Tuesday, May 21, 2024
- Advertisement -
- Advertisement -

ማኅበራዊበመቐለ ኢንዱስትሪ ዞን የአገር ውስጥ ኩባንያዎች እንዲሳተፉ ተጠየቀ

በመቐለ ኢንዱስትሪ ዞን የአገር ውስጥ ኩባንያዎች እንዲሳተፉ ተጠየቀ

ቀን:

በፌዴራል ደረጃ ከሚቋቋሙት አምስት የኢንዱስትሪ ዞኖች አንዱ በሆነው የመቐለ ኢንዱስትሪ ዞን ውስጥ፣ የአገር ውስጥ ኩባንያዎች ተሳታፊ እንዲሆኑ ጥሪ ቀረበ፡፡

በመቐለ ከተማ በ500 ሔክታር መሬት ላይ ለሚገነባው ኢንዱስትሪ ዞን ጠቅላይ ሚኒስትር ኃይለ ማርያም ደሳለኝ ባለፈው የካቲት 11 ቀን 2007 ዓ.ም. የመሠረት ድንጋይ አኑረዋል፡፡

አቶ ኃይለ ማርያም የአገር ውስጥ ኩባንያዎች በኢንዱስትሪ ዞኑ ውስጥ ኢንቨስት እንዲያደርጉ ጠይቀዋል፡፡ ከዚህ በተጨማሪም የመቐለና የአካባቢዋ ነዋሪዎች የግብርና ምርቶችን በኢንዱስትሪ ዞኖቹ ውስጥ ለሚቋቋሙት ፋብሪካዎች እንዲያቀርቡ አሳስበዋል፡፡

- Advertisement -

በፌደራል ደረጃ የተቋቋመው የኢትዮጵያ የኢንዱስትሪ ልማት ቀጣናዎች ኮርፖሬሽን በአገሪቱ ውስጥ ለመገንባት ካቀዳቸው ኢንዱስትሪ ዞኖች አምስተኛ ሆኖ የተመረጠው የመቐለ ኢንዱስትሪ ፓርክ ነው፡፡ የተለያዩ የመሠረተ ልማት የሚገነቡለት ይህ የኢንዱስትሪ ዞን የጨርቃ ጨርቅ፣ የቆዳና ቆዳ ውጤቶች እንዲሁም ለአግሮ ፕሮሰሲንግ የሚቋቋሙ ፋብሪካዎችን ያስተናግዳል ተብሏል፡፡

ለግንባታው የሚያስፈልገው የገንዘብ መጠን አሁን ባይታወቅም፣ በሚቀጥሉት ስድስት ወራት ለግንባታው የሚያስፈልገው ፋይናንስ ተሟልቶ ወደ ሥራ እንደሚገባ የኢትዮጵያ ኢንዱስትሪ ዞን ልማት ቀጣናዎች ኮርፖሬሽን ዋና ዳይሬክተር አቶ ሲሳይ ገመቹ በሥነ ሥርዓቱ ላይ ገልጸዋል፡፡

መንግሥት ከሚገነባው የኢንዱስትሪ ፓርክ በተጨማሪ ዱላል ብራዘርስ የተሰኘ የባንግላዴሽ ኩባንያ በመቐለ ከተማ አቅራቢያ የኢንዱስትሪ ዞን ለመገንባት መዘጋጀቱን አስታውቋል፡፡ የትግራይ ክልላዊ መንግሥት ይህ የባንግላዴሽ ኩባንያ ለሚገነባው የኢንዱስትሪ ዞን 76 ሔክታር መሬት በነፃ ሰጥቷል፡፡ ኩባንያው በዚህ መሬት ላይ 42 ሚሊዮን ዶላር ወጪ በማድረግ ዘመናዊ የጨርቃ ጨርቅ ፋብሪካ እንደሚገነባ፣ የዱላል ብራዘርስ ማኔጂንግ ዳይሬክተር ሚስተር አብዱል ጁባር የመሠረተ ድንጋዩ በተቀመጠበት ወቅት ገልጸዋል፡፡

የሁለቱንም ኢንዱስትሪ ፓርኮች የመሠረተ ድንጋይ ያስቀመጡት ጠቅላይ ሚኒስትር ኃይለ ማርያም ደሳለኝ እንዳሉት፣ የኢንዱስትሪ ዞኖች መስፋፋት ኢኮኖሚያዊ ጠቀሜታው የጎላ በመሆኑ መንግሥት ልዩ ትኩረት ያደርጋል ብለዋል፡፡

ከዚህ በተጨማሪም መንግሥት በመቐለ ከተማ በሚገነባው ኢንዱስትሪ ዞን የአገር ውስጥ ኩባንያዎች ንቁ ተሳታፊ እንዲሆኑ ጠቅላይ ሚኒስትሩ ጥሪ አቅርበው፣ የባንግላዴሹ ኩባንያ ለሚገነባው የኢንዱስትሪ ዞን መንግሥት ድጋፍ እንደሚሰጥ አክለው ገልጸዋል፡፡

እነዚህ የኢንዱስትሪ ዞኖች ከሚገነቡበት መቐለ ከተማ (ኩይሐ) ጀምሮ እስከ ጂቡቲ ታጁራ ወደብ ድረስ ለሚዘረጋው የባቡር መስመር ባለፈው ረቡዕ የመሠረት ድንጋይ ተቀምጧል፡፡ ከመቐሌ ከተማ በቅርብ ርቀት ላይ የምትገኘው ኩይሐና አካባቢው ለምለምና ውኃ በሰፊው የሚገኝበት ሲሆን፣ እስከ ጂቡቲ ድረስ እየተዘረጋ የሚገኘው መንገድ እየተጠናቀቀ በመሆኑ የኢንቨስተሮችን ትኩረት እየሳበ እንደሚገኝ ታውቋል፡፡

ከእነዚህ መካከል በ400 ሚሊዮን ብር የተገነባው የሞሐ ለስላሳ መጠጦች ፋብሪካ፣ የጣሊያን ኩባንያ ካልዚዶኒያ የገነባው የጂንስ ስፌት ፋብሪካ ጨምሮ የጋርመንት ፋብሪካዎች በመገንባት ላይ ናቸው፡፡ ከዚህ በተጨማሪ ለትግራይ ክልል ሁለተኛ የሆነው ቢራ ፋብሪካ በዚሁ አካባቢ እንደሚገነባ ታውቋል፡፡

ይህንን ቢራ ፋብሪካ ለመገንባት ያቀደው በቡና እርሻ ልማት የሚታወቀው ግሪን ካፌ አግሮ ኢንዱስትሪ ነው፡፡ ኩባንያው በአካባቢው 50 ሔክታር መሬት መረከቡ ታውቋል፡፡ የቢራ ፋብሪካው ስያሜ አለመወሰኑ ታውቋል፡፡

መንግሥት ከመቐለ በተጨማሪ በኮምቦልቻ፣ በድሬዳዋ፣ በሐዋሳና በአዲስ አበባ ግዙፍ የኢንዱስትሪ ዞኖችን በመገንባት ላይ እንደሆነ ይታወቃል፡፡

  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...