Monday, July 22, 2024
- Advertisement -
- Advertisement -
ስፖርትዓለም ዛሬ እያከበረ ያለው ኢትዮጵያ የዘለለችው የኦሊምፒክ ቀን

ዓለም ዛሬ እያከበረ ያለው ኢትዮጵያ የዘለለችው የኦሊምፒክ ቀን

ቀን:

ዛሬ የኦሊምፒክ ቀን ነው፡፡ ጁን 23፣ በኢትዮጵያ ሰኔ 16፡፡  በዓለም ዙሪያ የሚገኙት ብሔራዊ ኦሊምፒክ ኮሚቴዎች ከዋዜማው ጀምሮ በልዩ ልዩ ዝግጅቶች እያከበሩት ይገኛሉ፡፡ የኦሊምፒክ ጀግኖቻቸውንም እያሰቡ፣ እያከበሩ ይገኛሉ፡፡ ጁን 23 ለኦሊምፒክ ቀንነት የተመረጠው ኢንተርናሽናል ኦሊምፒክ ኮሚቴ እ.ኤ.አ. በ1894 የተመሠረተበት ስለሆነ ነው፡፡ የዘንድሮው የኦሊምፒክ ቀን ከበራው ሰዎች የዘንድሮውን የፓሪስ ኦሊምፒክ እንቅስቃሴ በደስታን እንዲቀበሉ ለማነሳሳትና ለማበረታታት ነው፡፡ መሪ ቃሉም ‹‹እንንቀሳቀስና እናክብር›› ይላል። ከአፍሪካ ቀደምት የኢንተርናሽናል ኦሊምፒክ ኮሚቴ አባላት አንዱ የሆነው የኢትዮጵያ ኦሊምፒክ ኮሚቴ እንዳለፉት ዓመታት ዘንድሮ ሲያከብረው አልተስተዋለም፡፡ 33 ቀናት ለቀሩት የፓሪስ ኦሊምፒክ እየተዘጋጀ ካለው የኢትዮጵያ ቡድን ጋር ቀኑን ማሰብ፣ ከስፖርት ማኅበረሰቡ ጋር ማክበር ለምን አልተቻለም የሚል ጥያቄ መነሳቱ አልቀረም፡፡ ሪፖርተር፣ የኢትዮጵያ ኦሊምፒክ ኮሚቴ ቀኑን ለምን እንዳላከበረው ለመጠየቅ የሚመለከታቸውን አመራሮች በስልክ ለማግኘት ጥረት ቢያደርግም አልተሳካለትም፡፡ በማኅበራዊ ትስስር ገጹም ምን ያለው ነገር የለም፡፡ ምሥራቅ አፍሪካዎቹ ኬንያ፣ ዑጋንዳ፣ ታንዛኒያ፣ ሩዋንዳ ቀኑን ከፓሪስ ኦሊምፒክ ጋር አያይዘው እያከበሩት ይገኛሉ፡፡  የኬንያ ኦሊምፒክ ኮሚቴ በማኅበራዊ ትስስር ገጹ ‹‹መልካም የኦሊምፒክ ቀን›› በሚል ርዕስ ሥር ባሰፈረው መልዕክቱ ‹‹እንቅስቃሴውን ተቀላቀለናል፣ የኦሊምፒክ እሴቶችንም ዛሬ ከመላው ዓለም ጋር እናከብራለን። በአንድነትም ትልቅነትን ማግኘት እንችላለን፤›› ብሏል፡፡ ‹‹መልካም ዓለም አቀፍ የኦሊምፒክ ቀን!›› ያለው የዑጋንዳ ኦሊምፒክ ኮሚቴ፣ በዋዜማው ቅዳሜና እሑድ፣ የኦሊምፒክ ቀንን በጋያዛ፣ ዋኪሶ  ውስጥ በሚገኘው ሆሚስዳለን ትምህርት ቤት እናከብራለን ሲል አስታውቋል፡፡ የኦሊምፒክ ልህቀትን፣ የጓደኝነትና የመከባበር እሴቶችን ለማክበር ተነስተናል። በአንድነት መንፈስ ዓለምን የተሻለች ለማድረግ እንትጋ ብሎም ጥሪ አስተላልፏል። ፎቶዎቹ ኬንያዎች ሲከብሩ የሚያሳይ ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...