Monday, June 17, 2024
- Advertisement -
- Advertisement -

ስፖርትከ17 ዓመት በታች ብሔራዊ ቡድን ከግብፅ በድል ተመለሰ

ከ17 ዓመት በታች ብሔራዊ ቡድን ከግብፅ በድል ተመለሰ

ቀን:

ማዳጋስካር በ2009 ዓ.ም. ለምታዘጋጀው የከ17 ዓመት በታች የአፍሪካ ዋንጫ ማጣሪያ ጨዋታ የኢትዮጵያ ብሔራዊ ቡድን (ቀይ ቀበሮዎቹ) የግብፅ አቻውን 3ለ1 በመርታት በድል ተመልሷል፡፡ ቅዳሜ ሐምሌ 30 ቀን 2008 ዓ.ም. ካይሮ ላይ ጨዋታውን ያደረገው ብሔራዊ ቡድኑ በመጀመሪያ 20 ደቂቃዎች ጎል ቢቆጠርበትም፣ የመጀመሪያ አጋማሽ ከመጠናቀቁ ቀደም ብሎ ግብ አስቆጥሮ ጨዋታውን መቆጣጠር ችሏል፡፡

በተለይ ባለሜዳዎቹ በመጀመሪያዎቹ ደቂቃዎች የተሻለ ሙከራ በማድረግ ከፍተኛ ብልጫ ያሳዩ ቢሆንም፣ ቀይ ቀበሮዎቹ በጥንቃቄ መጫወታቸው ከዚህ ቀደም የሰሜን አፍሪካ አገሮች በኢትዮጵያ ላይ የሚያሳዩትን የበላይነት በከፊሉም ቢሆን ማስቀረት እንደቻሉ ተነግሮላቸዋል፡፡ በጨዋታውም 17ኛው ደቂቃ ላይ የግብፅ ብሔራዊ ቡድን በሞሐመድ አብዱላህ ግብ ቀዳሚ መሆን ቢችልም፣ በ24ኛው ደቂቃ የግብ ጠባቂን ስህተት በመጠቀም ለቀበሮዎቹ ጫላ ተሺታ የመጀመሪያ ግብ ማስቆጠር ችሏል፡፡

ቀሪዎችን ሁለት ግቦች አቡበከር ናስርና ሚኪያስ መኮንን ማስቆጠር ችለዋል፡፡ ለ27 ቀናት በሐዋሳ ዝግጅት ሲያደርግ የሰነበተው ከ17 ዓመት በታች ብሔራዊ ቡድን የመልስ ጨዋታውን ከሁለት ሳምንት በኋላ በድሬዳዋ ከተማ እንደሚያደርግ ቢገለጽም ዋና አሠልጣኙ አጥናፉ ዓለሙ ልምምድ በሚያደርጉበት ሐዋሳ ቢደረግ የተሻለ እንደሆነ ለሪፖርተር ተናግረዋል፡፡

- Advertisement -

የቀድሞ የኤሌክትሪክና የአዲስ አበባ ዩኒቨርሲቲ አሠልጣኝ የነበሩት የብሔራዊ አጥናፉ ዓለሙ ታዳጊዎቹ ያላቸውን ፍላጎት አድንቀዋል፡፡ እንደ ዋና አሠልጣኙ ገለፃ ከሆነ የመልስ ጨዋታ ቦታ በተመለከተ ‹‹ጨዋታ ከማድረጋችን በፊት ቢገለጽልን ቀድመን ልምምዳችን በድሬዳዋ እናደርግ ነበር፤›› በማለት አስተያየታቸውን ለሪፖርተር አብራርተዋል፡፡

በ1997 ዓ.ም. ቦትስዋና ላይ በተደረገው የአፍሪካ ታዳጊዎች ሻምፒዮና ላይ ግብፅ ኢትዮጵያን 1-0 በማሸነፍ ሦስተኛ በመሆን ውድድሩ ማጠናቀቁ ይታወሳል፡፡

እ.ኤ.አ. በ1995 የጀመረው የአፍሪካ ዋንጫን ጋና፣ ናይጄሪያና ጋምቢያ ሁለት ሁለት ጊዜ ዋንጫ በማንሳት በቀዳሚነት ተቀምጠዋል፡፡ አምና ማሊ ማሸነፏ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...