Monday, July 22, 2024
- Advertisement -
- Advertisement -
ማኅበራዊከዕለት ጉርስ ጋር የተያያዘው የጥብቅ ቦታዎች ፈተና

ከዕለት ጉርስ ጋር የተያያዘው የጥብቅ ቦታዎች ፈተና

ቀን:

የዱር እንስሳት ጥብቅ ቦታዎች ውስጥ ከዚህ ቀደም የነበሩ ችግሮች አሁንም ቀጥለዋል፡፡ ጥብቅ ቦታዎቹ በተለያዩ ገፊ ምክንያቶች አደጋ ላይ መሆናቸውንም  የኢትዮጵያ የዱር እንስሳት ልማትና ጥበቃ ባለሥልጣን ይገልጻል።

ገፊ ምክንያቶች ከተባሉት መካከል በየአካባቢዎቹ የሕዝብ ቁጥር መጨመር፣ የሥራ አጥ ቁጥር መብዛት፣ በርካታ ሰዎች በተፈጥሮ ሀብት ላይ የሚያደርጉት ጥገኝነት ተጠናክሮ መቀጠል መሆናቸውን የባለሥልጣኑ ዋና ዳይሬክተር አቶ ኩመራ ዋቅጅራ ተናግረዋል፡፡    

የመሬት ዕቅድ ሥርዓት አለመኖርም ትልቁ ተግዳሮት መሆኑን የጠቀሱት አቶ ኩመራ፣ ‹‹ፓርኮች የተፈቀዱት ለእንስሳት መጠለያ ብቻ ነው የሚል አስገዳጅ ሥርዓት አለመኖር ለጥብቅ ቦታዎች መመናመን ትልቅ ምክንያት ነው፤›› ብለዋል፡፡

ከዚህ በላይ የሰዎች የግንዛቤ እጥረት ሌላው ለተፈጥሮ ሀብት መመናመን ትልቅ ድርሻ ስላለው ያሉት ችግሮችን ለመፍታት የማኅበረሰቡን ግንዛቤ ማሳደግ እንደሚገባም አሳስበዋል፡፡

 ‹‹በምድር ላይ አንድም ተፈጥሮ ያለ ሚና የተፈጠረ የለም፣ ትርፍም ሆኖ የተፈጠረ ፍጥረት የለም፤›› ያሉት አቶ ኩመራ፣ የዱር እንስሳት ጥብቅ ቦታዎች ሲቋቋሙ ለቅንጦት ሳይሆን ለህልውና ጉዳይ መሆኑንና የሥነ ምኅዳር መጓደል ዘርፈ ብዙ ችግሮች እንደሚያስከትልም አስረድተዋል።

 በአቶ ኩመራ አገላለጽ፣ ዓለምን ከሚያስጨንቁ ነገሮች ውስጥ በዋናነት የብዝኃ ሕይወት መጓደል፣ የአየር ንብረት ብክለትና ለውጥ ናቸው፡፡ የሰው ልጅ ከተፈጥሮ ሀብት ማግኘት ያለበትን ጥቅም ማግኘት የህልውና ጉዳይ መሆኑንም መገንዘብ ያስፈልጋል፡፡

የልቅ ግጦሽ መስፋፋት፣ የእርሻና የሰፈራ ቦታዎች መበራከትና የደን መጨፍጨፍ በአብዛኛው የብሔራዊ የደን ጥበቃ ቦታዎች ያሉባቸው ችግሮች ናቸው፡፡

የኑሮ ችግር ካላስገደደው በስተቀር አብዛኛው ማኅበረሰብ የዱር እንስሳትን በተጠናከረ መንገድ የማሳደድ ባህሪ የለውም ያሉት አቶ ኩመራ፣ ችግሮቹ የሚከሰቱት  ከዕለት ጉርስ ጋር የተያያዙ በመሆናቸው ነው ብለዋል፡

የእንስሳትም ሆነ የዕፀዋት ዝርያዎች በጣም በሚያሳስብ ደረጃ ላይ መሆናቸውንም ሳይገልጹ አላለፉም፡፡

በመስኩ አገሪቱ ማግኘት ከሚገባት ገቢ በታች እያገኘች ስለመሆኑ አንዱ ማሳያ፣ በበጀት ዓመቱ ከሰሜኑ ጦርነትና ከኮቪድ-19 ጋር ተያይዞ የቱሪስት ፍሰቱ አነስተኛ እንደነበርም ዋና ዳይሬክተሩ ገልጸዋል፡፡

ቀደም ሲል ባልተጠናከረ መንገድ ይደረግ የነበረው የተፈጥሮ ሀብት ጥበቃ በ1956 ዓ.ም. በኢትዮጵያ ንጉሠ ነገሥት መንግሥት ዘመን ‹‹የደንና የዱር አራዊት ድርጅት›› ተብሎ በእርሻ ሚኒስቴር ሥር በተቋም ደረጃ መጀመሩ ይታወቃል፡፡

በ1972 ዓ.ም. በኅብረተሰብአዊት ኢትዮጵያ ጊዜያዊ ወታደራዊ መንግሥት (ደርግ) ዘመን ስያሜውን ቀይሮ ‹‹የዱር እንስሳት ጥበቃ ድርጅት›› ተብሎ በግብርና ሚኒስቴር ሥር ተደራጅቶ ለ28 ዓመታት ከሠራ በኋላ፣ በ2000 ዓ.ም. በፌዴራል ደረጃ ‹‹የኢትዮጵያ የዱር እንስሳት ልማትና ጥበቃ ባለሥልጣን›› በሚል ተቋቁሞ  በሥራ ላይ ይገኛል፡፡

በአሁኑ ወቅት በአገሪቱ 87 የዱር እንስሳት ጥብቅ ቦታዎች አሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...