Monday, July 22, 2024
- Advertisement -
- Advertisement -
ስፖርትለካፍ አካዴሚ ከጀርመን ተራድዖ በየዓመቱ የሚሰጠው 10 ሚሊዮን ብር የገንዘብ ድጋፍ ለምን...

ለካፍ አካዴሚ ከጀርመን ተራድዖ በየዓመቱ የሚሰጠው 10 ሚሊዮን ብር የገንዘብ ድጋፍ ለምን ተሰረዘ?

ቀን:

  • ‹‹ድጋፉ የ10 ሚሊዮን ብር ግምት ያለው የሥራ ዋጋ እንጂ በጥሬ ገንዘብ የሚሰጥ አይደለም››

የኢትዮጵያ እግር ኳስ ፌዴሬሽን

በአዲስ አበባ ሲኤምሲ አካባቢ የአፍሪካ እግር ኳስ ኮንፌዴሬሽን (ካፍ) ላስገነባው የምሥራቅ አፍሪካ እግር ኳስ አካዴሚ፣ ከጀርመን ተራድዖ ድርጅት (ጂአይዜድ) ስፖርት ለልማት በሚል በየዓመቱ በስፖንሰርሺፕ መልክ ይሰጥ የነበረው 10 ሚሊዮን ብር የገንዘብ ድጋፍ መሰረዙ ሳያንስ፣ አካዴሚው ሕጋዊ አግባብ በሌለው መልኩ 3ፒ ለተሰኘ ተቋም ተላልፎ መሰጠቱ ተገለጸ፡፡

የኢትዮጵያ እግር ኳስ ፌዴሬሽን በበኩሉ፣ ከድርጅቱ ጋር የተደረገው ስምምነት እስካሁን እንዳልተሰረዘ፣ ሆኖም የገንዘብ ድጋፉን በተመለከተ በጥሬ ገንዘብ ሳይሆን 10 ሚሊዮን ብር ግምት ያለው የሜዳ ደረጃ ለማሻሻል ይውል የነበረ ገንዘብ እንደሆነ ይገልጻል፡፡

ግንባታው በካፍ ሙሉ ወጪ በ2004 ዓ.ም. ተጠናቆ አገልግሎት መስጠት መጀመሩ የሚነገርለት የምሥራቅ አፍሪካ እግር ኳስ አካዴሚ፣ በተለይም ለዞን አምስት የምሥራቅ አፍሪካ አገሮች ታዳጊዎች የልህቀት ማዕከል ይሆናል በሚል ተስፋ ተጥሎበት የነበረ መሆኑ አይዘነጋም፡፡

አካዴሚው አሁን ላይ 3ፒ ለተሰኘ በታዳጊ ወጣቶች እግር ኳስ ላይ ለሚሠራ በግለሰብ ለሚመራ ተቋም ተላልፎ ስለመሰጠቱም እየተነገረ ይገኛል፡፡

ሪፖርተር ያነጋገራቸው የቀድሞ የአካዴሚው የቴክኒክ ዳይሬክተር አቶ ተድላ ዳኛቸው፣ አካዴሚውን በመሩባቸው ዓመታት ‹‹ከጂአይዜድ በ2014 ዓ.ም. በስፖንሰርሺፕ መልክ በየዓመቱ 10 ሚሊዮን ብር የሚገመት የገንዘብ ድጋፍ ይደረግ ነበር፤›› ያሉ ሲሆን፣ ሆኖም የእሳቸውን ከኃላፊነት መነሳት ተከትሎ፣ ‹‹ስምምነቱ ተሰርዞ ብሔራዊ ፌዴሬሽኑ 3ፒ ለተሰኘ ድርጅት ተላልፎ ተሰጥቷል፤›› ብለዋል፡፡

አያይዘውም፣ ‹‹አካዴሚው የኢትዮጵያ እግር ኳስ ፌዴሬሽን ለብሔራዊ ቡድን ዝግጅትና መሰል የሆቴል ወጪዎች በየሁለት ዓመቱ ያወጣ የነበረውን 35 ሚሊዮን ብር ወጪ ሲታደገው ነበረ፤›› ሲሉም አክለዋል፡፡

‹‹ፌዴሬሽኑና 3ፒ የተሰኘው ድርጅት የተስማሙት፣ ድርጅቱ በ10 ዓመት ለፌዴሬሽኑ 40 ሚሊዮን ብር ገቢ ለማድረግ ነው፤›› ያሉት የቀድሞ ዳይሬክተር፣ ይህ ጂአይዜድ በየዓመቱ ይሰጥ የነበረው በ10 ዓመት ሲባዛ ልዩነቱ ምን ያህል እንደሆነ መመልከት እንደሚቻል ጭምር ይገልጻሉ፡፡

የኢትዮጵያ እግር ኳስ ፌዴሬሽን የሕዝብ ግንኙነት ዳይሬክተር አቶ አብርሃም ገብረ እግዚአብሔር በሰጡት ምላሽ፣ ‹‹አካዴሚውን በሚመለከት ፌዴሬሽኑ ጂአይዜድ ከተባለው ተራድዖ ድርጅት ጋር የገባው ውል አሁንም ድረስ የተጠበቀ ነው፤›› ብለዋል፡፡ ይሁንና በየዓመቱ 10 ሚሊዮን ብር የገንዘብ ድጋፍ ይሰጣል የተባለው ግን፣ ‹‹ድጋፉ  የ10 ሚሊዮን ብር ግምት ያለው የሥራ ዋጋ እንጂ በጥሬ ገንዘብ የሚሰጥ አይደለም፡፡ የአካዴሚውን የሜዳ ደረጃ ለማሻሻልና ለመሰል ግንባታዎች የሚውል የዓይነት ድጋፍ›› እንደሆነ ይናገራሉ፡፡

ፌዴሬሽኑና የጀርመን ተራድዖ ድርጅት ስምምነት የፈጸሙት በ2014 ዓ.ም. እንደነበር ያስታወሱት ዳይሬክተሩ፣ በፌዴሬሽኑ በኩል ስምምነቱ እስካሁን እንደተጠበቀ ነው፡፡ ድርጅቱ በስምምነቱ መሠረት መጥቼ ሥራ ልጀምር ቢል እንኳን ከውጭ ምንዛሪ ማሻቀብ ጋር ተያይዞ በስምምነቱ ዙሪያ መነጋገርን የሚጠይቅ ካልሆነ በስተቀር ሌላ ችግር ሊኖር አይችልም፤›› ብለዋል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...