Tuesday, July 23, 2024
- Advertisement -
- Advertisement -
ዓለምኃያላኑን ዳግም ወደ ኑክሌር ጦር መሣሪያ እሽቅድድም ያስገባው የሩሲያና የዩክሬን ጦርነት

ኃያላኑን ዳግም ወደ ኑክሌር ጦር መሣሪያ እሽቅድድም ያስገባው የሩሲያና የዩክሬን ጦርነት

ቀን:

ከሁለት ዓመታት በላይ ያስቆጠረው የሩሲያና የዩክሬን ጦርነት በዓለም ኢኮኖሚ፣ በተለይም በምግብ አቅርቦት ላይ ካሳደረው አሉታዊ ተፅዕኖ ጎን ለጎን፣ ኃያላን አገሮች የጦር መሣሪያ እሽቅድድም ውስጥ እንዲገቡም ምክንያት ሆኗል፡፡

በቀዝቃዛው ጦርነት ወቅት ጎልቶ ይታይ የነበረው የጦር መሣሪያ እሽቅድድም፣ በስምምነቶች ተገድቦና ረገብ ብሎ ዓመታትን ቢያስቆጥርም፣ ዛሬ ይህ ተቀይሯል፡፡

ኃያላኑን ዳግም ወደ ኑክሌር ጦር መሣሪያ እሽቅድድም ያስገባው የሩሲያና የዩክሬን ጦርነት | Ethiopian Reporter | ሪፖርተር
አሜሪካንና ሩሲያን የጦር መሣሪያ እሽቅድድም ውስጥ ያስገባው የዩክሬን ጦርነት

በተለይ የዩክሬንና የሩሲያ ጦርነት በምዕራቡ ዓለም፣ በሩሲያና አጋሮቿ መካከል የፈጠረው የአቋም ልዩነት፣ የጦር መሣሪያ ምርት፣ ክምችትና አጠቃቀም ስምምነቶች እንዲጣሱ ምክንያት ሆኗል፡፡

ሰሞኑን የሩሲያ ፕሬዚዳንት ቭላድሚር ፑቲን፣ ኑክሌር ተሸካሚ የመካከለኛ ርቀት ተወንጫፊ ሚሳይሎችን ጥቅም ላይ ሊያውሉ እንደሚችሉ ይፋ ማድረጋቸው ለዚሁ ማሳያ ሆኗል፡፡ ከዚህ ቀደም አሜሪካ ከሩሲያ ጋር የገባችውን የኑክሌር ጦር መሣሪያ ምርትና አጠቃቀም ስምምነት ማፍረሷ ይታወሳል፡፡  

ሮይተርስ ፕሬዚዳንቱን ጠቅሶ እንደዘገበው፣ ሩሲያ የመካከለኛና የአጭር ርቀት የኑክሌር ተሸካሚ ሚሳይሎች ምርቷን ዳግም ለመጀመር አቅዳለች፡፡

አሜሪካ ተመሳሳይ ሚሳይሎችን በአውሮፓና በእስያ ማስገባቷን ተከትሎ፣ ሩሲያ ሚሳኤሎቹን እንደምታመርትና እንደ አስፈላጊነቱ ራሷን ለመጠበቅ እንደምትጠቀመው አስታውቃለች፡፡

በቀዝቃዛው ጦርነት ወቅት እንዲህ ያሉ የጦር መሣሪያዎችን ላለማምረት የተፈረሙ ስምምነቶች እየተጣሱ መሆናቸውን ያነሳው ዘገባው፣ ወሳኝ የሆኑ የጦር መሣሪያ ቁጥጥር ስምምነቶች እየተጣሱ መምጣት፣ በዓለም በኑክሌር መሣሪያ አቅማቸው የሚገዳደሩት አሜሪካና ሩሲያ እንዲሁም ቻይና ዳግም ወደ ጦር መሣሪያ እሽቅድድም እንዲገቡ እንደሚያደርግ ጠቁሟል፡፡

እ.ኤ.አ. በሩሲያው ሚካኤል ጉርቫቾቭና በአሜሪካው ሮናልድ ሬገን የተፈመረው ‹‹ዘ ኢንተርሚዲየት ሬንጅ ኑክሌር ፎርስ›› (አይኤንኤፍ) ስምምነት፣ አገሮቹ ለመጀመሪያ ጊዜ የኑክሌር ጦር መሣሪያ ማምረቻ ጣቢያዎቻቸውን ለመቀነስና ሁሉንም ዓይነት የኑክሌር ጦር መሣሪያዎቻቸውን ለማጥፋት የተስማሙበት ነበር፡፡

አሜሪካ በቀድሞ ፕሬዚዳንቷ ዶናልድ ትራምፕ አማካይነት እ.ኤ.አ. በ2019 ከአይኤንኤፍ ስምምነት ራሷን ያገለለች ሲሆን፣ ምክንያቷም ‹‹ሩሲያ ስምምነቱን ጥሳለች›› የሚል ነበር፡፡

አሜሪካ ከስምምነቱ ለመውጣቷ ሩሲያን እንደ ምክንያት ማቅረቧንና ሩሲያ ስምምነት ጥሳለች መባሉን ውድቅ ያደረገችው ሩሲያ፣ በጊዜያዊነት በአይኤንኤፍ የተደረሱ ስምምነቶችን ለሯሷ ጠብቃ ብታቆይም፣ ዓርብ ሰኔ 21 ቀን 2016 ዓ.ም. ከደኅንነት ጉባዔያቸው ጋር የመከሩት ፕሬዚዳንት ፑቲን፣ ሩሲያ የኑክሌር ተሸካሚ ሚሳይሎችን ላለመጠቀም ስምምነቱን ላለማፍረስ ቃል ብትገባም፣ አሜሪካ ምርቷን በመቀጠሏና በዴንማርክ ልምምድ አድርጋ በኋላም መሣሪያዎቹን ወደ ፊሊፒንስ መውሰዷን እንደ ምክንያት አንስተዋል፡፡

‹‹ለዚህ ምን ማድረግ እንዳለብን መወሰን አለብን፤›› ያሉት ፑቲን፣ ለአሁኑ ምርት መጀመር እንደሚያስፈልግና በቀጣይ የሚያጋጥሙ ሁኔታዎች እየታዩ የሩሲያን ደኅንነት ለማስጠበቅ መሣሪያዎቹ እንዴት ጥቅም ላይ እንደሚውሉ እንደሚወሰን ገልጸዋል፡፡

ትራምፕ ከዚህ ቀደም አሜሪካን ከአይኤንኤፍ ስምምነት ሲያገሉ፣ ሩሲያ ‹‹የአሜሪካ ከስምምነቱ መውጣት የጦር መሣሪያ እሽቅድድም ያስነሳል›› ስትል አሳውቃ ነበር፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...