Wednesday, July 24, 2024
- Advertisement -
- Advertisement -
ዜናበቀድሞ የኦሮሚያ ምክትል ፕሬዚዳንት ላይ እስራት ተፈረደ

በቀድሞ የኦሮሚያ ምክትል ፕሬዚዳንት ላይ እስራት ተፈረደ

ቀን:

  • ባለቤታቸውም የተቀጡ ቢሆንም ቅጣቱ ተገድቦላቸዋል

ከአንድ ዓመት በፊት በሙስና ወንጀል ተጠርጥረው ክስ ተመሥርቶባቸው የነበሩት የኦሮሚያ ክልል ምክትል ፕሬዚዳንትና የግብርና ቢሮ ኃላፊ የነበሩት አቶ ዘለዓለም ጀማነህ፣ በጽኑ እስራትና በገንዘብ እንዲቀጡ ውሳኔ ተሰጠ፡፡ ምክትል ፕሬዚዳንቱ በስድስት ዓመታት ጽኑ እስራትና በ11,000 ብር እንዲቀጡ ሐሙስ ኅዳር 28 ቀን 2010 ዓ.ም. ውሳኔ ያስተላለፈው፣ የኦሮሚያ ልዩ ዞን ከፍተኛ ፍርድ ቤት ነው፡፡

አቶ ዘለዓለም በክልሉ ዓቃቤ ሕግ የተመሠረተባቸውን 14 ክሶች ሲመረምር የከረመው ፍርድ ቤቱ፣ ፍርደኛው በክልሉ መንግሥትና ድርጅት ውስጥ ከፍተኛ አመራር በነበሩበት ወቅት የተሰጣቸው ሕዝባዊ አደራ ወደ ጎን በመተው፣ ምንጩ የማይታወቅ ሀብት ማካበታቸውን በውሳኔው ገልጿል፡፡

ዘመዶቻቸውም በርካታ መሬቶችን እንዲወስዱ ማድረጋቸውን ዓቃቤ ሕግ በሰውና በሰነድ ያስረዳባቸው ሲሆን፣ እንዲከላከሉ በተሰጠው ብይንም ሊከላከሉ ባለመቻላቸው የተጠቀሰው ጽኑ እስራትና የገንዘብ መጠን መቀጣታቸውን ውሳኔው ያስረዳል፡፡ በተጨማሪም በስማቸው ተመዝግቦ የሚገኝ የጭነት ተሽከርካሪም እንዲወረስ ትዕዛዝ መሰጠቱን ውሳኔው ያስረዳል፡፡

ሁለተኛ ተከሳሽ ሆነው የቀረቡት የአቶ ዘለዓለም ባለቤት ወ/ሮ ምሥራቅ ቂጣታ ሲሆኑ፣ ወንጀሉን ተባብረው ለመፈጸማቸው ዓቃቤ ሕግ በሰውና በሰነድ በማረጋገጡ፣ በአምስት ዓመት እስራትና 11,000 ብር የገንዘብ ቅጣት ተወስኖባቸዋል፡፡

በተከሳሿ ስም ኢትዮጵያ ንግድ ባንክና በአዋሽ ባንክ የተቀመጠ ገንዘብ እንዲወረስና የእስራት ቅጣቱ በሁለት ዓመት ተገድቦ እንዲቆይ ትዕዛዝ መስጠቱንም ገልጿል፡፡

ሦስተኛ ተከሳሽ ሆነው የቀረቡት ሜርጌስ ገመዳ በአምስት ዓመት ከስድስት ወራት እስራትና 11,000 ብር እንዲቀጡ ፍርድ ቤቱ ውሳኔ ሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...