Wednesday, April 17, 2024
- Advertisement -
- Advertisement -
ስፖርትቅዱስ ጊዮርጊስ 80ኛ ዓመቱን በልዩ ልዩ ዝግጅቶች ሊያከብር ነው

ቅዱስ ጊዮርጊስ 80ኛ ዓመቱን በልዩ ልዩ ዝግጅቶች ሊያከብር ነው

ቀን:

በዓሉ በሙዚቃ ኮንሰርት ቅዳሜ ይጀመራል

በኢትዮጵያ እግር ኳስ ታሪክ ፋና ወጊና የመጀመርያው የእግር ኳስ ክለብ የሆነው ቅዱስ ጊዮርጊስ ስፖርት ማኅበር 80ኛ ዓመቱን ሊያከብር ነው፡፡ በታኅሣሥ 1928 ዓ.ም. የተመሠረተው ቅዱስ ጊዮርጊስ 80ኛ ዓመቱን በመጪው ታኅሣሥ 2008 ዓ.ም. ለማክበር ከወዲሁ እንቅስቃሴ መጀመሩን ክለቡ አስታውቋል፡፡

የክብረ በዓሉ አካል የሆነው የ80ኛ ዓመት ሎጎ መጋቢት 27 ቀን 2007 ዓ.ም. በስፖርት ማኅበሩ ጽሕፈት በይፋ ተመርቋል፡፡ ክለቡ በድረ ገጹ እንዳስታወቀው፣ ለውድድር ከቀረቡ 13 ሎጎዎች መካከል በአንደኝነት የተመረጠው የአቶ ቴዎድሮስ ግደይ ሎጎ ሲሆን ለአሸናፊነቱ የ10,000 ብር ተሸላሚ ሆኗል፡፡

- Advertisement -

Video from Enat Bank Youtube Channel.

በሌላ በኩል ስፖርት ማኅበሩ የ80ኛ ዓመት ክብረ በዓል ማስጀመሪያ የሚውል ታላላቅ ኢትዮጵያውያን ድምፃውያን የሚሳተፉበት የሙዚቃ ኮንሰርት ማዘጋጀቱን ለሪፖርተር በላከው መግለጫ አስታውቋል፡፡ የሙዚቃ ኮንሰርቱ ቅዳሜ ሚያዝያ 10 ቀን በዳግማዊ ትንሣኤ ዋዜማ በሚሌኒየም አዳራሽ ከቀኑ ቀጠኝ ሰዓት እስከ ሌሊቱ ስምንት ሰዓት ድረስ ይከናወናል፡፡

በኮንሰርቱ ጅማሬ ላይ በአዲስ አበባ ውስጥ የሚገኙ ምርጥ ሥጋ ቤቶች የበሬ ሥጋ አቅርበው በቅናሽ የሚሸጡ መሆኑንና የቼልሲና ማንችስተር ዩናይትድ ጨዋታ በግዙፍ ስክሪኖች እንደሚቀርቡ ክለቡ አስታውቋል፡፡

ከሙዚቃ ኮንሰርቱ ሌላ የቁንጅና ውድድር ማስጀመሪያ ሥነ ሥርዓት የሚካሄድ ሲሆን፣ የመግቢያ ዋጋ ልዩ ማዕረግ (ቪአይፒ) 500 ብር፣ የተቀረው 200 ብር መሆኑ ታውቋል፡፡

ቅዱስ ጊዮርጊስ ማኅበር ታኅሣሥ 28 ቀን 1928 ዓ.ም. በጆርጅ ዱካስ፣ አየለ አትናሼና ይድነቃቸው ተሰማ አማካይነት አዲስ አበባ ውስጥ መመሥረቱ ይታወሳል፡፡

በሌላ በኩልም ቅዱስ ጊዮርጊስ ስፖርት ማኅበር በቢሾፍቱ (ደብረ ዘይት) ከተማ ቀበሌ 01 ውስጥ እያስገነባ ለሚገኘው ይድነቃቸው ተሰማ እግር ኳስ አካዴሚ ውስጥ የሚሠሩ አሠልጣኞችን ለመቅጠር በማወዳደር ላይ መሆኑን የክለቡ ድረ ገጽ ዘግቧል፡፡ የቅዱስ ጊዮርጊስ ሥራ አመራር ቦርድ ካነጋገራቸው መካከል የቀድሞው የጋና ከ17 ዓመት በታችና የሩዋንዳውን ኤፒአር አሠልጣኝ የነበሩት ሆላንዳዊው ሬኔ ሂድኒክን ይገኙበታል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...