Tuesday, December 6, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ ሾፌራቸው እያያቸው ቆዝመው መኪና ውስጥ ገቡ]

    • ምነው ክቡር ሚኒስትር?
    • ምን ሆንክ?
    • በጣም ቆዝመዋል፡፡
    • እንዴት አልቆዝም?
    • ምን ሆኑ ክቡር ሚኒስትር?
    • አዲሱ ዓመት አስጠልቶኛል፡፡
    • እንዴ ለምን?
    • በቃ ሁሉ ነገር ያስጠላል፡፡
    • ኧረ እንዲህ አይሁኑ፡፡
    • ምን ላድርግ?
    • እስቲ ይኼን ሙዚቃ ይስሙት፡፡
    • አንተ አገሪቷ እንዲህ ሆና ትሞዝቅልኛለህ አይደል?
    • ከአገሪቷ ሁኔታ ጋር የሚሄድ ሙዚቃ ነው፡፡
    • እንዴት?
    • ያው ለእናንተ መልዕክት ነው፡፡
    • ማን ነው ዘፋኙ?
    • ይሁኔ በላይ ነው፡፡
    • ምን?
    • ምነው ክቡር ሚኒስትር?
    • ፀረ ልማት የሆነ ዘፈን ዘፍኗል አሉ፡፡
    • ኧረ በጣም ልማታዊ ነው፡፡
    • ምንድን ነው ዘፈኑ?
    • ሰከን በል ይላል፡፡
    • ለቡና ነው እንዴ የዘፈነው?
    • ማለት ክቡር ሚኒስትር?
    • የሚሰክነው ቡና ነው ብዬ ነዋ፡፡
    • ኧረ ብዙ መስከን ያለበት ነገር አለ፡፡
    • ምንድን ነው የሚሰክነው?
    • መንግሥት…
    • እ…
    • ባለሥልጣናት…
    • እ…
    • የፀጥታ ኃይሉ…
    • ምን?
    • ብቻ ሁሉም፡፡
    • ለነገሩ እውነትህን ነው፡፡
    • እንዴት?
    • መስከን ሳያስፈልገን አልቀረም፡፡
    • ማለት?
    • ስማ አዲስ ዓመት እኔ ቤት እንዴት እንደሚከበር ታውቃለህ አይደል?
    • ክቡር ሚኒስትር ድል ባለ ድግስ ነዋ፡፡
    • በአሁኑ አዲስ ዓመት እንደዚያው ድል አድርጌ ደግሼ ነበር፡፡
    • እሺ፡፡
    • ግን ምን ያደርጋል?
    • እንዴት ክቡር ሚኒስትር?
    • ድግሱ ከንቱ ቀረ፡፡
    • ለምን ክቡር ሚኒስትር?
    • አንድ ብቅ ያለ ሰው የለም፡፡
    • ማለት ክቡር ሚኒስትር?
    • የጠራሁት ሰው በሙሉ ቀረ፡፡
    • ምን?
    • አንድ ብቅ ያለ ሰው የለም፡፡
    • በጣም ነው የሚገርመው፡፡
    • ምኑ ነው የሚገርመው?
    • የሕዝቡ አመፅ፡፡
    • ይኼም የአመፁ አካል ነው?
    • ታዲያስ ክቡር ሚኒስትር፡፡
    • ምንድን ነው የሚሻለው?
    • መስከን፡፡
    • እ…
    • ሰከን ብላችሁ ሕዝቡን ስሙት፡፡
    • ወይኔ፡፡
    • ለነገሩ ጥፋቱ የእርስዎ ነው፡፡
    • እንዴት?
    • አገሪቷ ላይ የነበሩት በርካታ ኮንሰርቶች እኮ ተሰርዘዋል፡፡
    • ለምን?
    • ሕዝብ ሐዘን ላይ ስለሆነ፡፡
    • እኔ ደግሞ ኮንሰርቶቹ የተሰረዙት በሌላ ምክንያት መስሎኝ ነበር፡፡
    • በሌላ በምን?
    • ፀረ ልማታዊ ስለሆኑ፡፡
    • ለማንኛውም እርስዎም መሰረዝ ነበረብዎት፡፡
    • ምኑን?
    • ድግሱን!

     

    [ክቡር ሚኒስትሩ ቢሯቸው ሲንጐራደዱ አማካሪያቸው ገባ]

    • ምነው ክቡር ሚኒስትር?
    • እ…
    • የተጨነቁ ይመስላሉ፡፡
    • በጣም ተጨንቄያለሁ፡፡
    • ምን ያስጨንቅዎታል ክቡር ሚኒስትር?
    • ሁሉም ነገር፡፡
    • ማለት ክቡር ሚኒስትር?
    • የአገሪቷ ሁኔታ በጣም እያስጨነቀኝ ነው፡፡
    • እሱማ በጣም ያስጨንቃል፡፡
    • በጣም ነው የተናደድኩት፡፡
    • ለምን ክቡር ሚኒስትር?
    • አንድ ሰው ዝር አላለም፡፡
    • የት ክቡር ሚኒስትር?
    • ቤቴ ነዋ፡፡
    • ምንድን ነው የሚያወሩት ክቡር ሚኒስትር፡፡
    • ስማ ትልቅ ድግስ ደግሼ ነበር፡፡
    • የት ክቡር ሚኒስትር?
    • ቤቴ ነዋ ለአዲሱ ዓመት፡፡
    • እእእ…
    • አንተ ራስህ ጠርቼህ መቼ መጣህ?
    • ያው ከቤተሰብ ጋር ስላሳለፍኩ ነው፡፡
    • ሌላ ጊዜ ስጠራህ ከነቤተሰብህ እኔ ቤት አልነበር የምታሳልፈው?
    • እሱማ አዎ፡፡
    • እና ለምን አልመጣህም?
    • ያው እኛ ሰፈር ያለው ባለሥልጣንም ትልቅ ድግስ ቢደግስም፣ ሰው እንዳልመጣ ስሰማ እርስዎም ጋ ተመሳሳይ ነገር ይፈጠራል ብዬ ቀረሁ፡፡
    • እናንተ ሰፈር ያለው ባለሥልጣን ሰው ሲጠራ ስለቀረበት፣ እኔም ጋ ተመሳሳይ ነገር ይፈጠራል ብለህ ነው የቀረኸው?
    • አዎን ክቡር ሚኒስትር፡፡
    • የእናንተ ሰፈር ሰውና የእኛ ሰፈር ሰው ማነው አንድ ያደረገው?
    • ክቡር ሚኒስትር አይሳሳቱ፡፡
    • እንዴት?
    • ሕዝቡ አንድ ነው፡፡
    • እያመፀብን ነው ማለት ነው?
    • እህሳ ክቡር ሚኒስትር፡፡
    • አንተም እያመፅክብኝ ነው?
    • እኔም ከሕዝብ ጋር ነው የምቆመው፡፡
    • ሕዝቡ ምንድን ነው የሚፈልገው?
    • መደመጥ፡፡
    • እኮ ምንድን ነው የሚያወራው?
    • ኪራይ ሰብሳቢነት ይጥፋ፣ ሰብዓዊ መብት ይከበር፣ የመናገር ነፃነት ይስፈን፣ ሙስና ይቀረፍ….
    • እና ድግሱ ላይ ለምን ሰው አልተገኘም?
    • ድግሱ ላይም እኮ እነዚህ ችግሮች ይንፀባረቃሉ፡፡
    • እንዴት?
    • ድግሱ የተደገሰው ከሕዝቡ በተወሰደ ገንዘብ ነው፡፡
    • እ…
    • ድግሱ ላይ ሰው እንደፈለገ ማውራት አይችልም፡፡
    • እኔ ጠፋሁ፡፡
    • ክቡር ሚኒስትር የሚያዋጣው ማዳመጥ ነው፡፡
    • ባላዳምጥስ?
    • እንደ ድግስዎት ባዶ ይቀራል፡፡
    • ምኔ ነው ባዶ የሚቀረው?
    • ሥልጣንዎ!

    [ክቡር ሚኒስትሩ እንደ እሳቸው ኪራይ ሰብሳቢ የሆኑ ሚኒስትር ጋ ደወሉ]

    • ምነው ክቡር ሚኒስትር?
    • ምነው?
    • ድምፅዎት ልክ አይደለም፡፡
    • እንዴት ልክ ይሆናል?
    • ምን ተገኘ?
    • በጣም እየፈራሁ ነው፡፡
    • ምንድን ነው የሚያስፈራዎት?
    • ሁሉም ነገር፡፡
    • ማለት?
    • ሊቀይሩን ነው እኮ፡፡
    • በምንድን ነው የሚቀይሩን?
    • በቴክኖሎጂ፡፡
    • ምን? እኛን በሮቦት ሊቀይሩን ነው?
    • ኧረ በተማሩ ሰዎች ልንቀየር ነው፡፡
    • እ… ቴክኖክራት ማለትዎ ነው?
    • ያው ነው፡፡
    • ኧረ ብዙ አይፍሩ ክቡር ሚኒስትር፡፡
    • ለምን አልፈራ?
    • ይኼ እኮ የፓርቲያችን ፀባይ ነው፡፡
    • እንዴት ማለት?
    • ሁሌም አጣብቂኝ ውስጥ ስንገባ፣ የማንሰጠው ተስፋ የለም፡፡
    • እና ይኼ ተስፋ ነው?
    • አዎን፡፡ በቃ አጣብቂኙ እስኪያልፍ ለሕዝብ የሚሰጥ ተስፋ ነው፡፡
    • አይቀይሩንም ብለህ ታስባለህ?
    • ከዚህ በፊት ማን ሲቀየር አይተዋል?
    • እሱማ አልፎ አልፎ ነው ሰዎች የሚቀየሩት፡፡
    • በቃ ከእነዚያ ጥቂት ሰዎች መካከል ላለመሆን መጣር ነው፡፡
    • አይ በአሁኑ ግን በርካታ ሰው የሚቀየር ይመስለኛል፡፡
    • ብለው ነው?
    • አዎን ስለዚህ መፍትሔ መፈለግ ነው የሚበጀው?
    • ታዲያ ምንድን ነው መፍትሔው?
    • ራሳችንን ለውጠን መገኘት፡፡
    • ወደ ምን?
    • ወደ ቴክኖሎጂ!

    [ክቡር ሚኒስትሩ ቤታቸው ኮምፒዩተራቸውን ሲጐረጉሩ ሚስታቸው መጡ]

    • ምን ሆነሃል?
    • ምን ሆንኩ?
    • የተጨነቅክ ትመስላለህ?
    • እንዴት አልጨነቅ?
    • ራትህን አትበላም እንዴ?
    • ኧረ ይቅርብኝ ባክሽ፡፡
    • መሽቷል እኮ፡፡
    • አውቃለሁ፡፡
    • ምን እያደረክ ነው?
    • ሊቀይሩን ነው እኮ፡፡
    • ማለት?
    • በቴክኖሎጂ ሊቀይሩን ነው፡፡
    • የምን ቴክኖሎጂ ነው?
    • በተማሩ ሰዎች ሊተኩን አስበዋል አሉ፡፡
    • ቴክኖክራት ማለትህ ነው?
    • ያው ነው ባክሽ፡፡
    • እና ኮምፒዩተር ላይ ምን እያደረክ ነው?
    • እየፈለኩ ነው፡፡
    • ምንድን ነው የምትፈልገው?
    • የሚሸጥ ዲግሪ፡፡
    • ምን ያደርግልሃል?
    • ነገርኩሽ እኮ አሁን የተማረ ሰው ነው የሚፈለገው፡፡
    • ከዚህ በፊት የገዛሃቸው ዲግሪዎችስ?
    • እነሱ አሁን ኤክስፓየር ሊያደርጉ ነው፡፡
    • ለምን?
    • የአገር ውስጥ ናቸዋ፡፡
    • አሁን የምትፈልገው የውጭ ነው?
    • አዎን እሱ ነው የሚያዋጣው፡፡
    • ከመግዛት ግን ተምረህ ብታገኘው ሊሰጥህ ይችላል?
    • ምንድን ነው የሚሰጠኝ? ሥልጣን ይሰጠኛል?
    • እሱንም ጨምሮ ሌላ ነገር ይሰጥሃል፡፡
    • ሌላ ምን?
    • ብቃት!

    በብዛት የተነበቡ ፅሁፎች

    ለካፒታል ገበያ ባለሥልጣን ስድስት የቦርድ አባላት ተሾሙ

    ይናገር ደሴ (ዶ/ር) የቦርድ ሰብሳቢ ሆነዋል ጠቅላይ ሚኒስትር ዓብይ አህመድ...

    የትጥቅ  መፍታት ሒደትና የሰላም እንቅፋቶች

    የትግራይ ተራሮች ከጦር መሣሪያ ጩኸት የተገላገሉ ይመስላል፡፡ በየምሽጉ አድፍጠው...

    በሙስና የተጠረጠሩ ከፍተኛ የመንግሥት ኃላፊዎች በቁጥጥር ሥር እየዋሉ ነው

    ብሔራዊ ፀረ ሙስና ኮሚቴ በክልሎችም ሊቋቋም ነው በቅርቡ ተቋቁሞ ወደ...

    የኢንሹራንስ ዘርፉን የሚመራና የሚቆጣጠር ራሱን የቻለ ተቋም የመመሥረት ጥያቄ ተቀባይነት አገኘ

    የኢንሹራንስ (መድን) ዘርፍን የመቆጣጠርና የመከታተል ኃላፊነት ከኢትዮጵያ ብሔራዊ ባንክ...
    - Advertisment -

    ትኩስ ፅሁፎች

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...

    ዘንድሮ የዩኒቨርሲቲ መውጫ ፈተናን በበይነ መረብ ለማድረግ ዝግጅት መጀመሩ ተገለጸ

    በሁሉም መደበኛና መደበኛ ባልሆኑ መርሐ ግብሮች የሚመረቁ የዩኒቨርሲቲ ተማሪዎችን...
    spot_img

    ተዛማጅ ፅሁፎች

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት። እንዴ? አንተ የእኛ ተቋም ባልደረባ አይደለህም...

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...