Saturday, April 20, 2024
- Advertisement -
- Advertisement -
ማኅበራዊጃፓን በጋምቤላ የሚገኙ ስደተኞችን ለመርዳት ከ11 ሚሊዮን ዶላር በላይ ለገሰች

ጃፓን በጋምቤላ የሚገኙ ስደተኞችን ለመርዳት ከ11 ሚሊዮን ዶላር በላይ ለገሰች

ቀን:

ጃፓን በጋምቤላ ክልል የሚገኙ የደቡብ ሱዳን ስደተኞችንና የአካባቢውን ነዋሪዎች ለመርዳት የሚውል 11.8 ሚሊዮን ዶላር ለገሰች፡፡

ገንዘቡን በጋምቤላ ክልል በስደተኞቹ ዙሪያ የሚሠሩት የተባበሩት መንግሥታት ድርጅት የስደተኞች ጉዳይ ከፍተኛ ኮሚሽን፣ የዓለም ጤና ድርጅትና የዓለም ምግብ ፕሮግራም የሚካፈሉት ሲሆን ለመጠለያ ግንባታ፣ ለሕክምና፣ ለትምህርትና ለምግብ አቅርቦት ይውላል፡፡

5.8 ሚሊዮን ዶላሩ ለስደተኞች ጉዳይ ከፍተኛ ኮሚሽን የሚውል ሲሆን፣ አምና  በጎርፍ ከተጠቃው ሌችሆር ካምፕ የተፈናቀሉ 50,000 ደቡብ ሱዳናውያን ስደተኞችን ለማስፈር አዲስ ለሚገነባው ጃዊ ካምፕ ግንባታ የሚውል ይሆናል፡፡

- Advertisement -

Video from Enat Bank Youtube Channel.

መጋቢት 16 ቀን 2007 ዓ.ም. ልገሳው በኢትዮጵያ የጃፓን ኤምባሲ ይፋ ሲሆን ኮሚሽኑ እንዳስታወቀው፣ ዕርዳታው በካምፖቹ የተጠለሉትን ስደተኞችና በአካባቢው የሚኖሩትን ከጾታዊ ጥቃት ለመከላከል፣ ለትምህርት፣ ለጤና እንዲሁም ከለላ ለመስጠት ይውላል ብሏል፡፡

አምስት ሚሊዮን ዶላሩ ለዓለም አቀፉ የምግብ ድርጅት ተግባራት የሚውል ነው፡፡ ይህም ድርጅቱ በየወሩ የምግብ ድጋፍ ለሚያደርግላቸው 240,000 ስደተኞችና ተማሪዎች የምግብ አቅርቦት ይውላል፡፡

አንድ ሚሊዮን ዶላር ያገኘው የዓለም ጤና ድርጅት ደግሞ ተላላፊና ተላላፊ ላልሆኑ በሽታዎች ክትባትና መድኃኒት የሚያውለው መሆኑ ታውቋል፡፡ በጋምቤላ በሚገኙ የስደተኛ ካምፖች 250,000 የደቡብ ሱዳን ስደተኞች ይገኛሉ፡፡ በኢትዮጵያ በአሁኑ ሰዓት የ676,000 ስደተኞች መጠለያ ስትሆን፣ ይህም በአፍሪካ ከሚገኙ አገሮች ከፍተኛውን የስደተኞች ቁጥር በማስተናገድ ቀዳሚ ያደርጋታል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...