Tuesday, July 23, 2024
- Advertisement -
- Advertisement -
ማኅበራዊወጣቶች በአገራዊ ምክክሩ ሚናቸውን እንዲወጡ ጥሪ የቀረበበት መድረክ

ወጣቶች በአገራዊ ምክክሩ ሚናቸውን እንዲወጡ ጥሪ የቀረበበት መድረክ

ቀን:

ወጣቶች የመነጋገርና የመደማመጥ ባህልን በማጎልበት፣ በአገራዊ ምክክሩ ሚናቸውን እንዲወጡ የኢትዮጵያ አገራዊ ምክክር ኮሚሽን አሳስቧል፡፡

ኮሚሽኑ ‹‹የወጣቶች ሚናና ተሳትፎ ለአገራዊ ምክክር›› በሚል መሪ ቃል፣ ሐምሌ 2 ቀን 2016 ዓ.ም. ባዘጋጀው የወጣቶች የውይይት መድረክ ላይ የተገኙት ዋና ኮሚሽነር  መስፍን አርዓያ (ፕሮፌሰር) ባስተላለፉት መልዕክት፣ ለሰላምና ለተረጋጋ የአገረ መንግሥት ግንባታ የወጣቶች ሚና ከፍተኛ መሆኑን አስምረውበታል፡፡

በኢትዮጵያ የረዥም ዘመን ታሪክ ከሐሳብ ልዕልና ይልቅ የተወሰኑ ቡድኖች ፍላጎት ጎልቶ በመውጣት ለልዩነትና ግጭት ሲዳርግ መቆየቱን አስታውሰዋል፡፡

ባለፉት ዘመናት የተወሰኑ ቡድኖች አንደበት ያላቸው ፖለቲከኞች ብቻ በመወሰን፣ የዜጎችን ተሳትፎ በመንፈጉ መግባባት ርቆን ቆይቷል ሲሉም ተናግረዋል።

በመሆኑም እየተንከባለሉ የመጡ አገራዊ ችግሮችን ተመካክሮ በዘላቂነት ለመፍታት ወጣቶች ንቁ ተሳታፊ መሆን እንዳለባቸው አስገንዝበዋል።

‹‹ኢትዮጵያውያን ምክክር ያስፈልገናል›› ያሉት ዋና ኮሚሽነሩ፣ በኢትዮጵያ ጉዳይ ላይ ተወያይቶ የጋራ መግባባት ላይ መድረስ እንደሚያስፈልግ፣ በተለይም ወጣቶች በጋራ በመምከር ለመፍትሔውም መሥራት እንዳለባቸው አሳስበዋል፡፡

በመድረኩ በትውልዶች መካከል መኖር ስለሚገባው ምክክር እንዲሁም በአገራዊ ምክክሩ የወጣቶችን ሚና ማሳደግ ስለሚቻልባቸው መንገዶች በኮሚሽኑ ኮሚሽነሮች የውይይት መነሻ ሐሳብ ቀርቧል።

በውይይቱ ከመላ አገሪቱ የመጡ ከ200 በላይ ወጣቶች መሳተፋቸው ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...