Monday, July 22, 2024
- Advertisement -
- Advertisement -
ማኅበራዊየትምህርት ሚኒስቴር 18.8 ሚሊዮን የመማሪያ መጻሕፍት አስገብቼ አሠራጫለሁ አለ

የትምህርት ሚኒስቴር 18.8 ሚሊዮን የመማሪያ መጻሕፍት አስገብቼ አሠራጫለሁ አለ

ቀን:

ትምህርት ሚኒስቴር እስከ ነሐሴ ወር ድረስ 18.8 ሚሊዮን የመማሪያ መጻሕፍት ወደ አገር ውስጥ በማስገባት፣ ለመጪው የትምህርት ዘመን ለክልሎች ለማሠራጨት ዕቅድ መያዙን አስታወቀ፡፡

እስካሁን ለ22.7 ሚሊዮን የሁለተኛ ደረጃ ተማሪዎች 20.7 ሚሊዮን የመማሪያ መጻሕፍት ታትመው አገር ውስጥ ከገቡ በኋላ ለክልሎች መሠራጨታቸውን፣ የትምህርት ሚኒስቴር የመማር ማስተማር ቁጥጥርና ሥርጭት ባለሙያ አቶ ዘሪሁን አሰግድ ለሪፖርተር ገልጸዋል፡፡

ባለፈው ዓመት የተከሰተውን የመማሪያ መጻሕፍት አቅርቦት ችግር ለመፍታት ወጥቶ የነበረውን ጨረታ ባሸነፈው የጃፓን ኩባንያ አማካይነት ኅትመቱ እየተከናወነ እንደሆነም አስረድተዋል፡፡

ትምህርት ሚኒስቴር በገጠመው የበጀት ችግር ምክንያት የመማሪያ መጻሕፍት ኅትመት በሁለት ዙሮች መደረጉን፣ ኅትመቱ ደረጃውን ጠብቆ ወደ አገር ውስጥ እንዲገባ መደረጉን ጠቁመዋል፡፡

እስከ መጪው ነሐሴ ወር ድረስ ቀሪ 18.8 ሚሊዮን የመማሪያ መጻሕፍት በማስገባት፣ ከዚህ በፊት ለሦስት ተማሪ አንድ መጻሕፍት ይዳረስ የነበረውን አሠራር፣ ለአንድ ተማሪ አንድ መጽሐፍ እንዲዳረስ ለማድረግ ዕቅድ መያዙን ተናግረዋል፡፡

የመጻሕፍት አቅርቦት ችግርን ለመፍታት በተደረገው ጥረት እስካሁን 22.7 ሚሊዮን መጻሕፍት ወደ አገር ውስጥ ገብተው የተሠራጩ መሆናቸውን፣ ከዚህ ውስጥ ሁለት ሚሊዮን ያህሉ ደግሞ ለግል ትምህርት ቤቶች መሰጠታቸውን፣ በትምህርት ሚኒስቴር የአጠቃላይ ትምህርት ልማት ዘርፍ ሚኒስትር ደኤታ ወ/ሮ አየለች እሸቴ ተናግረዋል፡፡

በአጠቃላይ የመጻሕፍት ኅትመት ሒደት ላይ ምንም ዓይነት ችግር እንዳልታየ የገለጹት ሚኒስትር ደኤታዋ፣ በ2017 ዓ.ም. ትምህርት ዘመን የታሰቡትን ያህል መጻሕፍት ወደ አገር ውስጥ በማስገባት ለሁሉም ክልሎች ይዳረሳል ብለዋል፡፡

የኅትመት ችግርና የጥራት ሁኔታ ታይቶባቸው የተመለሱ መጻሕፍት የሉም ወይ? ተብሎ ከሪፖርተር ለቀረበላቸው ጥያቄ ምላሽ የሰጡት ደኤታዋ፣ ‹‹እስካሁን የታየ ችግር የለም፡፡ እንዲህ ዓይነት ነገር አለ የሚለው ከእውነት የራቀ ነው፤›› ሲሉ አስረድተዋል፡፡

የትምህርት ሚኒስትሩ ብርሃኑ ነጋ (ፕሮፌሰር) አምና ነሐሴ 25 ቀን 2015 ዓ.ም. በሰጡት ጋዜጣዊ መግለጫ፣ የመጻሕፍት አቅርቦት ችግርን ለመፍታት ኃላፊነቱ የትምህርት ሚኒስቴር መሆኑንና በኢትዮጵያ የኅትመት ድርጅቶች ብቃት ማነስ ምክንያት የመማሪያ መጻሕፍት ኅትመት ለውጭ ድርጅት መሰጠቱን መናገራቸው ይታወሳል፡፡

የኢትዮጵያ ኢንቨስትመንት ሆልዲንግ ግሩፕ ከጃፓኑ ኩባንያ ቶፕሃም ጋር በጋራ የመሥራት ስምምነት (Joint Venture) ተደርጎ፣ ኢትዮጵያ ገብቶ ማምረት እስኪጀምር ለመጪው ግማሽ ዓመት የሚሆኑ 40 ሚሊዮን የመማሪያ መጻሕፍት እንዲያቀርብ መደረጉን ብርሃኑ (ፕሮፌሰር) ተናግረው ነበር፡፡

የጨረታ ሒደቱ ሲከናወን የአገር ውስጥ አታሚዎች አነስተኛ ያቀረቡት የማምረቻና መጻሕፍቱን ክልሎች ድረስ የማሠራጫ ዋጋ 27 ቢሊዮን ብር መሆኑን፣ የጃፓኑ ኩባንያ ለኅትመትና ክልሎች ድረስ ለሚያሠራጫቸው መጻሕፈት ዋጋ ሰባት ቢሊዮን ብር በማቅረቡ መመረጡን ብርሃኑ (ፕሮፌሰር) መናገራቸው አይዘነጋም፡፡

ኢትዮጵያ ውስጥ ያሉ አታሚዎች ግን ለወረቀትና ለኅትመት የሚያስፈልጉ ግብዓቶች ታክስ እንዲነሳ፣ በአገር ውስጥ በቂና ዘመናዊ የማተሚያ ማሽኖች ስላሏቸው ዕድሉ እንዲሰጣቸው መጠየቃቸው ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...