Sunday, May 19, 2024
- Advertisement -
- Advertisement -

ማኅበራዊአንድ መቶ ሺሕ ኪዩቢክ ሜትር ውኃ የሚያመነጭ ፕሮጀክት ሊመረቅ ነው

አንድ መቶ ሺሕ ኪዩቢክ ሜትር ውኃ የሚያመነጭ ፕሮጀክት ሊመረቅ ነው

ቀን:

ግንባታው ቢጠናቀቅም በኤሌክትሪክ ኃይል አቅርቦት አለመኖር ወደ መስመር መግባት ሳይችል የቆየው የአዲስ አበባ ንፁህ የመጠጥ ውኃ ፕሮጀክት፣ ችግሮቹ በመፈታታቸው የካቲት 8 ቀን 2007 ዓ.ም. ሊመረቅ መሆኑ ተሰማ፡፡ ከፕሮጀክቱ 100 ሺሕ ኪዩቢክ ሜትር ውኃ ይመረታል ተብሏል፡፡

የከተማውን የመጠጥ ውኃ አቅርቦት ችግር ለመፍታት ከተያዙ ፕሮጀክቶች መካከል የድሬ ግድብን ውኃ የመያዝ አቅም በማሳደግ፣ የለገዳዲ ውኃ ማጣሪያ ጣቢያ ውኃ የማጣራት አቅም ከፍ በማድረግ እንዲሁም በአቃቂ ጥልቅ የውኃ ጉድጓድ ቁፋሮ በማካሄድ 100 ሺሕ ኪዩቢክ ሜትር ውኃ ማምረት ተችሏል፡፡

ነገር ግን ይህንን ውኃ ማምረት የሚያስችለው ፕሮጀክት በነሐሴ 2006 ዓ.ም. ቢጠናቀቅም፣ የኤሌክትሪክ ኃይል መሠረተ ልማት ባለመሟላቱ በፕሮጀክቱ መመንጨት የሚቻለው ውኃ ወደ መስመር መግባት ሳይችል ቆይቷል፡፡

- Advertisement -

የአዲስ አበባ ውኃና ፍሳሽ ባለሥልጣን ዋና ሥራ አስኪያጅ አቶ አወቀ ኃይለ ማርያም ለሪፖርተር እንደገለጹት፣ በአሁኑ ጊዜ የኤሌክትሪክ አቅርቦት ችግሩ በመፈታቱ የተመረተውን ውኃ ወደ መስመር ማስገባት ተችሏል፡፡ አቶ አወቀ ጨምረው እንደገለጹት፣ ይህንን መሠረታዊ ለውጥ የሚያመጣ ፕሮጀክት የካቲት 8 ቀን 2007 ዓ.ም. ለማስመረቅ ዝግጅት እየተደረገ ነው፡፡

ለአዲስ አበባ ከተማ ወሳኝ ፕሮጀክት ነው የተባለውን ይህንን የመጠጥ ውኃ ፕሮጀክት ጠቅላይ ሚኒስትር ኃይለ ማርያም ደሳለኝ ይመርቁታል ተብሎ ይጠበቃል፡፡

እነዚህ ሁለት ፕሮጀክቶች በአጠቃላይ ሦስት ቢሊዮን ብር ወጪ ተደርጎባቸዋል፡፡ የድሬንና የለገዳዲ ውኃ ማጣሪያ ፕሮጀክቶች የገነቡት የፈረንሳይ ኩባንያ የሆነው ፊልጃስና የቻይናው ኩባንያ ሲጂሲ ኦቨርሲስ ናቸው፡፡ የአቃቂ ጥልቅ የከርሰ ምድር ቁፋሮ ያካሄደው የቻይናው ሲጂሲ ኦቨርሲስ ነው፡፡

የአዲስ አበባ ከተማ ከዚህ ፕሮጀክት እውን መሆን በፊት በዓመት 350 ሺሕ ሜትር ኪዩቢክ ውኃ የማምረት አቅም ነበረው፡፡ ከዚህ ፕሮጀክት መጠናቀቅ በኋላ ከተማው በዓመት 450 ሺሕ ኪዩቢክ ሜትር ውኃ የማመንጨት አቅም ተፈጥሮለታል ተብሏል፡፡

ከዚህ ፕሮጀክት ጄኔሬተር በመጠቀም ውኃ ለማመንጨት ቢሞከር፣ አስተዳደሩ በቀን ሦስት ሚሊዮን ብር ለነዳጅ ማውጣት እንደሚኖርበት አቶ አወቀ መናገራቸውን መዘገባችን ይታወሳል፡፡

የውኃ ማምረቻ ጣቢያዎች፣ ማጠራቀሚያዎችና የግፊት መስጫ ጣቢያዎች ያልተቋረጠ የኤሌክትሪክ ኃይል እንደሚያስፈልጋቸው ባለሙያዎች ይናገራሉ፡፡ ባለሥልጣኑ ውኃ ከማምረቱ በተጨማሪ በኤሌክትሪክ ኃይል አቅርቦት ችግር ምክንያት፣ ውኃ የማከፋፈል ሥራ አስቸጋሪ እንደሆነበት ይናገራል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...