Monday, May 20, 2024
- Advertisement -
- Advertisement -

ማኅበራዊከሁለት አሥርት በኋላ የኢትዮጵያ ሕዝብ ቁጥር 136.9 ሚሊዮን ይደርሳል ተባለ

ከሁለት አሥርት በኋላ የኢትዮጵያ ሕዝብ ቁጥር 136.9 ሚሊዮን ይደርሳል ተባለ

ቀን:

የማዕከላዊ ስታትስቲክስ ኤጀንሲ በ2029 ዓ.ም. የኢትዮጵያ ሕዝብ ቁጥር 136.9 ሚሊዮን እንደሚደርስ አስታወቀ፡፡ አገሪቱ በየዓመቱ እያስመዘገበች ያለችው ዕድገት ባለሁለት አኃዝ ስለሆነ፣ የሕዝብ ቁጥር ዕድገቱ ደግሞ 2.4 በመቶ በመሆኑ ጤናማ ነው ብሏል፡፡

የማዕከላዊ ስታትስቲክስ ኤጀንሲ የ30 ዓመታት የኢትዮጵያ ሕዝብ ብዛት ትንበያ መረጃ አዘጋጅቷል፡፡ የተዘጋጀው ትንበያ ከ2000 ዓ.ም. እስከ 2029 ዓ.ም. ድረስ ሲሆን፣ በዝግጅቱ ወቅት በርካታ ዓለም አቀፍ ተቋማትና አማካሪ ድርጅቶች ተሳትፈውበታል ተብሏል፡፡ በዚህ መሠረት በሐምሌ 2006 ዓ.ም. 87.9 ሚሊዮን የነበረው የሕዝብ ቁጥሩ በሐምሌ 2007 ዓ.ም. ደግሞ 90 ሚሊዮን ይደርሳል በማለት ኤጀንሲው አስታውቋል፡፡

በሐምሌ 2012 ዓ.ም. የአገሪቱ ሕዝብ ቁጥር 100.8 ሚሊዮን እንደሚደርስ፣ ከ17 ዓመታት በኋላ በ2029 ዓ.ም. ደግሞ 136.7 ሚሊዮን እንደሚደርስ አስታውቋል፡፡ የማዕከላዊ ስታስቲክስ ኤጀንሲ የሥነ ሕዝብና ቫይታል ስታቲስቲክ ዘርፍ ተጠባባቂ ምክትል ዋና ዳይሬክተር አቶ አሳልፈው አበራ ጥር 29 ቀን 2007 ዓ.ም. በሰጡት ጋዜጣዊ መግለጫ፣ የሕዝብ ቁጥር ዕድገቱ ከአገሪቱ ኢኮኖሚያዊ ዕድገት ጋር የተጣጣመ ነው ብለዋል፡፡

- Advertisement -

ኤጀንሲው በሰጠው መግለጫ በአገሪቱ ያለው የውልደት መጠን ከሦስትና ከአራት እጥፍ በላይ የመራባት ያህል አይደለም በማለት ገልጿል፡፡ ኤጀንሲው በ1992 ዓ.ም. አንድ እናት በሥነ ተዋልዶ ዘመን 5.5 ወይም ስድስት ልጆች ትወልድ ነበር፡፡ ነገር ግን ይህ ቁጥር እየቀነሰ መጥቶ በ2003 ዓ.ም. 4.8 ልጆች፣ በ2006 ዓ.ም. 4.1 ልጆች እንደምትወልድ በጥናት ተረጋግጧል ብሏል፡፡ ይህ ደግሞ ጤናማ አካሄድ ነው ሊባል ይችላል በማለት አቶ አሳልፈው አስረድተዋል፡፡

ይህ ሊሆን የቻለው ዘመናዊ የቤተሰብ ምጣኔ አገልግሎት ሽፋን እየተሻሻለ በመምጣቱ እንደሆነ የሚናገረው የኤጀንሲው መግለጫ፣ በ1992 ዓ.ም. ስድስት በመቶ የነበረው የቤተሰብ ምጣኔ አገልግሎት ሽፋን በ2006 ዓ.ም. 40 በመቶ መድረሱን አመልክቷል፡፡ ኤጀንሲው የኢትዮጵያ የሕዝብ ቁጥር ከሌሎች የአፍሪካ አገሮች ጋር ሲነፃፀርም በጥሩ ደረጃ ይገኛል ብሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...