Saturday, June 22, 2024
- Advertisement -
- Advertisement -
ስፖርትየባህር ዳር ስታዲየም የተመልካቾች መቀመጫ ተከላ ዘንድሮ ይጠናቀቃል

የባህር ዳር ስታዲየም የተመልካቾች መቀመጫ ተከላ ዘንድሮ ይጠናቀቃል

ቀን:

   – እስካሁን 589 ሚሊዮን ብር ፈጅቷል

   – ተጨማሪ 400 ሚሊዮን ብር በጀት ተይዟል

በኢትዮጵያ የስታዲየም ግንባታዎች በግዙፍነቱ ቀዳሚ የሆነው የባህር ዳር ስታዲየም የተመልካቾች መቀመጫ ተከላ ዘንድሮ ይጠናቀቃል፡፡

በ2003 ዓ.ም. ግንባታው የጀመረው የባህርዳር ስታዲየም የተመልካች ወንበር ዝርጋታ እስከ ሰኔ 30 ቀን 2009 ዓ.ም. ድረስ እንደሚጠናቀቅ የአማራ ክልል ወጣቶችና ስፖርት ጉዳይ ቢሮ አስታውቋል፡፡

የስታዲየም ግንባታ ሲጀምር በዕቅዱ ያልተካተቱ ተጨማሪ ማሻሻያዎች እንዳዘገዩት የተነገረ ሲሆን፣ ያልተጠናቀቁ ሥራዎች ላይ ብቻ ሳይሆን በተጨማሪም ሁለት የእግር ኳስ ሜዳዎችን ሊገነቡ መታቀዳቸው ታውቋል፡፡

የክልሉ ወጣቶችና ስፖርት ጉዳይ ምክትል ቢሮ ኃላፊ አቶ ሙሉአዳም ጌታነህ ‹‹የቀረው ውኃ እንዳይሰርግ የሚያደርገውን ሥራ ማጠናቀቅና ከዛ በኋላ ወደ ወንበር ሥራ መግባት ነው፤›› በማለት አብራርተዋል፡፡

በወንበር 55 ሺሕ ተመልካቾችን የመያዝ አቅም እንዳለው የሚነገርለት   ስታዲየሙ በውስጡ 640 ክፍሎች አሉት፡፡ እስካሁን ለግንባታው 589 ሚሊዮን ብር ወጪ የተደረገበት ታውቋል፡፡

ለተመልካች ወንበር ግንባታ ከ55 እስከ 60 ሚሊዮን ብር ወጪ እንደሚጠይቅ አቶ ሙሉ አዳም ተናግረዋል፡፡ የተመልካች ወንበር ግንባታው ሲጠናቀቅ የስታዲየሙ ሽፋን ፕሮጀክት በቀጣይ ዓመት እንደሚጀመር ያብራሩት ኃላፊው፣ በቀሪው ግንባታ ተጨማሪ 400 ሚሊዮን ብር እንደሚያስፈልገውም አክለዋል፡፡

ሙሉ በሙሉ የአገር ውስጥ ኩባንያዎችን ያሳተፈው ፕሮጀክቱ፣ ለወንበር ተከላው አቅራቢዎችን በጨረታ ለማወዳደር ዝግጅቱን አጠናቋል ተብሏል፡፡ ስታዲየም በስሩ 640 ሱቆች ሲኖሩት፣ 40 ሺሕ ካሬ ሜትር የሚሆን አረንጓዴ ቦታ ለወጣቶች መዘጋጀቱ ይታወቃል፡፡

ግንባታው የጀመረው በ2003 ቢሆንም የተፈለገውን ያህል መጠናቀቅ ያልተቻለው፣ ከስድስት ዓመታት በፊት የነበረው የግንባታ ግብዓት ወጪ ተመጣጣኝ ያለመሆኑና ከተቋራጮች ጋር የነበረው የስምምነት ዕድሳት እንዲዘገይ እንዳደረገው አቶ ሙሉአዳም አስታውሰዋል፡፡

የግንባታው ወጪ ሙሉ በሙሉ በክልሉ መንግሥት የሚሸፈን እንደመሆኑ   ግንባታውን ለማጠናቀቅ አቅም ያላቸው ተቋራጮች ከቀረቡ ክልሉ በገንዘብ ረገድ ዝግጁ መሆኑንም ምክትል ኃላፊው ተናግረዋል፡፡  

ቀደም ብሎ በ380 ሚሊዮን ብር ለመገንባት ታቅዶ የነበረው የባህር ዳር ስታዲየም፣ የተለያዩ ጨዋታዎችን በከፊል ካከናወነ በኋላ ተጨማሪ ማሻሻያዎችን በማድረጉ ግንባታው እንዲጓተት መንስኤ ሆኖታልም ተብሏል፡፡ በዚህ መሠረት፣ ‹‹ዘጠኝ ተጨማሪ ፋሲሊቲዎችን በማካተት መጀመሪያ ከነበረው ዕቅድ 86 በመቶ እንዲያድግ ተደርጓል፤›› በማለት አቶ ሙሉአዳም ተናግረዋል፡፡ በ2010 ዓ.ም. የስታዲየሙ የሽፋን ግንባታ በሚድሮክ ኢትዮጵያ ለማከናወንም ስምምነት መድረሳቸውን አስታውሰዋል፡፡

የባህር ዳር ስታዲየም ግንባታ በከፊል ከተጠናቀቀ በኋላ ስድስት ዓለም አቀፍ ውድድሮችን ሲያከናውን፣ ሁለት የአፍሪካ ዋንጫ ማጣሪያ ጨዋታ፣ ሁለት የአፍሪካ ሻምፒዮንስ ሊግና ሁለት የአፍሪካ ኮንፌዴሬሽን ዋንጫ ጨዋታዎች ማስተናገድ መቻሉም ይታወቃል፡፡ በቀጣይ ኢትዮጵያ ለምታስተናግደው እግር ኳሳዊ ውድድሮች ከዓለም አቀፍም ሆነ ከአፍሪካ እግር ኳስ ኮንፌዴሬሽን (ካፍ) ዕውቅናና ተቀባይነት ማግኘቱ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...