Tuesday, July 23, 2024
- Advertisement -
- Advertisement -
ዜናበባህር ትራንስፖርትና ሎጂስቲክስ ኃላፊዎች ላይ የክስ መመሥረቻ የመጨረሻ ጊዜ ተሰጠ

በባህር ትራንስፖርትና ሎጂስቲክስ ኃላፊዎች ላይ የክስ መመሥረቻ የመጨረሻ ጊዜ ተሰጠ

ቀን:

  • ሁለት ተጠርጣሪዎች ከፖሊስ ጣቢያ ተለቀቁ

 በሙስና ወንጀል ተጠርጥረው ላለፉት ሁለት ወራት በምርመራ ላይ በነበሩት የኢትዮጵያ ባህር ትራንስፖርትና ሎጂስቲክስ አገልግሎት ድርጅት ኃላፊዎች ላይ፣ ዓቃቤ ሕግ ክስ እንዲመሠረት የመጨረሻ 15 ቀናት ተሰጠው፡፡ የፌዴራል ፖሊስ መርማሪ ቡድን ጎን ለጎን ቀረኝ የሚለውን ምርመራ እንዲያካሂድም ትዕዛዝ ተሰጥቷል፡፡

የምርመራ መዝገቡን እየተከታተለው የሚገኘው የፌዴራል ከፍተኛ ፍርድ ቤት አሥረኛ የወንጀል ጊዜ ቀጠሮ ችሎት ለጥቅምት 7 ቀን 2010 ዓ.ም. ቀጠሮ ሰጥቶ የነበረው፣ የፌዴራል ፖሊስ ምርመራ ቡድን በተፈቀደለት ጊዜ የሠራውን ምርመራ ለመጠባበቅ ቢሆንም መርማሪ ቡድኑ ሳይቀርብ ቀርቷል፡፡ ተጠርጣሪዎቹን አጅቦ የቀረበውን የፌዴራል ፖሊስ አባል ፍርድ ቤቱ ጠይቆት፣ ‹‹እኔ ተጠርጣሪዎቹን ብቻ ነው ይዤ የቀረብኩት፡፡ ስለሌሎቹ የማውቀው የለኝም፤›› ብሏል፡፡

ፍርድ ቤቱ የተጠርጣሪ ጠበቆች የሚሉት ካለ ሲጠይቃቸው ሁሉም የተጠርጣሪዎቹ ጠበቆች በሰጡት ምላሽ፣ መርማሪ ፖሊስ አለመቅረቡ የምርመራ ሥራውን እንዳጠቃለለ የሚያሳይ እንደሆነ ገልጸዋል፡፡ ለዚህም ማረጋገጫ ሁለት ተጠርጣሪዎች ማለትም የጂቡቲ ቅርንጫፍ ሥራ አስኪያጅ አቶ እውነቱ ታዬና የሞጆ ደረቅ ወደብ ቅርንጫፍ ሥራ አስኪያጅ አቶ ታዬ ጫላን ከማረፊያ ቤት በሰው ዋስትና መልቀቁ መሆኑን አስረድተዋል፡፡

በመሆኑም መርማሪ ፖሊስ ባልቀረበበትና ተጨማሪ የምርመራ ጊዜ ባልጠየቀበት ሁኔታ ተጨማሪ ጊዜ ሊፈቀድ ስለማይችል፣ የዋስትና መብታቸው ተፈቅዶ በውጭ ሆነው እንዲከታተሉ እንዲታዘዝላቸው ጠይቀዋል፡፡

ፍርድ ቤቱ በሰጠው ትዕዛዝ የተጠረጠሩበት የወንጀል ድርጊት በአዋጅ ቁጥር 434/2007 እና በተሻሻለው አዋጅ ቁጥር 882 አንቀጽ (2) መሠረት ዋስትና የሚከለከል መሆኑን በማስታወስ፣ መርማሪ ፖሊስ ለምን በጠዋቱ የችሎት ጊዜ እንዳልቀረበና በዋስትናው ጥያቄ ላይ ያለውን ምላሽ ከሰዓት በኋላ ቀርቦ እንዲያስረዳ አስታውቋል፡፡ ችሎቱ ካበቃ በኋላ መርማሪ ፖሊሶች የደረሱ ቢሆንም፣ በችሎት ምክንያታቸውን ማስረዳት ባለመቻላቸው ወደ ምክትል ፕሬዚዳንቱ ቢሮ በመሄድ ለማስረዳት ሞክረዋል፡፡

ወደ ፍርድ ቤት እየመጡ ሳለ ፒያሳ አካባቢ የተሽከርካሪ ግጭት እንዳጋጠማቸው በመግለጽ ይቅርታ ቢጠይቁም፣ ፍርድ ቤቱ ግን የትራፊክ ፖሊስ የምርመራ ሰነድ ማቅረብ እንዳለባቸው በመግለጽ ከሰዓት በኋላ ቀርበው እንዲያስረዱ ነግሯቸዋል፡፡ ከሰዓት በኋላም ቀርበው በተመሳሳይ ሁኔታ አስረድተውና ይቅርታ መጠየቃቸውንም የገለጹ ቢሆንም፣ የችሎቱን ሥራ ማስተጓጎላቸውንና ማወካቸውን ፍርድ ቤቱ ገልጾ በተግሳጽ ቅጣት እንዳለፋቸው አስታውቋል፡፡

ፍርድ ቤቱ ለዓቃቤ ሕግ የመጨረሻ 15 ቀናት ጊዜ በመስጠት ክስ እንዲመሠርት ትዕዛዝ የሰጠ ሲሆን፣ የዓቃቤ ሕግን ክስ ለመጠባበቅ ለጥቅምት 21 ቀን 2010 ዓ.ም. ቀጠሮ ሰጥቷል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...