Monday, May 27, 2024
- ማስታወቂያ -
- ማስታወቂያ -

የወጪ ንግድ አፈጻጸምን ለማሻሻል የዓለም ገበያ ዋጋ ከግምት እንዳይገባ ማሳሰቢያ ተሰጠ

spot_img

ተዛማጅ ፅሁፎች

የግብርና ምርቶች ወጪ ንግድ እያስመዘገበ የሚገኘውን ዝቅተኛ አፈጻጸም ለማሻሻል፣ ላኪዎች እየዋዠቀ የሚገኘው የዓለም ገበያ ላይ ትኩረት ሳያደርጉ ምርታቸውን በሰፊው እንዲልኩ ማሳሰቢያ ተሰጠ፡፡

በጠቅላይ ሚኒስትር ኃይለ ማርያም ደሳለኝ የሚመራው ብሔራዊ ኤክስፖርት ምክር ቤት ሰሞኑን ተሰብስቦ በኤክስፖርት አፈጻጸም ላይ ምክክር ካደረገ በኋላ፣ ላኪዎች ምርት መያዝ ተወት አድርገው በሰፊው ወደ ውጭ እንዲልኩ ማሳሰቢያ ሰጥቷል፡፡

ንግድ ሚኒስቴር በየዘርፉ ያሉ የግብርና ምርት ላኪዎችን እየሰበሰበ ማሳሰቢያውን ተፈጻሚ እንዲያደርጉ መግለጹም ታውቋል፡፡

የበጀት ዓመቱ ስምንተኛ ወር እየተገባደደ ቢሆንም፣ የተያዘውን ዕቅድ በማሳካት በኩል ብዙ እንደሚቀረው የንግድ ሚኒስቴር መረጃዎች አመልክተዋል፡፡

የቅባት እህሎች በተለይም ሰሊጥ በአነስተኛ ዋጋ መሸጣቸውም እንደ ችግር ተጠቅሷል፡፡ ባለፈው ዓመት በቶን 2,500 ዶላር የተሸጠ ቢሆንም ዘንድሮ በቶን 1,500 ዶላር መግባት አልቻለም ተብሏል፡፡ ከዚህ አንፃር የዋጋ መሻሻል ሊኖር ይገባል በሚል ሰሊጥ እየተላከ አለመሆኑ ታውቋል፡፡

ከአዲሱ የአውሮፓውያን ዓመት በኋላ የገበያ መሻሻል ሊኖር ይችላል ተብሎ ቢታመንም፣ ላኪዎች በተገኘው ዋጋም ቢሆን በብዛት እንዲልኩ ማሳሰቢያ መሰጠቱ ታውቋል፡፡

ዘንድሮ በኢትዮጵያ ከፍተኛ የቡና ምርት መኖሩ ቢገለጽም፣ የቡና ገበያ በከፍተኛ ደረጃ ከመቀዛቀዙም በላይ የብራዚል ቡና ድርቅ መቶታል በሚል ምክንያት፣ ቡና ገዥዎች የቡና ዋጋ መውረድን እየተጠባበቁ መሆናቸው እየተገለጸ ነው፡፡

በተለይ በእስካሁኑ ቆይታ ከከረመ ቡና በስተቀር አዲስ ቡና ይህ ነው በሚባል መጠን ወደ ውጭ አለመላኩ ያሳሰበው መንግሥት፣ ነጋዴዎች ዋጋ ላይ ትኩረት ሳያደርጉ የያዙትን ቡና እንዲልኩ ጠንከር ያለ ማሳሰቢያ መስጠቱ ታውቋል፡፡

የጥራጥሬ ምርቶችን በተመለከተም በሌሎች አገሮች በስፋት በመሠረታቸው የተለመደውን ገበያ ማግኘት አለመቻሉ ተገልጿል፡፡ በሌላ በኩል ንግድ ሚኒስቴር የቁም እንስሳት ኮንትሮባንድ ንግድን በመቆጣጠር ሕጋዊ ንግድን ለማስፋፋት ይዞ የነበረው ዕቅድ ሲለካ ባለመቻሉ፣ የዕቅድ አፈጻጸሙ ዝቅተኛ ሆኖ ተመዝግቧል፡፡

በ2007 በጀት ዓመት መንግሥት ከግብርና ወጪ ንግድ ዘርፍ 2.5 ቢሊዮን ዶላር የማግኘት ዕቅድ ነበረው፡፡ ከዚህም ውስጥ በስድስት ወራት ውስጥ 1.98 ቢሊዮን ዶላር የማግኘት ዕቅድ ተይዞ ነበር፡፡ ነገር ግን በስድስት ወራት ውስጥ የተገኘው 1.4 ቢሊዮን ዶላር ነው፡፡ ይህ ሊሆን የቻለውም በርካታ የከረመ ቡና ተልኮ 308 ሚሊዮን ዶላር ገቢ በመገኘቱ መሆኑን መረጃዎች አመልክተዋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች