Saturday, June 22, 2024
- Advertisement -
- Advertisement -
ኪንና ባህልአርቲስት ሙላቱ አስታጥቄ የኢትዮጃዝ ኮንሰርት በሸራተን አዲስ ሊያቀርብ ነው

አርቲስት ሙላቱ አስታጥቄ የኢትዮጃዝ ኮንሰርት በሸራተን አዲስ ሊያቀርብ ነው

ቀን:

‹‹የኢትዮጵያ የጃዝ አባት›› በመባል የሚታወቀው አርቲስት ሙላቱ አስታጥቄ፣ የኢትዮጃዝ ኮንሰርት ከለንደኑ እስቴፕ ባንድ ጋር በመቀናጀት የካቲት 11 ቀን 2009 ዓ.ም. በሸራተን አዲስ እንደሚያቀርብ አስታወቀ፡፡

ላለፉት 52 ዓመታት በተለያዩ አገሮች የጃዝ ድግሱን በማቅረብ የሚታወቀው አርቲስት ሙላቱ፣ በኢትዮጵያ የሚያቀርበው የኢትዮጃዝ ኮንሰርት የመጀመሪያው እንደሆነም ጥር 30 ቀን 2009 ዓ.ም. በተዘጋጀው ጋዜጣዊ መግለጫ ላይ ተገልጿል፡፡

ለሥራው የተለያዩ የሙዚቃ ስልቶችን ለማቀናጀት የብሔረሰቦች የሙዚቃ መሣሪያዎች ትልቅ አስተዋጾ እንደነበራቸው የተናገረው አርቲስት ሙላቱ፣ ‹‹በረዥም የሙዚቃ ቆይታዬ የኢትዮጵያ ብሔረሰቦች የሙዚቃ መሣሪያ ፈጣሪ ሳይንቲስቶች ናቸው ማለት እችላለሁ፤›› በማለት አድናቆቱን ገልጿል፡፡

ከብሔረሰቦች የሙዚቃ መሣሪያ ባገኘው የጃዝ ዘይቤ በጥናቱ ውስጥ በማካተት፣ በመድረክ ላይ ዝግጅቶች ለንደንን፣ ቦስተንና ኒውዮርክን ጨምሮ ሥራዎቹን በተለያዩ ከተሞች ያቀረበ ሲሆን፣ በኢትዮጵያ ትላልቅ ኮንሰርቶች አለመዘጋጀታቸው ቅሬታ እንደፈጠረበት ተናግሯል፡፡

በደቡብ ኢትዮጵያ የሚገኙትን የሙዚቃ መሣሪያዎች ወደተለያዩ ስልቶች በመቀየር ቀድሞ ከነበረው ሙዚቃ ዓይነት፣ ሄፓፕ፣ ሬጌና ኤሌክትሮኒክስ ሙዚቃን ተከትሎ ቀዳሚ ስፍራ እንዲሰጠው የራሱን አስተዋጾ አበርክቷል፡፡

‹‹በዓለም አቀፍ መድረክ ኢትዮጵያን ማሳወቅ ብችልም ውስጤ ግን ቅሬታ እየተሰማኝ ስለነበር በአገሬ አቅርቤ የማላውቀውን ኮንሰርት በማዘጋጀት መልሱን እንደማገኝ አውቃለሁ፤›› በማለት አርቲስቱ ተናግሯል፡፡

በዓለም ላይ ሦስት ታላላቅ የሙዚቃ ስልቶች እንዳሉ የሚናገረው አርቲስቱ፣ የአውሮፓ ሙዚቃ ኖቴሽን፣ የኢትዮጵያ ሙዚቃ ኖቴሽንና የጃፓን የሙዚቃ ኖቴሽን በዓለም ላይ ዋነኞቹ እንደሆኑ ገልጾ፣ በታሪክ ሲጠና ግን ቀደምት ኢትዮጵያ እንደነበረች ተናግሯል፡፡

ከዚህ ጋር በተያያዘም ኢትዮጵያ ውስጥ ጥናት ምርምር ባለመደረጉ ብቻ የኢትዮጵያ የሆኑ የሙዚቃ ሀብቶች በሌላ አገሮች ስም ለመጠራት ተገደዋል ብሏል፡፡

ሙላቱ ባቀረባቸው የኢትዮጃዝ ኮንሰርቶች ከፍተኛ ተመልካችን በማግኘት ይታወቃል፡፡

በኢትዮጵያ በተለይ ዙምባራና ጨጨሴ የተባሉ የሙዚቃ መሣሪያዎች ትልቅ አስተዋጾ እንዳላቸው አስታውሶ፣ በኢትዮጵያ የሚገኙ የሙዚቃ መሣሪያዎች ላይ ጥናት መደረግ አለበት በማለት አስተያየት ሰንዝሯል፡፡ 

የክብር ዶክትሬትን ከቦስተን በርክሌ የሙዚቃ ኮሌጅና ከጅማ ዩኒቨርሲቲ ያገኘው አርቲስት ሙላቱ በአውሮፓ፣ በሰሜን አሜሪካ፣ በእስያ፣ በአውስትራሊያና በአፍሪካ ኮንሰርቱን ማዘጋጀት ችሏል፡፡

በዘሌማን አድቨርታይዚንግ ኮሙዩኒኬሽንና በለንደኑ እስቴፕ ትብብር የሚዘጋጀው የሁለት ሰዓት ኮንሰርት መግቢያ 1000 ብር መሆኑ ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...