Tuesday, July 23, 2024
- Advertisement -
- Advertisement -
ዜናየትግራይ ክልል ጠቅላይ ፍርድ ቤት ፕሬዚዳንትና ምክትላቸው ከኃላፊነታቸው ለመልቀቅ ያቀረቡትን ጥያቄ አነሱ

የትግራይ ክልል ጠቅላይ ፍርድ ቤት ፕሬዚዳንትና ምክትላቸው ከኃላፊነታቸው ለመልቀቅ ያቀረቡትን ጥያቄ አነሱ

ቀን:

የትግራይ ክልል ጠቅላይ ፍርድ ቤት ፕሬዚዳንትና ምክትላቸው ከኃላፊነታቸው ለመልቀቅ ለጊዜያዊ አስተዳደሩ ፕሬዚዳንት ያቀረቡትን መልቀቂያ በመተው፣ በኃላፊነታቸው እንደሚቀጥሉ አስታወቁ፡፡

የክልሉ ጠቅላይ ፍርድ ቤት ፕሬዚዳንት ፀጋይ ብርሃነ ገብረተኸለ (ዶ/ር)፣ እንዲሁም ምክትል ፕሬዚዳንቱ አቶ ገብረ አምላክ የዕብዮ በላይ ሰኔ 17 ቀን 2016 ዓ.ም. በተጻፈና ለክልሉ ጊዜያዊ አስተዳደር በተላከ ደብዳቤ በገዛ ፈቃዳቸው የሥራ መልቀቂያ ማስገባታቸው ይታወሳል፡፡

ሁለቱ አመራሮች የሥራ መልቀቂያቸውን ሲያስገቡ በክልሉ ያለውን የፍትሕ ሥርዓት ለማሻሻል ዕድል ማግኘት አልቻልንም የሚል ምክንያት አቅርበው እንደነበር የሚታወስ ሲሆን፣ ‹‹በአስተዳደር፣ በፍትሕ ሥርዓቱና በፍትሕ አካላት የሚያጋጥሙንን ፈተናዎችና እንቅፋቶች ለመቀነስ ኃላፊነታችንን ለመወጣት ስላልቻልን፣ በሌሎች መንገዶች መርዳት እንደምንችል እርግጠኞች ስለሆንን በቅንነት ሥልጣን ለመልቀቅ መወሰናችንን በትህትና እናሳውቃለን፤›› በማለት መልቀቂየ ጥያቄ ማቅረባቸው አይዘነጋም፡፡

በኃላፊነት ላይ በነበሩባቸው ጊዜያትም ከባድ አደጋ ላይ የወደቀውን የክልሉን የፍትሕ ሥርዓት ለማሻሻልና የተለያዩ ተቋማዊ የማሻሻያ ዕርምጃዎችን ሲወስዱ መቆየታቸውን በደብዳቤው ገልጸው ነበር።

የክልሉ ጠቅላይ ፍርድ ቤት አመራሮች ደብዳቤውን ማስገባታቸውን ካሳወቁ ከአንድ ቀን በኋላ፣ ሰኔ 19 ቀን 2016 ዓ.ም. ከክልሉ ጊዜያዊ አስተዳደር ፕሬዚዳንት አቶ ጌታቸው ረዳ ጋር መወያየቸውን፣ በውይይታቸውም አመራሮቹ ያቀረቧቸው ጥያቄዎች ምላሽ እንደሚሰጥባቸው ቃል ስለተገባላቸው፣ ከኃላፊነት ለመልቀቅ አስገብተውት የነበረውን መልቀቂያ እንዳነሱ አስታውቀዋል፡፡

አክለውም በክልሉ የሚገኙ ሁሉም የፍርድ ቤት አካላት ተረጋግተው ሥራቸውን እንዲሠሩ መልዕክታቸውን አስተላልፈዋል፡፡ 

አመራሮቹ መልቀቂያ ማስገባታቸው ከተገለጸ ጀምሮ በርካቶች በክልሉ ስላለው የፍትሕ ሥርዓት የተለያዩ አስተያየቶች ሲሰነዝሩ ነበር፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...