Tuesday, July 23, 2024
- ማስታወቂያ -
- ማስታወቂያ -

የኤሌክትሪክ ተሽከርካሪዎች የኃይል መሙያ ታሪፍ ከዝቅተኛ ኢንዱስትሪ ጋር ተመሳሳይ እንደሚሆን ተገለጸ

ተዛማጅ ፅሁፎች

የኤሌክትሪክ ተሽከርካሪዎች የኃይል መሙያ ጣቢያዎች የኤሌክትሪክ አቅርቦት አዲሱ ግሪድ የችርቻሮ ታሪፍ በነዳጅና ኢነርጂ ባለሥልጣን ቀርቦ እስኪፀድቅ ድረስ፣ ከዝቅተኛ የኤሌክትሪክ ኃይል ከሚጠቀሙ ኢንዱስትሪ ታሪፍ ጋር ተመሳሳይ ይሆናል ተባለ፡፡  

የነዳጅና ኢነርጂ ባለሥልጣን የኤሌክትሪክ ተሽከርካሪ የኃይል ሙሌት ሥርዓትን አስመልክቶ ባዘጋጀው መመርያ፣ ለንግድ ላልሆነና ለራስ አገልግሎት የኃይል መሙያ ጣቢያዎች፣ የኤሌክትሪክ ኃይል አቅርቦት ታሪፍ ወደፊት በባለሥልጣኑ የሚወሰን መሆኑን፣ ወቅታዊው የኃይል መሙያ ጣቢያዎች የኤሌክትሪክ አቅርቦት ታሪፍ ግን ከዝቅተኛ የኤሌክትሪክ ኃይል ከሚጠቀም ኢንዱስትሪ ጋር ተመሳሳይ እንደሚሆን አስታውቋል።  

በተጨማሪም አገልግሎት ሰጪዎች ለባለሥልጣኑ አዲስ የታሪፍ ጥናት ሊያቀርቡ እንደሚችሉ፣ የመኖሪያ ቤት የኤሌክትሪክ ፍጆታ ታሪፍ ለቤት ውስጥ የኃይል መሙያ አገልግሎትም ተግባራዊ እንደሚሆን በመመርያው ተመላክቷል። 

የቤት ውስጥ የኤሌክትሪክ ተሽከርካሪ የኃይል ሙሌት፣ የሕዝብ ኤሌክትሪክ ተሽከርካሪ ኃይል መሙያ ጣቢያ፣ እንዲሁም ለንግድ ላልሆነ ዓላማ ለራስ አገልግሎት ኃይል መሙያ ጣቢያዎች የኤሌክትሪክ ኃይል መሙያ አገልግሎቶች መሆናቸው በመመርያው ተደንግጓል።  

 የኤሌክትሪክ ተሽከርካሪ የኃይል መሙያ ሥርዓት መኖርና ተደራሽ መሆን በማስፈለጉ መመርያው መዘጋጀቱ የተገለጸ ሲሆን፣ በኤሌክትሪክ ተሽከርካሪ የኃይል ሙሌት አገልግሎት ንግድ ለመሰማራት ለሚፈልጉ ዝቅተኛው የፈቃድ መሥፈርት ለመወሰን ጭምር የወጣ ነው ተብሏል።  

የኤሌክትሪክ ተሽከርካሪዎቻቸውን በመኖሪያ ቤት ወይም በቢሮ የኤሌክትሪክ አቅርቦት ተጠቅመው ኃይል የሚሞሉ፣ በባለሥልጣኑና በሌሎች የወጡትን ብሔራዊ ደረጃዎች፣ ዓለም አቀፍ ደረጃዎች፣ የቴክኒክ፣ የፕሮቶኮልና የደኅንነት ደረጃዎችን ማክበር እንደሚኖርባቸው፣ እንዲሁም ማንኛውም ግለሰብ ወይም ድርጅት በባለሥልጣኑ የሚወጡ የቴክኒክ፣ የደኅንነትና የአሠራር ደረጃዎችን ፕሮቶኮሎችን  የሚያሟላ ከሆነ፣ የኃይል መሙያ ጣቢያዎችን ማቋቋም እንደሚችል መመርያው በመሥፈርትነት ደንግጓል።  

በተጨማሪም የኢትዮጵያ ኤሌክትሪክ አገልግሎት ወይም የኢትዮጵያ ኤሌክትሪክ ኃይል በባለሥልጣኑ በሚወጡ የአገልግሎት ጥራት ደረጃዎችና በብሔራዊ ግሪድ ኮድ ውስጥ የተመለከቱ ድንጋጌዎች መሠረት፣ ለኃይል መሙያ ጣቢያ ኤሌክትሪክ ማገናኘት ወይም መልቀቅ እንዳለባቸው በመመርያው ተገልጿል።  

የኃይል ሙሌት አገልግሎት ሰጪ ለአገልግሎቱ ተገቢውን ፈቃድ መያዝ እንደሚኖርበት፣ የፈቃዱ መደብም ከ100 ኪሎ ዋት ያነሰ ኃይል የመሙላት አቅም ያለውና ከ100 ኪሎ ዋት የሚበልጥ ኃይል የመሙላት አቅም ያለው መሆኑን፣ እንዲሁም ለእያንዳንዱ ሥራ የተለያየ ፈቃድ መሰጠት እንደሚኖርበት ተመላክቷል። መመርያው ሥራ ላይ ከመዋሉ በፊት የኃይል መሙያ አገልግሎት ንግድ ሥራ ላይ የተሰማሩ አገልግሎት ሰጪዎች በስድስት ወራት ውስጥ ከባለሥልጣኑ ፈቃድ መውሰድና የኤሌክትሪክ አቅርቦት ታሪፋቸው ለባለሥልጣኑ በሚያቀርቡት በቂ ምክንያት ሊሻሻል እንደሚችል በመመርያው ተደንግጓል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች