Monday, December 5, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ የወንድማቸው ልጅ ደወለላቸው]

    • ሰላም ጋሼ፡፡
    • አቤት ጎረምሳው፡፡
    • እንዴት ነህ ጋሼ?
    • ደህና ነኝ፡፡
    • በጣም ጠፋህ እኮ፡፡
    • ሥራዬን እያወቅከው?
    • እሱማ ልክ ነህ፡፡
    • እንዴት ናችሁ እናንተ?
    • በጣም ሰላም ነን ጋሼ፡፡
    • አባትህ እንዴት ነው?
    • በጣም ደህና ነው፡፡
    • እናትህስ?
    • እሷም ሰላም ነች፡፡
    • ቤተሰብ ሁሉ ደህና ነው?
    • ከአንተ መጥፋት በስተቀር ሁላችንም ሰላም ነን፡፡
    • ሥራው በጣም ቢዚ ያደርጋል፡፡
    • አውቃለሁ ጋሼ፡፡
    • ከየት ተገኘህ ዛሬ?
    • ላገኝህ ፈልጌ ነበር፡፡
    • በሰላም ነው?
    • ኧረ በሰላም ነው፡፡
    • ምን ነበር ታዲያ?
    • በስልክ ይሻላል ብለህ ነው?
    • ምን ችግር አለው?
    • ያው እናንተ ብዙ በስልክ አታወሩም ብዬ ነው፡፡
    • እሱ እኔን አይመለከተኝም፡፡
    • ማንን ነው የሚመለከተው?
    • ሙሰኞቹን፡፡
    • አይ ጋሼ፡፡
    • ምነው?
    • አሁን አንተ የለሁበትም እያልከኝ ነው?
    • እኔ እንዲህ ዓይነት ነገር አይነካካኝም፡፡
    • አልጀመርኩም እያልከኝ ነው?
    • መቼም አልጀምርም፡፡
    • አይ ጋሼ፡፡
    • ምነው?
    • ብዙ እያዋጣም ብዬ ነው፡፡
    • አንተ ግን ምን ፈልገህ ነው?
    • እኔማ ለሥራ ነው የደወልኩት፡፡
    • እኮ የምን ሥራ?
    • ሰሞኑን የሰማሁት ዜና አስደስቶኛል፡፡
    • የቱ ዜና?
    • መንግሥት ወጣቱን አደራጅቶ ገንዘብ ሊሰጥ ነው የሚለውን ዜና ሰምቼ ነዋ፡፡
    • ቆርጠን ነው የተነሳነው፡፡
    • በጣም ደስ የሚል ነገር ነው ጋሼ፡፡
    • አየህ እንደ አንተ ዓይነቶቹ ወጣቶች ውጤታማ መሆን አለባቸው፡፡
    • እኔም የደወልኩት ለዚህ ነው፡፡
    • በቃ ለሦስት ሆነህ ተደራጅተህ በሚሰጥህ ገንዘብ ሥራ መጀመር ነው፡፡
    • እንዴ ጋሼ?
    • ምነው?
    • የእኔ አጎት እኮ ሚኒስትር ነው፡፡
    • ቢሆንስ?
    • እኔ እንደሌላው ወጣት ልደራጅ?
    • እናስ?
    • እኔማ አደራጅ ነው መሆን ያለብኝ፡፡
    • ማለት?
    • ጋሼ ገጠር ያሉ ዘመዶቻችን ራሱ ፈንድቀዋል፡፡
    • ለምን?
    • ልነግርህ እኮ ነው፡፡
    • እኮ ንገረኛ?
    • እኔ ዘመዶቻችንን በጠቅላላ ሦስት ሦስት እያደረግኩ አደራጃለሁ፡፡
    • እሺ፡፡
    • ከዛ በቃ እኔ ጠቀም ያለ ገንዘብ አገኛለሁ፡፡
    • እ…
    • ለአንተም አስብልሃለሁ፡፡
    • ምን?
    • ኮሚሽን!

    [የክቡር ሚኒስትሩ የአክስታቸው ልጅ ደወለችላቸው]

    • ሄሎ ጋሼ፡፡
    • ማን ልበል?
    • ማን ልበል!
    • አዎን፡፡
    • ስልኬን አጠፋኸው እንዴ?
    • አዲስ የስልክ ቀፎ ነው የያዝኩት፡፡
    • አይፎን ገዙልህ አይደል?
    • ማን ልበል?
    • የእህትህ ልጅ ነኝ፡፡
    • አንቺ ዱርዬ እንዴት ነሽ?
    • ዱርዬ ነኝ እንዴ ጋሼ?
    • አይ ለጨዋታው ብዬ ነው፡፡
    • የተናደድክ ትመስላለህ?
    • ምን የሚያናድድ ነገር ይጠፋል ብለሽ ነው?
    • ለነገሩ ሥራችሁ ከባድ ነው፡፡
    • ከባድ ብቻ?
    • አየህ ራስህን መጠበቅ አለብህ፡፡
    • እንዴት አድርጌ?
    • ለራስህ ማሰብ ነዋ፡፡
    • እ…
    • ይኼ ሥራ እንደሆነ ከጥቅም ውጪ ነው የሚያደርግህ፡፡
    • እ…
    • ስለዚህ በጊዜ ለራስህ ማሰብ አለብህ፡፡
    • እንዴት አድርጌ?
    • ስለእሱ አታስብ፡፡
    • ማለት?
    • እኛ አለንልህ፡፡
    • አልገባኝም፡፡
    • ዛሬ አንድ ነገር ላማክርህ ነው፡፡
    • ምንድን?
    • ሰሞኑን አንድ አዲስ ፕሮግራም ልትጀምሩ ነው፡፡
    • እ…
    • ወጣቶችን አደራጅታችሁ ብር ልታድሉ ነው አሉ፡፡
    • ወይ ጉድ፡፡
    • ጋሼ እኛ እኮ ስትሾም ድግስ ነው የደገስነው፡፡
    • ለምን?
    • በቃ እንደሚያልፍልን ገባን፡፡
    • እ…
    • እንደውም ስምህን ቀይረነዋል፡፡
    • ማን አላችሁኝ?
    • ተሾመ፡፡
    • ቀልደኞች ናችሁ፡፡
    • ጋሼ አሁን የቀልድ ሰዓት አይደለም፡፡
    • እኮ ቀልድሽን አቁሚያ፡፡
    • ጋሼ በዚህ ዕድል መቀጠም አለብን፡፡
    • ይኼ ዕድል እኮ ለሥራ አጥ ወጣቶች ነው፡፡
    • ሥራ እኮ ለቀቅኩ፡፡
    • ለምን?
    • ተቀጥሮ መታሸት ሰለቸኝ፡፡
    • እና ምን ልትሆኚ ነው?
    • አንተ ትረዳኝና ከዚህ ፈንድ የተወሰነች ሚሊዮን ብዘግን …
    • እ…
    • በአቋራጭ መሆኔ አይቀርም፡፡
    • ምን?
    • ቀጣሪ!

    [ክቡር ሚኒስትሩ ቢሮ ሲገቡ አማካሪያቸውን አገኙት]

    • ምነው ክቡር ሚኒስትር?
    • ምነው?
    • በጣም የተናደዱ ይመስላሉ፡፡
    • ምን ላድርግ?
    • ምን አናደድዎት?
    • ምን የማያናድድ ነገር አለ ብለህ ነው?
    • ሚኒስትር ያናድዳል እንጂ መቼ ይናደዳል?
    • ምን ማለት ነው?
    • ያው የቀድሞው ሚኒስትር ስንቱን ያናዱዱት ነበር፡፡
    • በምንድን ነው የሚያናድዱት?
    • ያልገቡበት የቢዝነስ ዘርፍ የለም፡፡
    • እ…
    • ከእሳቸው አልፎ ዘመድ አዝማዶቻቸው በጣም ሀብታሞች ሆነዋል፡፡
    • እኔ እንደ እሳቸው አይደለሁም፡፡
    • ገና ነዋ ጊዜው፡፡
    • ማለት?
    • መጀመሪያማ እሳቸውም አይበሉም ነበር፡፡
    • እ…
    • ሲቆዩ ነው የጣማቸው፡፡
    • ፈጽሞ አላደርገውም፡፡
    • አይሞኙ ክቡር ሚኒስትር፡፡
    • እንዴት?
    • በጊዜ ይጀምሩ፡፡
    • ሁላችሁም ከአንድ ወንዝ ነው እንዴ የተቀዳችሁት?
    • እነማን ናቸው ሌሎቹ?
    • ዘመዶቼ ደውለውልኝ አስበላን እያሉኝ ነበር፡፡
    • ምን አሏቸው?
    • ከአጠገቤ ጥፉ፡፡
    • አይሳሳቱ ክቡር ሚኒስትር፡፡
    • ምን እያልከኝ ነው?
    • ዘመዶችዎን ባያስቀይሟቸው ጥሩ ነው፡፡
    • ይብሉ እያልከኝ ነው?
    • በኋላ እርስዎ መብላት ሲጀምሩ ጥሩ ሽፋን ይሰጡዎታል፡፡
    • ወይ ጣጣ፡፡
    • ምን እንደሰማሁ ያውቃሉ?
    • ምን ሰማህ?
    • ዛሬ አዲስ ከተሾሙት ሚኒስትሮች መካከል የአንዱን አማካሪ አግኝቼ ነበር፡፡
    • እሺ፡፡
    • በቃ ሰውዬው ዘንጣይ ናቸው አሉ፡፡
    • እ…
    • በሹመታቸው ሰበብ ያልተቀበሉት ስጦታ የለም፡፡
    • ልክስክስ በላቸው፡፡
    • ኧረ እርስዎም በጊዜ ይጀምሩ፡፡
    • ምኑን?
    • መላሱን፡፡
    • ምንድን ነው የምልሰው?
    • ስኳር!

    [ክቡር ሚኒስትሩ ተናደው ስጦታ ተቀበሉ የተባሉት ሚኒስትር ጋ ደወሉ]

    • ሰላም ክቡር ሚኒስትር፡፡
    • ምንድን ነው የምሰማው?
    • ምን ሰሙ ክቡር ሚኒስትር?
    • ቃል ገብተህ አልነበር እንዴ?
    • ምን ብዬ?
    • ሕዝብን በቅንነት አገለግላለሁ ብለህ?
    • ታዲያ እያገለገልኩ አይደል?
    • ስማ ስጦታ መቀበል እኮ አይቻልም፡፡
    • ማን ነው ያለው?
    • እ…
    • ጉቦ እኮ አይደለም የተቀበልኩት፡፡
    • በጣም ታሳፍራለህ፡፡
    • ምን ነካዎት ክቡር ሚኒስትር?
    • እንዴት ትቀበላለህ?
    • ቀንተው ነው?
    • ማን እኔ?
    • ሰው ከወደደኝ ምን ላድርግ?
    • ሙሰኛውማ ሊወድህ ይችላል፡፡
    • እ…
    • ሕዝብ ግን ይጠላሃል፡፡
    • ችግር የለውም፡፡
    • በጣም ደፋር ነህ፡፡
    • ደፋርና ጭስ መውጫ አያጣም ሲባል አልሰሙም፡፡
    • በጣም ነው ያዘንኩብህ፡፡
    • ይልቁኑ ልምከርዎት ክቡር ሚኒስትር፡፡
    • ምንድን ነው የምትመክረኝ?
    • እርስዎም በጊዜ ይግቡበት፡፡
    • ምኑን?
    • ቢዝነሱን!   

    በብዛት የተነበቡ ፅሁፎች

    ለካፒታል ገበያ ባለሥልጣን ስድስት የቦርድ አባላት ተሾሙ

    ይናገር ደሴ (ዶ/ር) የቦርድ ሰብሳቢ ሆነዋል ጠቅላይ ሚኒስትር ዓብይ አህመድ...

    የትጥቅ  መፍታት ሒደትና የሰላም እንቅፋቶች

    የትግራይ ተራሮች ከጦር መሣሪያ ጩኸት የተገላገሉ ይመስላል፡፡ በየምሽጉ አድፍጠው...

    በሙስና የተጠረጠሩ ከፍተኛ የመንግሥት ኃላፊዎች በቁጥጥር ሥር እየዋሉ ነው

    ብሔራዊ ፀረ ሙስና ኮሚቴ በክልሎችም ሊቋቋም ነው በቅርቡ ተቋቁሞ ወደ...

    የኢንሹራንስ ዘርፉን የሚመራና የሚቆጣጠር ራሱን የቻለ ተቋም የመመሥረት ጥያቄ ተቀባይነት አገኘ

    የኢንሹራንስ (መድን) ዘርፍን የመቆጣጠርና የመከታተል ኃላፊነት ከኢትዮጵያ ብሔራዊ ባንክ...
    - Advertisment -

    ትኩስ ፅሁፎች

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...

    ዘንድሮ የዩኒቨርሲቲ መውጫ ፈተናን በበይነ መረብ ለማድረግ ዝግጅት መጀመሩ ተገለጸ

    በሁሉም መደበኛና መደበኛ ባልሆኑ መርሐ ግብሮች የሚመረቁ የዩኒቨርሲቲ ተማሪዎችን...
    spot_img

    ተዛማጅ ፅሁፎች

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት። እንዴ? አንተ የእኛ ተቋም ባልደረባ አይደለህም...

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...