Tuesday, July 23, 2024
- Advertisement -
- Advertisement -
ስፖርትፕሪሚየር ሊጉን ዘንድሮ የተቀላቀለው የኢትዮጵያ ንግድ ባንክ ሻምፒዮን ሆነ

ፕሪሚየር ሊጉን ዘንድሮ የተቀላቀለው የኢትዮጵያ ንግድ ባንክ ሻምፒዮን ሆነ

ቀን:

በአዳማ ሳይንስና ቴክኖሎጂ ዩኒቨርሲቲ ስታዲየም የ2016 ዓ.ም. የውድድር ዓመቱን የጀመረው የኢትዮጵያ ፕሪሚየር ሊግ፣ ባለፈው ቅዳሜ በሐዋሳ ዩኒቨርሲቲ ስታዲየም በኢትዮጵያ ንግድ ባንክ አሸናፊነት ፍፃሜውን አግኝቷል፡፡ ኢትዮጵያ ንግድ ባንክ ወደ ፕሪሚየር ሊጉ ባደገበት በመጀመሪያው ዓመት የሊጉን ዋንጫ በማንሳት ከቅዱስ ጊዮርጊስና ጅማ አባ ጅፋር በመቀጠል ሦስተኛው ክለብ ሆኗል፡፡

የዘንድሮውን የፕሪሚየር ሊግ ዋንጫ በ64 ነጥብ ለመጀመሪያ ጊዜ ከፍ ያደረገው የኢትዮጵያ ንግድ ባንክ፣ በመጪው የውድድር ዓመት ኢትዮጵያን በመወከል በአፍሪካ ክለቦች ሻምፒዮንስ ሊግ ይሳተፋል፡፡ ‹‹ውጤት የለውም›› በሚል በ2010 ዓ.ም. እንዲፈርስ የተደረገው ኢትዮጵያ ንግድ ባንክ እንደገና ተመሥርቶ ከሦስት ዓመታት በኋላ የሊጉ አሸናፊ የሆነበትን ውጤት አስመዝግቧል፡፡

ክለቡ እንደገና እንዲቋቋም ያደረገው የኢትዮጵያ ንግድ ባንክ ስፖርት ማኅበር ቦርድ፣ ማክሰኞ ሐምሌ 20 ቀን 2016 ዓ.ም. በቦሌ ዓለም አቀፍ ኤርፖርት በመገኘት፣ ክለቡ አቀባበል አድርጎለታል፡፡ ከአቀባበል ሥነ ሥርዓቱ በተጨማሪ ቡድኑ በክፍት አውቶቡስ ሆኖ በባንድ በመታጀብ በአዲስ አበባ ዋና ዋና መንገዶች ዋንጫውን ይዞ ተዟዙሯል፡፡

በዕለቱ ለቡድኑ ቦሌ በሚገኘው ስካይ ላይት ሆቴል የእራት ግብዣ የተደረገለት ሲሆን፣ ቦርዱ ለተጫዋቾቹና ለቡድኑ አባላት የገንዘብ ሽልማት ለማበርከት ቃል ገብቷል፡፡ ቦርዱ ይህንን ያደረገበት ዋናው ምክንያት ተብሎ የተጠቀሰው፣ ክለቡ በሚቀጥለው የውድድር ዓመት ተቋሙንና አገሪቱን በመወከል በአኅጉራዊ የክለቦች ሻምፒዮንስ ሊግ ላይ የሚሳተፍ እንደመሆኑ መጠን፣ ከወዲሁ የተጫዋቾቹና የቡድኑ አባላቱ በሥነ ልቦናው ረገድ ዝግጁ እንዲሆኑ ለማድረግ እንደሆነም ተነግሯል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...