Monday, July 22, 2024
- Advertisement -
- Advertisement -
ዜናተመድ ኢትዮጵያና ሶማሊያ የሶማሌላንድ ወደብ ስምምነት ጉዳይን በሰላም እንዲፈቱ አሳሰበ

ተመድ ኢትዮጵያና ሶማሊያ የሶማሌላንድ ወደብ ስምምነት ጉዳይን በሰላም እንዲፈቱ አሳሰበ

ቀን:

  • ሶማሊያ የኢትዮጵያ ወታደሮች ድንበሬን ጥሰው ገብተዋል ስትል ከሳለች

የተባበሩት መንግሥታት የፀጥታው ምክር ቤት፣ ሞቃድሾና አዲስ አበባ በሶማሌላንዱ ጉዳይ የተፈጠረውን ችግር በሰላም እንዲፈቱ አሳሰበ፡፡ ምክር ቤቱ በኢትዮጰያና ሶማሌላንድ መካከል የተፈረመው ስምምነት፣ በአፍሪካ ቀንድ የፀጥታ ሥጋቶች ላይ ተጨማሪ ሥጋት መፍጠሩን በመጥቀስ ስብሰባውን ካካሄደ በኋላ ‹‹ኢትዮጵያ የሶማሊያን ብሔራዊ አንድነትና ድንበሯን ማክበር አለባት›› የሚል መግለጫ ሰኞ ሰኔ 17 ቀን 2016 ዓ.ም. አውጥቷል፡፡

የፀጥታው ምክር ቤት በሶማሊያ የፀጥታ ጉዳይ ላይ በተወያየበት ጊዜ የሶማሊያ ተወካዮች፣ የኢትዮጵያ ወታደሮች የሶማሊያን ድንበር ጥሰው መግባታቸውን በመግለጽ ድርጊቱን ‹‹ሕገወጥ›› ሲሉ ኮንነዋል፡፡

በፀጥታው ምክር ቤት የሶማሊያ ተወካይ እንዳሉት፣ ‹‹የኢትዮጵያ ወታደሮች ባለፈው ሳምንት ለማንም ሳያሳውቁ፣ ከኢትዮጵያ ተሻግረው በሶማሊያ ድንበር ውስጥ በአልሸባብ ላይ ዕርምጃ መውሰዳቸው ትክክል አይደለም›› በማለት ኮንነዋል፡፡ ተወካዩ ‹‹ይህ ሶማሊያን አያረጋጋም›› ከማለታቸውም በተጨማሪ፣ ኢትዮጵያ የተመድን ቻርተር ማክበር እንዳለባትና ከሶማሌላንድ ጋር የገባችው ስምምነትም አጉል ጀብደኝነት (Memorandum of Misadventure) በመሆኑ፣ በአፋጣኝ ሊፈርስ ይገባል ሲሉ ጠይቀዋል፡፡

በሰኔ ወር ከሶማሊያ ሥራውን ጨርሶ ይወጣ የነበረ 4000 የአፍሪካ ኅብረት ሰላም አስከባሪ ኃይል በዚሁ በኢትዮጵያ ድርጊት ምክንያት እንዲዘገይ መደረጉንም ተወካዩ ገልጸዋል፡፡

በሐሰን ሼክ መሐመድ የሚመራው የሶማሊያ መንግሥት፣ ኢትዮጵያ ከሶማሌላንድ ጋር ስምምነት መፈራረሟን ተከትሎ ለረዥም ዓመታት አልሸባብን ሲዋጋ የቆየው የኢትዮጵያ ጦር፣ ከሶማሊያ እንዲወጣ ሲጠይቅ የቆየ ቢሆንም፣ ባለፉት ሳምንታት ግን የአልሸባብ ጥቃቶች ማየላቸውን ተከትሎ የሰላም አስከባሪው ኃይል እንዳይወጣ ደግማ ጠይቋል፡፡

ለአሠርታት በሶማሊያ የቆየውና ከኢትዮጵያ፣ ብሩንዲ፣ ዑጋንዳ፣ ኬንያና ጂቡቲ የተውጣጣው ሰላም አስከባሪ ኃይል፣ በፈረንጆቹ 2024 መጨረሻ ተጠናቆ ከሶማሊያ እንዲወጣ ቀድሞ የተወሰነ ቢሆንም፣ የሶማሊያ ጦር ብቻውን አልሸባብን መቋቋም አይችልም የሚለው ግምገማ እያየለ መጥቷል፡፡ ከቅርብ ወራት ወዲህ የተደረጉ ከፍ ያሉ የአልሸባብ ጥቃቶች፣ የሐሰን ሼክን መንግሥት ሥጋት ላይ ከመጣል ባለፈ፣ የቀንዱን አገሮች የሥጋት መጠንም ከፍ አድርጓል፡፡ በተለይ የአልሸባብ ከየመን የሁቲ ነውጠኛ ኃይሎች ጋር ትብብር መፍጠር የአሸባሪ ኃይሉን ማገገምና ኃይለኝነት አመላክቷል፡፡

በዚህም ምክንያት ኢትዮጵያ በአልሸባብ እንደገና ማንሰራራት ሥጋት እንደገባትና ከአፍሪካ ኅብረት የሰላም አስከባሪ ጋርም ሆነ በተናጠል በአሸባሪ ኃይሉ ላይ ዕርምጃ እየወሰደች መሆኑን ሪፖርቶች ያመለክተሉ፡፡ አስከባሪው ኃይል በፈረንጆቹ 2024 መጨረሻ ተጠናቆ ከወጣ በኋላ ሌላ ዓይነት የሰላም አስከባሪ ኃይል በሶማሊያ ለማሰማራት እያቀዱ ቢሆንም፣ የበጀት እጥረት ግን ጉዳዩን እስካሁን በእንጥልጥል እንዲቆይ አድርጎታል፡፡

ከትናንት በስቲያ ሰኞ በነበረው የፀጥታው ምክር ቤት ስብሰባ የሶማሊያ ሰላም አስከባሪ ተወካዮች እንደገለጹት፣ በሶማሊያ የተረጋጋ ሰላም ያለው የመንግሥትና የሰላም አስከባሪ ኃይሎች ባሉበት አካባቢ ብቻ መሆኑንና የሰላም አስከባሪው ኃይል በየደረጃው ከሶማሊያ መውጣቱ ለአልሸባብ እያገነገነ መምጣት ምቹ ሁኔታ መፍጠሩን ሪፖርት አድርገዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...