Wednesday, July 24, 2024

[ክቡር ሚኒስትሩ ከሚያከብሯቸው አንድ የቀድሞ ጉምቱ ፖለቲከኛ ስልክ ተደውሎላቸው እያወሩ ነው]

  • አንዳንድ ነገሮች ቢያሳስቡኝ ነው ቀጠሮ ሳልይዝ ላነጋግርህ የፈለኩት ክቡር ሚኒስትር፡፡
  • እርስዎማ ቀጠሮ መያዝ አያስፈልግዎትም፣ ምን ገጠመዎት?
  • እኔማ ምን ይገጥመኛል አንተኑ ልጠይቅህ እንጂ?
  • ምን?
  • እውነት ለመናገር የማየው ነገር አሳስቦኛል፡፡
  • ይንገሩኝ ምንድነው ያሳሰበዎት?
  • ሌት ተቀን የሚሠራው ነጋዴ እየከሰረ ነው።
  • መቼም የውጭ ኃይሎች የፈጠሩብንን ችግር ያውቁታል።
  • ከእሱ ጋር አይገናኝም ክቡር ሚኒስትር፡፡
  • እንዴት?
  • ሌት ተቀን የሚሠራ ታታሪ ነጋዴ ችግር እሱ አይደለም።
  • ምንድነው?
  • ታታሪ ነጋዴ እየመነመነ ሳለ በተቃራኒው ግን ሌላ…
  • በተቃራኒው ምን?
  • መሽቶ ሲነጋ ሀብት አፍርተው የሚታዩ ሰዎች እንደ አሸን እየፈሉ ነው።
  • ምን ማለትዎ ነው?
  • ጠንክሮ መሥራት ሀብት የሚፈጠርበት መንገድ መሆኑ ቀርቶ ሌላ ዓውድ ተፈጥሯል እያልኩ ነው፡፡
  • የምን ዓውድ?
  • ሲነጋ ሀብታም መሆን የሚቻልበት ዓውድ።
  • አልገባኘም?
  • ምነው ክቡር ሚኒስትር?
  • ምነው?
  • ሁሉንም ነገር አስረዳ እያሉኝ እኮ ነው፡፡
  • እውነት አልገባኝም፣ እንዴት ያለ ዓውድ ነው በብርሃን ፍጥነት ሀብት የሚያስገኘው?
  • አልገባኝም ካሉማ እነግርዎታለሁ።
  • ይንገሩኝ፡፡
  • ሲነጋ ሀብት የሚፈጠርበት ሥልት አንድና አንድ ነው።
  • ምንድነው?
  • ከከፍተኛ ባለሥልጣን ጋር ግንኙነት የመፍጠር ሥልት ነው፣ ወንድም ወይም ዘመድ አዝማድ የመሆን ሥልት፡፡
  • እሱን ነው እንዴ? ይህንንማ እኛም ገምግመናል።
  • ምን ብላችሁ ገመገማችሁት?
  • በዝተዋል ብለን ገምግመናል።
  • እነ ማን ናቸው የበዙት?
  • አካም አካም የሚሉ!

[ክቡር ሚኒስትሩ ለሁለት ቀናት የተካሄደውን የፓርቲያቸውን የሥራ አስፈጻሚ ስብሰባ አጠናቀው ወደ ቢሯቸው ሲመለሱ ቢሯቸው ውስጥ አማካሪያቸው አንድ ነገር በመተመስጦ እያነበበ አገኙት]

  • ምንድነው እንደዚህ መስጦ የያዘህ ጉዳይ?
  • መጡ እንዴ ክቡር ሚኒስትር? የፓርቲው ሥራ አስፈጻሚ ኮሚቴ ያወጣውን መግለጫ እያነበብኩ ነው።
  • ግን እኮ ፊትህ ላይ የመገረም ስሜት ይነበባል።
  • አዎ፣ መግለጫው ላይ የተመለከትኳቸው አንዳንድ ነጥቦች ትንሽ አስገርመውኝ ነው።
  • እንዴት? የትኛው ነጥብ ነው ያስገረመህ?
  • ለምሳሌ እዚህ ጋ፣ የፓርቲው አባላት የጋራ አመለካከት እንዲይዙ በማድረግ ውጤት መመዝገቡን አረጋግጧል ይላል።
  • አዎ፣ ምኑ ነው የገረመህ?
  • አሁን ግጭት በሚካሄድበት ክልል የፓርቲ አመራሩ የጎራ መደበላለቅ ለግጭቱ ምክንያት ነው ሲባል ነበር ብዬ ነው፡፡
  • እሱ እንዳለ ሆኖ ማለቴ ነው።
  • እንደዚያ ከሆነ ጥሩ፣ ግን ደግሞ ዝቅ ብሎ በፓርቲው የአመራር ዲሲፕሊን መሻሻሉና የመፈጸምና ማስፈጸም አቅም መጎልበቱ ተረጋግጧል ይላል።
  • አዎ፣ ልክ ነው።
  • በቅርቡ ግን አንድ ከንቲባና ሌሎች ከፍተኛ የፓርቲ አመራሮች በማዳበሪያ ዝርፊያ ተጠርጥረው ዕርምጃ እንደተወሰደባቸው ተነግሮ ነበር።
  • እሱ እንዳለ ሆኖ፡፡
  • እንዳለ ሆኖ ሲሉ ምን ለማለት ነው?
  • ችግሩ አለ ለማለት ነው ወይም…
  • እ?
  • ወይም ደግሞ ተገምግሟል ማለቴ ነው።
  • ግን አይጋጭም?
  • አይጋጭም፣ ምክንያቱም እንዲህ ዓይነት ህፀፆች እንዳይደገሙ አቅጣጫ ተቀምጧል፡፡
  • የምን አቅጣጫ?
  • እንዲህ ዓይነት ችግሮችን ለመፍታት በቀጣይ የአመራር አቅም ግንባታ ሥራዎችን አጠናክሮ ለማስቀጠል፡፡
  • ወደ መጨረሻ አካባቢ ደግሞ በግብርና መስክ ምርትና ምርታማነትን ለማደሳደግ በተሠራው ሥራ ከፍተኛ ውጤት ተመዝግቧል ይላል፡፡
  • አዎ፣ ልክ ነው፡፡
  • ግን በበርካታ አካባቢዎች በተፈጠረ ግጭት አርሶ አደሩ የግብርና ሥራውን ለማከናወን እንዳልቻለ ይታወቃል፡፡
  • እሱ እንዳለ ሆኖ ማለት ነው፡፡
  • የአፈር ማዳበሪያም በወቅቱ ለአርሶ አደሩ ማድረስ እንዳልተቻለና ይህም ከቅሬታ አልፎ አርሶ አደሩን አስቆጥቷል፣ በአንዳንድ አካባቢዎችም የተቃውሞ ሠልፍ ወጥተዋል፡፡
  • እሱ እንዳለ ሆኖ፡፡
  • እንደዚያ ነው?
  • አዎ፣ ችግሩ ተገምግሟል ቢሆንም የተገኘውን ስኬት የሚያደበዘዝ ሆኖ አላገኘነውም፡፡
  • እዚህ ጋ ደግሞ እንዲህ ይላል፡፡
  • ምን ይላል?
  • በኢትዮጵያ ታምርት መርሐ ግብር የማምረቻ ኢንዱስትሪዎች የነበሩባቸው ችግሮች ተፈትተው የማምረት አቅማቸው እንዲያድግ ተደርጓል ይላል፡፡
  • ልክ ነው።
  • በዚህም ምክንያት በርካታ ባለሀብቶች ወደ ማኑፋክቸሪንግ ዘርፍ እንዲሰማሩ ማድረግ እንደተቻለና ምርትና ምርታማነት እንዳደገ ይገልጻል።
  • ልክ ነው፡፡
  • ግን እኮ አብዛኞቹ ኢንደስትሪዎች የውጭ ምንዛሪ ማግኘት እንዳልቻሉ እየገለጹ ነው፡፡
  • እሱ እንዳለ ሆኖ ማለት ነው፡፡
  • በተደረገው ጥረት ከውጭ የሚገቡ ምርቶችን በአገር ውስጥ በመተካት ረገድ ትልቅ ስኬት ተመዝግቧል ይላል።
  • አዎ፣ በዚህ ረገድ ትልቅ ስኬት ነው የተመዘገበው፡፡
  • እንዴት?
  • ምን እንዴት አለው?
  • አሁንም የምግብ ዘይት ከጂቡቲ እያስገባን አይደለም እንዴ? ስኳርስ ቢሆን ከውጭ አይደለም የሚገባው?
  • እሱ እንዳለ ሆኖ ማለት ነው፡፡
  • ታዲያ በአገር ውስጥ ተተኩ የተባሉት ምን ዓይነት ምርቶች ናቸው?
  • ለምሳሌ አንድ ሁለት መጥቀስ እችላለሁ፡፡
  • ችግር የለም አንድም ቢሆን ይበቃል፡፡
  • ለምሳሌ ዩኒፎርም መጥቀስ ይቻላል፡፡
  • የምን ዩኒፎርም?
  • የፀጥታ አስከባሪዎች!

በብዛት የተነበቡ ፅሁፎች

- Advertisment -

ትኩስ ፅሁፎች

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...
spot_img

ተዛማጅ ፅሁፎች

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ። ይህንን ደብዳቤ እየውና በጠየቁት መሠረት እንዲፈጸምላቸው አድርግ። ጉዳዩ ምንድነው? ከአንድ ክልል የቀረበ የትብብርና ድጋፍ ጥያቄ ነው። የምን ትብብር...

[ክቡር ሚኒስትሩ የቅርብ ወዳጃቸው ከሆነች አንድ ባለሀብት የተደወለላቸውን ስልክ አንስተው በኮሪደር ልማቱ ላይ የምታቀርበውን ቅሬታ እየሰሙ ነው]

ክቡር ሚኒስትር እኔ የኮሪደር ልማቱ ላይ ተቃውሞም ሆነ ጥላቻ እንደሌለኝ የሚያውቁ ይመስለኛል? በዚህ እንኳን አትታሚም።  የእውነቴን ነው ክቡር ሚኒስትር። አውቃለሁ ስልሽ? ለኮሪደር ልማቱ አዋጡ ሲባልም ያለማመንታት አምስት ሚሊዮን...

[ክቡር ሚኒስትሩ በችግኝ ተከላ ፕሮግራም ላይ ሳይገኝ ከቀረው አንድ የተቋማቸው ባልደረባ የሆነ የተቃዋሚ ፓርቲ አባልን አስጠርተው እያናገሩ ነው]

ለምንድነው በዚህ አገራዊ ፋይዳ ባለው ፕሮግራም ላይ ያልተገኘኸው? ክቡር ሚኒስትር ህሊናዬ አልፈቀደልኝም። መቃወምና መተቸት ብቻ ውጤት የሚያመጣ መስልዎህ ከሆነ ተሳስተሃል። አልተሳሳትኩም ክቡር ሚኒስትር? ቆይ የመጀመሪያ ዓመት የችግኝ ተከላ...