Tuesday, July 23, 2024
- Advertisement -
- Advertisement -
- Advertisement -

ፌርማታ ፅሁፎች

ያልተኖረ ዕውቀት እንዳልተዳቀለ አበባ

ትኩስ ፅሁፎች

ዕውቀት የህላዌ እንቁ ነች፡፡ በመሆን እግሮች ላይ አሰናካይ ሰንሰለትም ልትሆን ትችላለች፡፡

ብዙውን ጊዜ ብርሃኑን ለማየት የሚሳናቸው እናውቃለን የሚሉ ሰዎች ናቸው፡፡ ከጥንቱም፣ ዕውቀት ከፍተኛዋ መፈተኛ ሆና ኖራለች፡፡

የዕውቀትን መጋረጃ ተርትረህ ጥለህ፣ ራቁቷን እውነት በራቁት ዓይንህ ተመልከት፡፡

የራስህ አዕምሮ፣ በህልምህ ቅዱሰ-ቅዱሳን መግቢያ በር ላይ የሚያኖርብህን ተራራ-አካል ደንቃራ ለማለፍ ዝግጁ ከሆንክ፣ ሌሎች ፈተናዎች ሁሉ ይህንኑ ተራራ ለመውጣት የመቆናጠጫ እርከኖች ብቻ ነው የሚሆኑህ፡፡

ያልተኖረ ዕውቀት እንዳልተዳቀለ አበባ ነው፡፡ በክብሩ የፀዴይ ወቅት ብቻ ፈክቶና ተውቦ ይታያል፡፡ የማበቢያ ወቅቱ በሄደ ጊዜ፣ ምንም ቅሪት ሳይተው፣ ረግፎ ይከስማል፡፡ ዕውቀትህን በንፁህና በቅዱስ ምርባር ካባ አልብሰው፡፡ ያኔ ብቻ ነው አዕምሮህ ጥበብን ሊወልድና በዘለዓለማዊነት ዙፋን ላይ ቦታውን ሊያገኝ እሚቻለው፡፡

ዕውቀት የአዕምሮ ዜጋ ነው፤ ጥበብ ግን የነፍስ ነች፡፡ ዕውቀት ኩራዝ ነው፤ ጥበብ ግን ብርሃኑን ነች፡፡ ጥበብ፣ ሁሌም ራሷን በማስፋፋት፣ በመንገዷ እሚገጥሟትን ሌሎች ብርሃኖችም ተቀብላ በማሠራጨት፣ በየኩርባውም በየንጋቱም ይበልጥ እየደመቀች ትሄዳለች እንጂ ከቶም አትጠፋም፡፡

ከጠቢቦች ሁንና ብርሃኑ ከምሥራቅም ይሁን ከምዕራብ፣ ከታናሹም ይሁን ከታላቁ፣ ቢመጣ ሳትዘገይ ያዘው፡፡ አጥብቀህም እቀፈው፡፡

  • ኦ’ታም ፑልቶ ‹‹የፈላሱ መንገድ›› (2006)

* * *

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች