Tuesday, July 23, 2024
- Advertisement -
- Advertisement -
ዜናስደተኞችና ጥገኝነት ጠያቂዎች ሥራ  መሥራት የሚያስችላቸው መመርያ ተዘጋጀ

ስደተኞችና ጥገኝነት ጠያቂዎች ሥራ  መሥራት የሚያስችላቸው መመርያ ተዘጋጀ

ቀን:

ዕውቅና ያገኙ ስደተኞችና ጥገኝነት ጠያቂዎች፣ ‹‹በስተደተኞች ጉዳይ አዋጅ›› በተፈቀደላቸው የሥራ መስክ ተሰማርተው መሥራት እንዲችሉ የሚያስችል መመርያ ተዘጋጀ፡፡ 

በአዋጁ ከተከለከሉት የሥራ መስኮች ውጪ ተቀጥሮ መሥራት የሚፈልግ ማንኛውም ዕውቅና ያገኘ ስደተኛ ወይም ጥገኝነት ጠያቂ፣ ከሥራና ክህሎት ሚኒስቴር ወይም ሕጋዊ ውክልና ከተሰጠው አካል የሥራ ፈቃድ በማውጣት መሥራት እንደሚችል መመርያው ይደነግጋል፡፡ 

የስደተኞችን ጉዳይ በሚመለከት በ2011 ዓ.ም. የወጣው ‹‹የስደተኞች ጉዳይ አዋጅ›› ማንኛውም ዕውቅና ያገኘ ስደተኛና ጥገኝነት ጠያቂ እንደ እርሻ፣ ኢንዱስትሪ፣ አነስተኛና ጥቃቅን፣ ዕደ ጥበባትና ንግድ የመሳሰሉ ዘርፎች ውስጥ በግል ወይም በቡድን መሥራት እንደሚችል ይገልጻል፡፡ ነገር ግን በአገር መከላከያ፣ በደኅንነት፣ በውጭ ጉዳይና በመሰል የመንግሥት መሥሪያ ቤቶች ተቀጥሮ መሥራት እንደማይችል ያመላክታል፡፡

የስደተኞችና ተመላሾች አገልግሎት አዋጁን ለማስፈጸም ባወጣው መመርያ ዕውቅና ያገኘ ስደተኛና ጥገኝነት ጠያቂ፣ አዲስ የቅጥር ሥራ ፈቃድ ለማውጣት የግለ ታሪክ የተሞላበት የሥራ ፈቃድ መጠየቂያ ቅፅ፣ ማንነትን የሚገልጽ ጉርድ ፎቶግራፍ፣ እንዲሁም ከስደተኞችና ተመላሾች አገልግሎት የተሰጠ ማንነትን የሚገልጽ መረጃ ማሟላት እንደሚጠበቅበት ተገልጿል፡፡

ነገር ግን ከኢትዮጵያዊ ዜጋ ጋር ሕጋዊ ጋብቻ የፈጸመ ወይም አንድና ከአንድ በላይ ኢትዮጵያዊ ዜግነት ያላቸው ልጆች ያሉትና ይህንን የሚያረጋግጥ ማስረጃ ከአገልግሎቱ ማቅረብ የሚችል ከሆነ፣ የቅጥር ሥራ ፈቃድ ማውጣት እንደማያስፈልገው ተጠቁሟል፡፡

ከሥራና ክህሎት ሚኒስቴር ወይም ሕጋዊ ውክልና ካለው አካል የተሰጠው የቅጥር ሥራ ፈቃድ ጊዜ የሚቆጠረው ፈቃዱ ከተሰጠበት ቀን ጀምሮ ሲሆን፣ በየዓመቱ እንደሚታደስና ዕውቅና ያገኘ ስደተኛ ወይም ጥገኝነት ጠያቂ የሥራ ፈቃዱን ለማሳደስ የጊዜ ገደቡ ከማለቁ ከአንድ ወር በፊት ጥያቄ ማቅረብ እንደሚኖርበት ተመላክቷል፡፡

የሥራ ፈቃዱ ከተጠየቀበትና ከተፈቀደለት ሥራ ውጪ በሌላ ሥራ ተሰማርቶ ከተገኘ፣ ፈቃዱ ለሦስት ወራት ሳይታደስ ሲቀር፣ ዕውቅና ያገኘ ስደተኛ ወይም ጥገኝነት ጠያቂ፣ ለአገሪቱ ደኅንነት አሥጊ መሆኑ አግባብነት ባላቸው የመንግሥት አካላት ሲረጋገጥ፣ ፈቃዱ የተገኘው በተሳሳተ መረጃ መሆኑ ሲረጋገጥና በአዋጁ መሠረት ዕውቅናው ወይም የጥገኝነት ጠያቂነት መብቱ ሲሰረዝ የሥራ ፈቃዱ እንደሚሰረዝ ተደንግጓል፡፡

በንግድ ሥራ የመሰማራት መብትን በሚመለከት በጠረፍ ንግድና ለኢትዮጵያውያን ብቻ ከተፈቀዱ የንግድ መስኮች ውጪ በግል ወይም በንግድ ማኅበር አባል በመሆን መሰማራት እንደሚቻል በመመርያው ተገልጿል፡፡  

በተጨማሪም በጋራ ፕሮጀክቶች ለመሰማራት የሥራ ፈቃድ ማውጣት ሳያስፈልግ ከአገልግሎቱ የመኖሪያ ፈቃድ በማግኘት ብቻ የጋራ ፕሮጀክት ላይ መሰማራት እንደሚችል የተገለጸ ሲሆን፣ የመኖሪያ ፈቃዱን ለማውጣትም የፕሮጀክቱን መሥፈርት ሲያሟላና አገልግሎቱ በሚያወጣው አሠራር መሠረት ሲመረጥ፣ የወንጀል ክስ ሒደት ላይ ካልሆነና ዕውቅናው ከተሰጠው በኋላ ለሦስት ዓመታት በአገሪቱ በስደተኝነት መቆየቱ ሲረጋገጥ መሆኑ ተመላክቷል፡፡ ሆኖም የመኖሪያ ፈቃዱን ሲያገኝ ለተሰጠበት የጋራ ፕሮጀክት ብቻ መጠቀም እንደሚገባው ተደንግጓል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...