Saturday, November 26, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [የክቡር ሚኒስትሩ ልጅ ስለአስቸኳይ ጊዜ አዋጁ ከአባቷ ጋር እያወራች ነው]

    • ዳዲ፡፡
    • አቤት፡፡
    • ምንድን ነው ያወጣችሁት?
    • ምን አወጣን?
    • አሁን ጓደኞቼ ደውለው ጠይቂው ብለውኝ ነው፡፡
    • ምንድን ነው የምትጠይቂኝ?
    • ሰሞኑን ስላወጣችሁት አዋጅ?
    • እ… ስለአስቸኳይ ጊዜ አዋጁ?
    • ምንድን ነው ዳዲ?
    • ምኑ?
    • አዋጁ ነዋ፡፡
    • አንቺን እሱ አይመለከትሽም፡፡
    • ምንድን ነው የሚመለከተኝ?
    • እኔ አንቺ ላይ ያወጅኩት አዋጅ፡፡
    • የምን አዋጅ ነው ያወጅክብኝ?
    • የአስቸኳይ ጊዜ አዋጅ፡፡
    • እና እሱ ምንድን ነው?
    • ከቤት መውጣት አትችይም!
    • ምን?
    • መጠጥ ቤት ማምሸት አትችይም!
    • ለምን?
    • እኔን ጥያቄ መጠየቅ አትችይም!
    • እሺ፡፡
    • እኔ ሳወራሽ ፊት ለፊት ማየት አትችይም!
    • እ…
    • መኝታ ቤትሽን በፈለግኩት ሰዓት መበርበር እችላለሁ!
    • እ…
    • ከመኝታ ቤትሽ የፈለኩትን ዕቃ መውሰድ እችላለሁ!
    • እ…
    • መኝታ ቤትሽ ውስጥ ያለውን ቲቪ እወስደዋለሁ!
    • እ…
    • ዲኤስቲቪና ዲሽ ማየት አትችይም!
    • እና ምን ልይ?
    • ኢቢሲ እሱንም በአንቴና፡፡
    • እሺ፡፡
    • የመኝታ ቤትሽን ኢንተርኔት አቋርጠዋለሁ!
    • እ…
    • ሞባይል ስልክሽን እቀማሻለሁ!
    • እ…
    • ሚኒስከርትና አጫጭር ቁምጣ ማድረግ አትችይም!
    • እ…
    • ጥፍር ቀለም መቀባት አትችይም!
    • እ…
    • ከቤት የምትወጪው ልማታዊ ስብሰባ ካለሽ ብቻ ነው!
    • እ…
    • ከጓደኞችሽ ጋር ተሰብስበሽ እኔን ማማት አትችይም!
    • እ…
    • ቀሪውን ዝርዝር ሳስታውሰው እነግርሻለሁ፡፡
    • ምን አድርጌ ነው ግን ዳዲ?
    • በጣም አስቸጋሪ ሆነሻል፡፡
    • ማንን አስቸገርኩ?
    • እኔን፣ እናትሽንና ወንድሞችሽን፡፡
    • ዳዲ እኔ ግን ልጅህ ነኝ፡፡
    • ቢሆንም አዋጅ አዋጅ ነው፡፡
    • እና ሁሉንም ነገር ተከልክያለሁ?
    • እንደዛ ማለት አይቻልም፡፡
    • ታዲያ ምንድን ነው የተፈቀደልኝ?

     

    [ክቡር ሚኒስትሩ ከሾፌራቸው ጋር ወደ ቢሮ እየሄዱ ነው]

    • አንተ ቀስ በል እንጂ፡፡
    • እንዴ ክቡር ሚኒስትር?
    • ምን ሆነሃል?
    • ምነው ክቡር ሚኒስትር?
    • ቀይ መብራት ነው እኮ የጣስከው?
    • ታዲያ ምን ችግር አለው?
    • እንዴት ችግር የለውም መብራት እየጣስክ?
    • ቸኩሉ ተብሏል አይደል እንዴ?
    • ማን ነው ያለው?
    • አዋጁ ነዋ፡፡
    • የትኛው አዋጅ?
    • የአስቸኳይ ጊዜ አዋጁ፡፡
    • ምን?
    • ክቡር ሚኒስትር ምን ሆኑ?
    • አንተ ምን ሆንክ?
    • ዛሬ እንዴት ቁርስ እንደበላሁ ያውቃሉ?
    • እንዴት ነው የበላኸው?
    • በችኮላ፡፡
    • እ…
    • ያቺን ኪኒን የምታክል ዳቦ በትኩስ ሻይ አወራርጃት ምላሴ ራሱ አሯል፡፡
    • ሰውዬ ጤነኛ ነህ?
    • ክቡር ሚኒስትር ጊዜው የችኮላ ነው፡፡
    • ማን ነው ያለህ?
    • አስረድቶኛል በደንብ፡፡
    • ማን ነው ያስረዳህ?
    • ሁሌ የማመሽበት መጠጥ ቤት ነዋ፡፡
    • ማለት?
    • አንድ ሁሉን አዋቂ ጓደኛ አለኝ፡፡
    • እሺ፡፡
    • እንዲያውም ቅጽል ስሙ ጉግል ነው፡፡
    • ለምን?
    • በቃ ሁሉን ነገር ያውቃል፡፡
    • እሺ፡፡
    • እና ስለአዋጁ አስረድቶኛል፡፡
    • ምን ብሎ?
    • በቃ ሁሉን ነገር በአስቸኳይ ማስፈጸም መሆኑን ነዋ፡፡
    • እ…
    • እንዲያውም አሁን በአስቸኳይ ከመንጃ ፈቃድ ወደ ማስተርስ መገልበጥ አለብኝ፡፡
    • ምን አልክ?
    • ከዚች ኮንዶሚኒየም ቤት ወደ ቪላ በአስቸኳይ መግባት እንዳለብኝ ገብቶኛል፡፡
    • መቼም የማታመጣው ነገር የለም፡፡
    • ሚስቴንም በአስቸኳይ ውጭ ሄዳ እንድትወልድ ላስደርግ ነው፡፡
    • እ…
    • እንዲያውም የልጄን ስም ራሱ…
    • እ…
    • አስቸኳይ ብየዋለሁ፡፡
    • አንተ?
    • ክቡር ሚኒስትር መቼም እናንተም በአስቸኳይ ትለውጡታላችሁ አይደል?
    • ምኑን?
    • ዴሞክራሲውን!

    [ክቡር ሚኒስትሩ አንድ ሚኒስትር ጋ ደወሉ]

    • አቤት ክቡር ሚኒስትር፡፡
    • የጀርመኗ ቻንስለር ትመጣለች አይደል?
    • አዎን ክቡር ሚኒስትር፡፡
    • ላገኛት እፈልጋለሁ፡፡
    • እንዴ ክቡር ሚኒስትር?
    • ምነው?
    • ጉብኝቷ ከእርስዎ መሥሪያ ቤት ጋር አይገናኝም፡፡
    • የንግድ ልዑክ አይመጣም እንዴ?
    • ኧረ የቻንስለሯ የጽሕፈት ቤት ሰዎች ናቸው የሚመጡት፡፡
    • እንዴት የንግድ ልዑክ አይመጣም?
    • እነርሱም እኮ ከእርስዎ መሥሪያ ቤት ጋር አይገናኙም፡፡
    • በግሌ ነው የፈለግኳቸው፡፡
    • ለምን?
    • ጀርመኖች እኮ አሪፍ ዕቃ ነው ያላቸው፡፡
    • ማለት?
    • አሪፍ አሪፍ ዕቃ ነዋ ያላቸው፡፡
    • እና ቢኖራቸውስ?
    • ከቻይና ዕቃ ይሻላል ብዬ ነዋ፡፡
    • ኧረ ክቡር ሚኒስትር አደብ ይግዙ፡፡
    • ምን አደረግኩ?
    • በአደባባይ አደረጉት፡፡
    • ምኑን?
    • ኪራይ ሰብሳቢነቱን፡፡
    • ዕቃ ላስመጣ እኮ አይደለም፡፡
    • እና ምን ሊያደርጉ ነው?
    • ዕቃ አስመጪዎችን ከዕቃ አምራቾች ጋር ላገናኝ፡፡
    • ሊደልሉ?
    • ድለላ ሳይሆን የኮሚሽን ሥራ ነው፡፡
    • ምን?
    • የኮሚሽን ሥራ፡፡
    • ኧረ ክቡር ሚኒስትር ይህን አሳፋሪ ተግባር ያቁሙ፡፡
    • ስማ ሥራዬን ከማንም በላይ ነው የምሠራው?
    • ማለት?
    • ኮሚሽን ከፍላችሁት ራሱ የሚሠራላችሁ ሰው የታለ?
    • እውነት ብሶብዎታል፡፡
    • ለማንኛውም የመጣ ቢመጣ አላቆምም፡፡
    • ምኑን?
    • የኮሚሽን ሥራዬን!

    [ክቡር ሚኒስትሩ ጸሐፊያቸውን አስጠሯት]

    • ትናንት በጊዜ ለምን ወጣሽ?
    • ፈርቼ ነው ክቡር ሚኒስትር፡፡
    • ምንድን ነው የፈራሽው?
    • ትራንስፖርት የለም ሲሉ ሰምቼ፡፡
    • ለምንድን ነው የሌለው?
    • ያው በጊዜያዊው ግርግር ነዋ፡፡
    • ሥራ ግን እንዳትበድዪ፡፡
    • እሺ ክቡር ሚኒስትር፡፡
    • ለመሆኑ ቀጠሮ አለኝ?
    • ኧረ ምንም የለዎትም፡፡
    • ቀኑን ሙሉ?
    • ከሰዓት አለዎት፡፡
    • ጠዋትስ?
    • ከአማካሪዎ ጋር ስለሚወያዩ አስታውሺኝ ብለውኝ ነበር፡፡
    • በቃ ጥሪው፡፡

    [አማካሪያቸው ቢሮ ገባ]

    • አንተ!

    [ዝም]

    • ስማ እንጂ፡፡

    [ዝም]

    • እያናገርኩህ እኮ ነው?

    [ዝም]

    • አንተን አይደል እንዴ?
    • ለምን አይተውኝም ክቡር ሚኒስትር?
    • በጣም ነው የተናናቅነው፡፡

    [ዝም]

    • አንተ ሰውዬ፡፡

    [ዝም]

    • እኔ ጠፋሁ፡፡

    [ዝም]

    • አውራ፡፡
    • አውራ ፓርቲው ምን ሆነ?
    • ማን ስለእሱ ጠየቀህ?
    • ስለምኑ ነው የጠየቁኝ ታዲያ?
    • ለምንድን ነው የማታወራው?
    • ፈርቼ፡፡
    • ምኑን?
    • አዋጁን፡፡
    • ለምን ፈራኸው?

    [ዝም]

    • አንተን እኮ ነው፡፡

    [ዝም]

    • መልስልኝ እንጂ?
    • ምላሼ አንድ ነው?
    • ምንድን ነው ምላሽህ?
    • ዝምታ!

    በብዛት የተነበቡ ፅሁፎች

    ሰርጌ ላቭሮቭ ለዲፕሎማቲክ ማኅበረሰቡ በአዲስ አበባ በሰጡት መግለጫ ምዕራባውያንን አጣጣሉ 

    የሩሲያ የውጭ ጉዳይ ሚኒስትር ሰርጌ ላቭሮቭ ለአፍሪካ አገሮች ላደረጉት...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    አሜሪካ ሕወሓትን በማሳመንና በመጫን በሰላም ሒደቱ ትልቅ ሚና መጫወቷን የኢትዮጵያ ዋና ተደራዳሪ አስታወቁ

    የተመድና የአውሮፓ ኅብረት አበርክቶ አሉታዊ እንደነበር ጠቁመዋል በመንግሥትና በሕወሓት መካከል...

    የአየር መንገድ ተጓዦች በሻንጣ የሚያስገቡትን የልብስና የጫማ ብዛት የሚገድብ ረቂቅ መመርያ ተዘጋጀ

    ከቀረጥ ነፃ ይገቡ የነበሩ ዕቃዎች 87 በመቶ እንዲቀንሱ ተደርጓል መንገደኞች...
    - Advertisment -

    ትኩስ ፅሁፎች

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...

    የተወሳሰበው ሰላም የማስፈን ሒደት

    የደቡብ አፍሪካ የሰላም ስምምነት ተፈርሞ ብዙም ሳይዘገይ የኬንያው ቀጣይ...

    በግብርና ዘርፍ ለመሰማራት ያቀደው ድርዜማ

    ከፋይናንስ ተቋማት ውጪ ባሉ የተለያዩ የቢዝነስ ዘርፎች በአክሲዮን ኩባንያ...
    spot_img

    ተዛማጅ ፅሁፎች

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...

    [ክቡር ሚኒስትሩ ከፕሮፓጋንዳ ጉዳዮች ኮሚቴ ሰብሳቢው ጋር ስለ ሰሜኑ የሰላም ስምምነት ትግበራ መረጃ እየተለዋወጡ ነው]

    እኔ ምልህ፡፡ አቤት ክቡር ሚኒስትር? የሰሜኑ ተዋጊዎች ከሠራዊታችን ጋር መቀራረብ ጀመሩ የሚባለው እውነት ነው?  አዎ። እውነት ነው ክቡር ሚኒስትር።  ከማንም ትዕዛዝ ሳይጠብቁ ነው ከእኛ ሠራዊት ጋር መቀላቀል ጀመሩ...