    • የምን ኳስ?
    • ኮፓ አሜሪካ፡፡
    • የአውሮፓ ዋንጫ ማለትዎ ነው?
    • የአውሮፓ ዋንጫ ማን ያያል? ኮፓ አሜሪካ ነው የማየው፡፡
    • ምንድን ነው እሱ?
    • የደቡብ አሜሪካ አገሮች የሚፎካከሩበት የእግር ኳስ ውድድር ነው፡፡
    • በኢቢሲ ይተላለፋል?
    • እኔ ምን አውቅልሃለው?
    • ታዲያ በምንድን ነው የሚያዩት?
    • እኔ ኢቢሲ ላይ?
    • ምን አለበት?
    • ሥራም አላጣሁ፡፡
    • ታዲያ በምንድን ነው የሚያዩት?
    • በዲኤስቲቪ ነዋ፡፡
    • ወይ ዲኤስቲቪ?
    • የለህም እንዴ?
    • የደላው ሙቅ ያኝካል አሉ፡፡
    • ምን አልከኝ?
    • እኔ ዲኤስቲቪ ከማስገባ አገሪቱ ሳተላይት ብታመጥቅ ይቀላል፡፡
    • ልናመጥቅ አይደል እንዴ?
    • ምን?
    • ሳተላይት ነዋ፡፡
    • በቃ ያኔ ዲኤስቲቪ ማየት እችላለሁ፡፡
    • አንተ ግን የኳስ ፍቅር የለህም?
    • እኔ የአገር ፍቅር ነው ያለኝ፡፡
    • አገር ፍቅር ቴአትር ቤቱን ትወደዋለህ?
    • እርሶ ግን የአገር ፍቅር አልዎት?
    • ማን እኔ?
    • እህሳ?
    • ከባድ ጥያቄ ነው፡፡
    • የእንትን ፍቅር እንዳልዎት ግን አውቃለሁ፡፡
    • የምን ፍቅር?
    • የንዋይ ፍቅር፡፡
    • ምን አልክ አንተ?
    • ዘፋኙን እኮ ማለቴ ነው፡፡
    • እ… እሱን እወደዋለሁ፡፡
    • ምኑ ነው ያናደድዎት ግን?
    • አርጀንቲና መሸነፏ ነዋ፡፡
    • መሸነፍ አልነበረባትም?
    • ሲጀመር ጠንካራ ቡድን አላት፣ በዛ ላይ ደግሞ የመጨረሻ ጨዋታ ነበር፡፡
    • እና እናንተም የመሸነፍ ዕድል አላችሁ ማለት ነው?
    • እንዴት ማለት?
    • ያው እንደ አርጀንቲና ጠንካራ ናችሁ በዛ ላይ ደግሞ የመጨረሻ ጨዋታ ላይ ትመስሉኛላችሁ፡፡
    • ወሬማ ማን ብሎህ?
    • ያው ጨዋታን ጨዋታ ያነሳዋል ብዬ ነው፡፡
    • ስማ ምን እንዳሳዘነኝ ታውቃለህ?
    • ምንድን ነው ያሳዘንዎት?
    • ሜሲ ማልቀሱ ነዋ፡፡
    • ይኼ ምን ያሳዝናል?
    • እንዴት አያሳዝንም?
    • ይኸው ዘጠና ሚሊዮን ሕዝብ ያለቅሳል አይደል እንዴ?
    • ምን ሆኖ ነው የሚያለቅሰው?
    • ለምን እንደሚያለቅስም አያውቁም?
    • ግድብ ተሠራለት፣ ባቡር ተሠራለት ታዲያ ለምን ያለቅሳል?
    • አባት ሞቶበት!

     [የክቡር ሚኒስትሩ አማካሪ ቢሯቸው ገባ] 

    • ይኸው ሪፖርቱ ክቡር ሚኒስትር፡፡
    • የምን ሪፖርት ነው?
    • የአፈጻጸም ሪፖርት ይዘጋጅ ብለውኝ ነበር፡፡
    • ስማ አሁን ከባድ ሥራ ላይ ነኝ፡፡
    • የምን ሥራ?
    • ጨረታ እያየሁ ነኝ፡፡
    • የምን ጨረታ?
    • ሁሉንም ነው እኔ የምመለከተው፡፡
    • እና ምን ልርዳዎት?
    • እስቲ እዚህ ጋዜጣ ላይ ፈልግልኝ፡፡
    • እርሶ ምን እያዩ ነው ኮምፒዩተሩ ላይ?
    • በኢሜይል ራሱ ጨረታ ይመጣልኛል፡፡
    • ይኸው አንድ ጨረታ አገኘው እዚህ ጋ፡፡
    • የምን ጨረታ ነው?
    • ሐራጅ የወጣበትን መጋዘን ባንኩ አጫርቶ መሸጥ ይፈልጋል ነው የሚለው፡፡
    • እስቲ አምጣው፡፡
    • ይኸው ይዩት፡፡
    • ጉድ ጉድ ጉድ፡፡
    • ምነው ክቡር ሚኒስትር?
    • አይ ምንም፡፡
    • ያውቁታል እንዴ?
    • የአንድ ዘመዴ ነው፡፡
    • የሚያውቁት ሰው?
    • እኔ ነኝ ከገጠር ያመጣሁት ስልህ፡፡
    • ከገጠር መጥቶ ነው መጋዘን ያለው?
    • በመቶ ብር ጀምሮ አሁን መቶ ሚሊዮን ብር አለው፡፡
    • ምን እያሉኝ ነው?
    • ተግተህ ከሠራህ አገሪቷ ውስጥ በርካታ ዕድል እኮ አለ፡፡
    • እና በ25 ዓመት ውስጥ ከመቶ ብር ተነስቶ መቶ ሚሊዮን ብር መድረስ ይቻላል?
    • ይቻላል፡፡
    • ለዛውም ሳይማር?
    • ይቻላል ስልህ?
    • እኔ እኮ ሁለተኛ ዲግሪዬን ከያዝኩ 10 ዓመት አለፈኝ፤ ግን…
    • ግን ምን?
    • እንኳን መጋዘን ሊኖረኝ ከወር ወር መድረስ አቅቶኛል፡፡
    • እንግዲያው እንትን ድረስ፡፡
    • ምን?
    • መጽሐፍ!

     [ክቡር ሚኒስትር መጋዘኑን ሐራጅ ያወጣው ባንክ ኃላፊ ጋ ደወሉ] 

    • ሰላም ክቡር ሚኒስትር፡፡
    • ምነው አበጥክ?
    • ምን አሉኝ?
    • ምንድን ነው እንደዚህ ያጠገበህ?
    • ምን አደረኩኝ ክቡር ሚኒስትር?
    • እኮ ምንድን ነው እንደዚህ ያሳበጠህ?
    • ምን ሆነው ነው?
    • የእኔን መጋዘን ለሐራጅ?
    • የምን መጋዘን ነው?
    • ጋዜጣ ላይ ያወጣኸውን ማስታወቂያ አይተኸዋል?
    • ብዙ ማስታወቂያ ነው እኮ የሚወጣው ክቡር ሚኒስትር፡፡
    • እና እንዴት ብንደፋፈር ነው?
    • በእርስዎ ስም ያለ መጋዘን ነው?
    • በዘመዴ ስም ነው ያለው፡፡
    • ለዛ ነዋ ክቡር ሚኒስትር፡፡
    • እዚህ የደረሳችሁት በማን ነው?
    • ይኼማ ሳይታለም የተፈታ ነው፡፡
    • አሁን ግን ረስታችሁታል፡፡
    • ኧረ ክቡር ሚኒስትር ይኸው ባንካችን ከእርስዎ ጋር ትልቅ ሥራ አይደል እንዴ የሚሠራው?
    • እኮ እንዴት መጋዘኔ ሐራጅ ይወጣበታል?
    • በቃ መልሰው ይገዙታል፡፡
    • ድጋሚ ገንዘብ ላወጣ?
    • በቃ መልሰው ይበደሩናል፡፡

     [ክቡር ሚኒስትሩ ኢንተርኔት ሲያስቸግራቸው የአይቲ ክፍል ኃላፊውን አስጠሩት] 

    • አቤት ክቡር ሚኒስትር፡፡
    • ምን እየሠራችሁ ነው?
    • ምን ሠራን አለቃ?
    • ኢንተርኔት የለም እኮ፡፡
    • የእኛ አይደለም እኮ ችግሩ፡፡
    • እና የማን ነው?
    • የቴሌ፡፡

     [ክቡር ሚኒስትሩ ቴሌ ደወሉ] 

    • ጤና ይስጥልኝ፡፡
    • ጤና ይንሳህ ለማለት ፈልገህ ነው?
    • ምን አሉኝ?
    • ጤና እየነሳችሁን ጤና ይስጥልኝ ትላላችሁ?
    • ማን ልበል?
    • እኔ ጠፋሁ፤ ጭራሽ?
    • ይቅርታ አላወኩም፡፡
    • ክቡር ሚኒስትር ነኝ፡፡
    • በጣም ይቅርታ አለቃዬ፡፡
    • ምን እየሠራችሁ ነው?
    • ምን አጠፋን?
    • እኔ ከጠፋውብህ ከዚህ ሌላ ምን ጥፋት አለ?
    • ይቅርታ በጣም፡፡
    • ኢንተርኔት እኮ ከጠፋ ቆየ፡፡
    • አስመዝግበዋል፡፡
    • እኔ ጠፋሁ? እኔ ላስመዝግብ?
    • ያው አሠራሩ እንደዛ ነው ብዬ ነው፡፡
    • እና እኔ እንደሌላው ሰው ላስመዝግብ?
    • ምን አለበት?
    • ለምን ሥራችሁን አትለቁም?
    • ምን አሉኝ?
    • ይኸው በኢንተርኔት ምክንያት ኢሜይል ቼክ ማድረግ አቅቶኛል፡፡
    • እንዴ ስልክዎት ምንድን ነው?
    • Iphone ነዋ፡፡
    • እና ታዲያ በስልክዎት ለምን አያደርጉም?
    • ይቻላል እንዴ?
    • ይኼንንም አያውቁም?
    • እኔ እንደእናንተ ጊዜ አልተረፈኝም፡፡
    • ገንዘብ ነው የተረፍዎት?
    • ምን አልክ አንተ ሞላጫ?
    • ምንም፡፡
    • ሰሞኑን ዜና አልተመለከትክም፡፡
    • ተመልክቻለሁ፡፡
    • ስለዚህ እናንተም እንደ ዴቪድ ካሜሮን…
    • ምን?
    • ሥራችሁን ልቀቁ!

     [ክቡር ሚኒስትሩ ቤት ሲገቡ ሚስታቸውን አገኟቸው] 

    • ምን ሆነሃል?
    • ሲያቃጥሉኝ ነው የዋሉት፡፡
    • እነማን ናቸው?
    • እነዚህ ቴሌዎች፡፡
    • ለምን?
    • ምንም ሥራ መሥራት አልቻልኩም፡፡
    • ለምን?
    • በቃ ኢንተርኔት የለም፤ ብዙ ሥራ ተበላሸብኝ፡፡
    • ምን ታደርገዋለህ?
    • እኔማ ከሥራ ልቀቁ አልኳቸው፡፡
    • ልክ እንደ ዴቪድ ካሜሮን?
    • እህሳ፡፡
    • አሁን እናንተ ጋ እንደዚህ ዓይነት ባህል አለ?
    • የምን ባህል?
    • የሕዝቡን ፍላጎት ካላረካሁ ከሥልጣን እለቃለሁ የሚል ነው፡፡
    • እሱ ባክሽ ጅል ነው፡፡
    • እንዴት?
    • አይደለም ከአውሮፓ ኅብረት ከዓለም ብትወጣም ሥልጣኑን መልቀቅ የለበት፡፡
    • እንዴ ለምን?
    • ሥልጣን በቀላሉ አይገኝም፡፡
    • እና አንተ ብትሆን አትለቅም ነበር?
    • ስሚ እዚህ አገር እንኳን ከሥልጣን ከባልኮኒ ወንበር ላይ መውረድ ከባድ ነው፡፡
    • እና እኔ ከሥልጣን አልወርድም እያልክ ነው?
    • እኔ ከሥልጣን ከምወርድ…
    • እ…
    • ሕዝቡ እስክስታ ቢወርድ ይቀላል!

     

    በብዛት የተነበቡ ፅሁፎች

    ለካፒታል ገበያ ባለሥልጣን ስድስት የቦርድ አባላት ተሾሙ

    ይናገር ደሴ (ዶ/ር) የቦርድ ሰብሳቢ ሆነዋል ጠቅላይ ሚኒስትር ዓብይ አህመድ...

    የትጥቅ  መፍታት ሒደትና የሰላም እንቅፋቶች

    የትግራይ ተራሮች ከጦር መሣሪያ ጩኸት የተገላገሉ ይመስላል፡፡ በየምሽጉ አድፍጠው...

    በሙስና የተጠረጠሩ ከፍተኛ የመንግሥት ኃላፊዎች በቁጥጥር ሥር እየዋሉ ነው

    ብሔራዊ ፀረ ሙስና ኮሚቴ በክልሎችም ሊቋቋም ነው በቅርቡ ተቋቁሞ ወደ...

    የኢንሹራንስ ዘርፉን የሚመራና የሚቆጣጠር ራሱን የቻለ ተቋም የመመሥረት ጥያቄ ተቀባይነት አገኘ

    የኢንሹራንስ (መድን) ዘርፍን የመቆጣጠርና የመከታተል ኃላፊነት ከኢትዮጵያ ብሔራዊ ባንክ...
    - Advertisment -

    ትኩስ ፅሁፎች

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...

    ዘንድሮ የዩኒቨርሲቲ መውጫ ፈተናን በበይነ መረብ ለማድረግ ዝግጅት መጀመሩ ተገለጸ

    በሁሉም መደበኛና መደበኛ ባልሆኑ መርሐ ግብሮች የሚመረቁ የዩኒቨርሲቲ ተማሪዎችን...
    spot_img

    ተዛማጅ ፅሁፎች

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት። እንዴ? አንተ የእኛ ተቋም ባልደረባ አይደለህም...

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...