Wednesday, July 24, 2024
- Advertisement -
- Advertisement -
ስፖርትኢትዮጵያ ቡና የኢትዮጵያ ዋንጫ አሸናፊ ሆኗል

ኢትዮጵያ ቡና የኢትዮጵያ ዋንጫ አሸናፊ ሆኗል

ቀን:

  • የአዲስ አበባ ስታዲየም ወንበሮች በደጋፊዎች ተሰባብረዋል

የኢትዮጵያ እግር ኳስ ፌዴሬሽን ቀደም ባሉት ዓመታት በየውድድር ዓመቱ መደበኛ የውድድር ፕሮግራም በማውጣት ከታችኛው ሊግ ጀምሮ የሚካፈሉበት ዋነኛው ውድድር ‹‹የኢትዮጵያ ዋንጫ›› ይጠቀሳል፡፡ ውድድሩ እስከ 2011 ዓ.ም. የውድድር ዓመት ድረስ ሲካሄድ ቆይቶ እንዲቋረጥ ተደርጎ ቆይቷል፡፡ ከዓመታት መቋረጥ በኋላ ዘንድሮ የተጀመረው የኢትዮጵያ ዋንጫ ኢትዮጵያ ቡና አሸናፊ ሆኗል፡፡

የኢትዮጵያ ዋንጫ ባለፈው እሑድ ፍፃሜውን ሲያገኝ፣ ለፍፃሜ ጨዋታ የበቁት ደግሞ ኢትዮጵያ ቡናና ወላይታ ድቻ ነበሩ፡፡ በውጤቱም ኢትዮጵያ ቡና ወላይታ ድቻን 2 ለ 1 በሆነ ውጤት አሸንፎ የ2016 ዓ.ም. ኢትዮጵያ ዋንጫ አሸናፊ ሆኗል፡፡

የኢትዮጵያ ዋንጫ እንዲቋረጥ ከተደረገ በኋላ በአፍሪካ የክለቦች ኮንፌዴሬሽን ዋንጫ ላይ እንዲሳተፍ ዕድሉን ሲያገኝ የቆየው ቡድን፣ በኢትዮጵያ ፕሪሚየር ሊግ ውድድር ላይ ከአሸናፊው ቡድን ቀጥሎ ሁለተኛ በመሆን የሚያጠናቅቀው ክለብ መሆኑ የሚታወስ ነው፡፡ ዘንድሮም በነበረው ቢቀጥል ኖሮ የዕድሉ ተጠቃሚ ይሆን የነበረው የመቻል እግር ኳስ ክለብ ነበር፡፡

የኢትዮጵያ ዋንጫ አሸናፊ የሆነው ኢትዮጵያ ቡና፣ በሚቀጥለው የውድድር ዓመት በአፍሪካ ክለቦች ኮንፌዴሬሽን ዋንጫ ላይ ኢትዮጵያን በመወከል ይተሳፋል፡፡ ኢትዮጵያ ቡና በዘንድሮው የኢትዮጵያ ፕሪሚየር ሊግ በየጊዜው እየናረ በመጣው የተጫዋቾች የዝውውር ገበያ ላይ ባለመሳተፍ ለከፍተኛ ወጪ ሳይዳረጉ ዓመቱን ካጠናቀቁ ክለቦች መካከል አንዱ ነው፡፡

በሌላ በኩል ለዓመታት ውድድር ሳይካሄድበት ቆይቶ ዘንድሮ በአዲስ አበባ ስታዲየም እንዲካሄድ የተደረገው የኢትዮጵያ ዋንጫ ፍፃሜ ሽንፈት ያጋጠመው፣ የወላይታ ድቻ ደጋፊዎች በፈጠሩት ተቃውሞ የስታዲየሙን ወንበሮች ነቃቅለው ጥለዋል፡፡ ምንጮች በተለይ ለሪፖርተር እንደሚገልጹት ከሆነ፣ የጨዋታው ኮሚሽነርና የጨዋታው ዋናና ረዳት ዳኞች ሪፖርት አቅርበዋል፡፡ በድርጊቱ የወላይታ ድቻ እግር ኳስ ክለብ ጠንከር ያለ የዲሲፕሊን ዕርምጃ ይጠብቀዋል፡፡

የአዲስ አበባ ስታዲየም በእድሳት ምክንያት ላለፉት አራት ዓመታት ጨዋታ እንዳያስተናግድ ተደርጎ መቆየቱ ይታወሳል፡፡ ባለፈው እሑድ ፍፃሜውን ያገኘው የኢትዮጵያ ዋንጫ በርካታ ቁጥር ያለው ደጋፊ በታደመበት ነው የተከናወነው፡፡ በእድሳት ምክንያት አገልግሎት እንዳይሰጥ የተደረገው የአዲስ አበባ ስታዲየም የቀድሞ አገልግሎቱን ሊሰጥ ይገባል የሚል አስተያየት ሲደመጥ ቆይቷል፡፡

ይሁንና ከፍተኛ ወጪ ወጥቶባቸው በስታዲየሙ የተገጠሙ ወንበሮችና መሰል ንብረቶች ውኃ የማይቋጥሩ ምክንያቶችን መነሻ በማድረግ፣ ደጋፊዎች ራሳቸው የሚጠቀሙባቸውን ወንበሮች በመነቃቀል ወደ ሜዳ ሲወረውሩ የነበረበት አግባብ ነቀፌታን አስከትሏል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...