Wednesday, July 24, 2024
- Advertisement -
- Advertisement -
ስፖርትየአፍሪካ አትሌቲክስ ሻምፒዮና ውጤታማ አትሌቶች ከ1.3 ሚሊዮን ብር በላይ ተሸለሙ

የአፍሪካ አትሌቲክስ ሻምፒዮና ውጤታማ አትሌቶች ከ1.3 ሚሊዮን ብር በላይ ተሸለሙ

ቀን:

በካሜሮን ዱዋላ በተከናወነው 23ኛው የአፍሪካ አትሌቲክስ ሻምፒዮና ላይ የተሳተፈው የኢትዮጵያ አትሌቲክስ ልዑክ፣ አምስት የወርቅ፣ አራት የብርና አንድ ነሐስ በድምሩ 10 ሜዳሊያዎችን አሳክቶ ተመልሷል፡፡ ቡድኑ ዓርብ ሰኔ 21 ቀን 2016 ዓ.ም. በግዮን ሆቴል በተደረገለት አቀባበል ለውጤታማ አትሌቶች ከ1.3 ሚሊዮን ብር በላይ ሸልሟል፡፡  

የአፍሪካ አትሌቲክስ ሻምፒዮና ውጤታማ አትሌቶች ከ1.3 ሚሊዮን ብር በላይ ተሸለሙ | Ethiopian Reporter | ሪፖርተር
በአፍሪካ ሻምፒዮና በ10 ሺሕ እና በ5 ሺሕ የወርቅና የብር ሜዳሊያ ያሸነፈው ንብረት መላኩ

በደቡብ አፍሪካ የበላይነት ፍጻሜውን ያገኘው ሻምፒዮናው፣ ኢትዮጵያ በውጤት ደረጃ ከተለመዱት ርቀቶች በተጨማሪ በ20 ኪሎ ሜትር ዕርምጃ በሁለቱም ጾታ የወርቅ ሜዳሊያ ማስመዝገብ የቻለችበት ሆኗል፡፡

ኢትዮጵያ ከዕርምጃ ውድድሩ በተጨማሪ በተለይም ከዚህ ቀደም ባልተለመዱ የውድድር ዓይነቶች ማለትም፣ በከፍታ ዝላይ፣ በሥሉስ ዝላይ፣ በምርኩዝ ዝላይ፣ በርዝመት ዝላይና በዲከስስ ውርወራ አሳትፋለች፡፡

ከተጠቀሱት የሜዳ ተግባራት በተጨማሪ በአጭር ርቀት በ100 ሜትር፣ 200 ሜትር፣ 400 ሜትር እና 4 X 400 ሜትር የውድድር ርቀቶችም ተሳትፋለች፡፡ ምንም እንኳ በእነዚህ የውድድር ዓይነቶች ሜዳሊያ ማስመዝገብ ባይቻልም፣ ተሳትፎውን ይበልጥ በማሳደግ በቀጣይ ሜዳሊያ ለማስመዝገብ በትኩረት መሥራት እንደሚጠበቅ አመላካች ሆኗል፡፡

በሻምፒዮናው በ34 ሴቶችና 43 ወንዶች የተወከለችው ኢትዮጵያ፣ በ10 ሜዳሊያ 4ኛ ደረጃ ይዛ አጠናቃለች፡፡ ከ50 አገሮች የተውጣጡ በአጠቃላይ 2,500 አትሌቶች በሻምፒዮናው የተሳተፉ ሲሆን፣ ውድድሩን በበላይነት ያጠናቀቀችው ደቡብ አፍሪካ ሰባት የወርቅ፣ አምስት የብርና ስምንት የነሐስ በድምሩ 20 ሜዳሊያዎችን አግኝታለች፡፡

ከምሥራቅ አፍሪካ አገሮች በተለይም በአትሌቲክሱ የኢትዮጵያውያን አትሌቶች የምንጊዜም ተቀናቃኝ መሆኗ የሚነገርላት ኬንያ፣ አምስት የወርቅ፣ ሰባት የብርና ሰባት የነሐስ በድምሩ 19 ሜዳሊያ አግኝታ በደረጃ ሰንጠረዡ ሁለተኛ ስትሆን፣ ምዕራብ አፍሪካዊቷ ናይጄሪያ ደግሞ አምስት የወርቅ፣ ስድስት የብርና አራት የነሐስ በድምሩ 15 ሜዳሊያ በማግኘት ሦስተኛ በመሆን አጠናቃለች፡፡  

በሻምፒዮናው ለኢትዮጵያ የወርቅ ሜዳሊያ ያስመዘገቡ አትሌቶች በ5,000 ሜትር ሴቶች ፋንታዬ በላይነህ ወርቅ፣ በ10,000 ሜትር ወንዶች ንብረት መላክ፣ በ1,500 ሜትር ሴቶች ሳሮን በርሔ እንዲሁም ቀደም ሲል በተጠቀሱት 20 ኪሎ ሜትር ዕርምጃ፣ በሴቶች ምስጋናው ዋቁማና በወንዶች ስንታየሁ ማስሬ ናቸው፡፡

የብር ሜዳሊያ ያገኙት አትሌቶች ደግሞ ውብርስት አስቻል በ5,000 ሜትር ሴቶች፣ ገመቹ ዲዳ በ10,000 ሜትር ወንዶች፣ ዓለምናት ዋለ በ3,000 ሜትር መሠናክል ሴቶችና ንብረት መላክ በ5,000 ሜትር ወንዶች መሆናቸው ታውቋል፡፡ እንዲሁም ብቸኛውን የነሐስ ሜዳሊያ ያስመዘገበችው ደግሞ ገላ ሀምበሴ በ10,000 ሜትር ሴቶች ሆኗል፡፡

ብሔራዊ ፌዴሬሽኑ በግዮን ሆቴል ባዘጋጀው አቀባበል የወርቅ ሜዳሊያ ላስመዘገቡ ለእያንዳንዳቸው 40,000 ብር፣ ለብር 25,000፣ ለነሐስ 15,000 እና ለዲፕሎማ 10,000 በአጠቃላይ 1,305,000 ብር ሸልሟል፡፡

  የኢትዮጵያ አትሌቲክስ ቡድን የካሜሮን ተሳትፎውን በሚመለከት ያነጋገርናቸው በፌዴሬሽኑ የተሳትፎና የውድድር ዳይሬክተር አቶ አስፋው ዳኜ፣ በሻምፒዮናው ከተለመዱት ርቀቶች ጎን ለጎን ለውጤት ቅርብ የሆኑ አትሌቶች የታዩበት  መድረክ መሆኑን ተናግረዋል፡፡

ከክልል እስከ ማዕከል ክለቦችና ፌዴሬሽኑ ጭምር ሊናበብ የሚችል ሥርዓት በመዘርጋት ከሩጫው ጎን ለጎን የሜዳ ተግባራት ላይ መሥራት እንደሚያስፈልግ ከካሜሮን ልምድ መቀሰሙን ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...