Saturday, July 20, 2024
- Advertisement -
- Advertisement -
ማኅበራዊበኢቦላ ለተጠቁ አገሮች የማርሻል ፕላን እንዲዘረጋላቸው ጥሪ ቀረበ

በኢቦላ ለተጠቁ አገሮች የማርሻል ፕላን እንዲዘረጋላቸው ጥሪ ቀረበ

ቀን:

በምዕራብ አፍሪካ በኢቦላ ክፉኛ ለተጠቁት ሴሪሊዮን፣ ጊኒና ላይቤሪያ ‹‹ማርሻል ፕላን›› ማለትም ከሁለተኛው የዓለም ጦርነት በኋላ የአውሮፓ አገሮች እንዲያገግሙ የተነደፈው የገንዘብ ድጋፍ ዓይነት እንዲዘረጋ ኦክስፋም ግሬት ብሪቴን ጥሪ አቀረበ፡፡ በምዕራብ አፍሪካ 8500 ሰዎችን የቀጠፈው የኢቦላ ወረርሽኝ ሥርጭቱ እየቀነሰ ቢሆንም አገሮቹ ከገቡት የጤናና የኢኮኖሚ ቀውስ እንዲወጡ በብዙ ቢሊዮን ዶላር በሚቆጠር የማርሻል ፕላን ሊዘረጋ እንደሚገባ ድርጅቱ አሳውቋል፡፡ የበለጸጉ አገሮች የዕርዳታ ኢንቨስትመንቱ ላይ መሳተፍ እንዳለባቸውና፣ የገንዘብ ዕርዳታውም በኢቦላ ለተጠቁ ቤተሰቦች እንዲውል፣ የሥራ ዕድል እንዲፈጠርና የጤና፣ የትምህርትና የንፅህና አጠባበቅ ዘርፎች ላይ መዋል እንደሚገባው ገልጿል፡፡ የድርጅቱ ዋና ኃላፊ ማርክ ጎልድሪንግ በላይቤሪያ በነበራቸው ጉብኝት ላይ እንደተናገሩት፣ ነዋሪው በእጁ ላይ ገንዘብ ሊኖረው ይገባል፣ የሥራ ዕድልና የመሠረታዊ አገለግሎቶች ያስፈልጉታል፤ በገሃነም ውስጥ ያለፈው ሕዝብም መረሳት የለበትም፡፡ የዓለም ጤና ድርጅት በበኩሉ፣ ድርጅቱ በምዕራብ አፍሪካ ለተከሰተውና በሺዎች የሚቆጠሩትን ለገደለው የኢቦላ ቫይረስ የሰጠው ምላሽ የዘገየና አካሄዱም ስህተት እንደነበር አምኗል፡፡ ቢቢሲ እንደዘገበው፣ የዓለም ጤና ድርጅት ለኢቦላ ምላሸ ለመስጠት የሚያስችለውን የተሻሻለ እቅድ የነደፈ ሲሆን፣ ይህም ወደፊት ተመሳሳይ ችግሮች ሲከሰቱ በአፋጣኝ ለመቆጣጠር ያስችላል ተብሏል፡፡ በጄኔቭ አስቸኳይ ስብስባ የተቀመጠው ዓለምአቀፉ የጤና ድርጅት ‹‹ድርጅቱን ጨምሮ ዓለም አቀፉ ማኅበረሰብ ለኢቦላ የሰጠው ምላሸ መዘግየትን ተከትሎ የተከሰተውን አሳዛኝ ገጠመኝ መቀልበስ አይቻልም፡፡ ከኢቦላ አሳዛኝ ክስተት ዓለም ተምሯል፡፡ ወደፊት ተመሳሳይ ችግሮችን እንዴት እንደምንከላከልም አውቀንበታል፤›› ሲል መግለጫ ሰጥቷል፡፡ የምዕራብ አፍሪካ አገሮች በኢቦላ ሳቢያ ለደረሰባቸው ጉዳት ዓለምአቀፉ ማኅበረሰብ ተወቃሽ ነው፡፡ የበለፀጉ አገሮችም ሆነ ዓለማቀፉ የጤና ድርጅት የሰጠው ምላሸ ደካማ በመሆኑ በላይቤሪያ በኢቦላ ከተጠቁ ቤተሰቦች 73 በመቶ ያህሉ ገቢያቸው ቀንሷል፡፡ 60 በመቶ ያህሉ ዳግሞ ለሰባት ቀናት ያህል በቂ ምግብ ያላገኙ ናቸው፡፡ ኦክስፋም እንደሚለው፣ በላይቤሪያ የሩዝ ዋጋ በ40 በመቶ ጨምሯል፡፡ የዓለም ባንክ ደግሞ የኢቦላ ወረርሽኝ ከተከሰተ በኋላ በሴራሊዮን ብቻ 180,000 ሰዎች ሥራ አጥተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አቶ ሰብስብ አባፊራ የኢትዮጵያ ንግድና ዘርፍ ማኅበራት ምክር ቤት ፕሬዝዳንት ሆነው ተመረጡ

ከአዋጅና መመሪያ ውጪ ለዓመታት ሳይካሄድ የቆየው የኢትዮጵያ ንግድና ዘርፍ...

ቀጣናዊ ገጽታ የያዘው የኢትዮ ሶማሊያ ውዝግብ

ከአሥር ቀናት ቀደም ብሎ በተካሄደው የፓርላማ 36ኛ መደበኛ ስብሰባ፣...

የኢንሹራንስ ኩባንያዎች በዓረቦንና የጉዳት ካሳ ክፍያዎች ላይ ተጨማሪ እሴት ታክስ መጣሉን ተቃወሙ

በአዲሱ ተጨማሪ እሴት ታክስ አዋጅ ውስጥ የኢንሹራንስ ከባንያዎች ለሚሰበስቡት...