Monday, June 17, 2024
- Advertisement -
- Advertisement -

ዜናየኢትዮጵያ ወታደሮች ከሶማሊያ እንዲወጡ የቀረበ ይፋዊ መረጃ አለመኖሩን የውጭ ጉዳይ ሚኒስቴር አስታወቀ

የኢትዮጵያ ወታደሮች ከሶማሊያ እንዲወጡ የቀረበ ይፋዊ መረጃ አለመኖሩን የውጭ ጉዳይ ሚኒስቴር አስታወቀ

ቀን:

የሶማሊያ መንግሥት በአገሪቱ ግዛት የሚገኙ የኢትዮጵያ ሰላም አስከባሪ ወታደሮች ከወራት በኋላ ለቀው እንዲወጡ ስለማለቱ ይፋዊ መረጃ አለመኖሩን፣ የውጭ ጉዳይ ሚኒስቴር አስታወቀ፡፡

የውጭ ጉዳይ ሚኒስቴር ቃል አቀባይ ነብዩ ተድላ (አምባሳደር) ዓርብ ግንቦት 30 ቀን 2016 ዓ.ም. በሰጡት ሳምንታዊ መግለጫ፣ ከሰሞኑ በተለያዩ የመገናኛ ብዙኃን  የኢትዮጵያ ወታደሮች ከሶማሊያ እንዲወጡ የአገሪቱ ብሔራዊ ደኅንነት አማካሪ መናገራቸውን ጠቅሰው ስለዘገቡት ጉዳይ የሚታወቅ ነገር የለም ብለዋል፡፡

ቃል አቀባዩ ጉዳዩን አስመልክቶ ከሶማሊያ ወገን በዲፕሎማሲያዊ መንገድ በይፋ የመጣ ነገር አለመኖሩን እንደ አንድ ከፍተኛ ቁጥር ያለው ሠራዊት አዋጭ አገር ከአፍሪካ ኅብረትም ሆነ ከተባበሩት መንግሥታት ድርጅት ለመንግሥት የደረሰ መረጃ እንደሌለ ተናግረዋል፡፡

- Advertisement -

በሶማሊያ በአሥር ሺዎች የሚቆጠሩ የኢትዮጵያ ወታደሮች ሁለቱ አገሮች ባደረጉት የሁለትዮሽ ስምምነትና በሶማሊያ ሰላም ማስከበር ተሰማርቶ በሚገኘው የአፍሪካ ኅብረት ትራንዚሽን ሚሽን ኢን ሶማሊያ (አትሚሶ) ተልዕኮ አማካይነት ተሰማርተው ይገኛሉ፡፡

ይሁን እንጂ የኢትዮጵያ መንግሥት ከሶማሌላንድ ጋር ባደረገው የባህር በር የመግባቢያ ስምምነት የተበሳጨው የሶማሊያ መንግሥት፣ በአገሪቱ በሰላም ማስከበር ተሰማርቶ የሚገኘው የኢትዮጵያ ሠራዊት እ.ኤ.አ. በ2024 ማብቂያ ጠቅልሎ እንዲወጣ የደኅንነት አማካሪው መናገራቸው ሲነገር ተሰምቷል፡፡

አትሚስ የተሰኘውን ኃይል የሚተካውን ኃይል በተመለከተ የሚደረጉ ውይይቶች አለመጀመራቸውን ነብዩ (አምባሳደር) ገልጸው፣ ጉዳዩ በአፍሪካ ኅብረት የሰላምና የፀጥታ ምክር ቤትና በቀጣናው ሌሎች ጉዳዮች ከሚመለከታቸው አካላት ጋር ከፀደቀ በኋላ በመጨረሻ በተባበሩት መንግሥታት ድርጅት ዕውቅና ሲያገኝ የሚከናወን በመሆኑ ሒደቱ ገና የመጀመርያ ምዕራፍ ላይ ነው ብለዋል፡፡

ከዚህ ቀደም አትሚስ አሚሶንን እንደቀየረው ሁሉ አሁንም አትሚስን የሚተካ ዓለም አቀፍ ኃይል ሊሰባሰብ የሚገባ ይሆናል ብለዋል፡፡ ‹‹እንደ ሶማሊያ መንግሥት አባባል የሶማሊያ ብሔራዊ ጦር የሶማሊያን ፀጥታ ከማስከበር አንፃር አቅሙን ገንብቷል የሚባል ዕሳቤ ስላለ፣ በቀጣይ በሶማሊያ የሚሰማራው ኃይል ዋነኛ መሠረተ ልማቶችንና የመንግሥት ተቋማትን የሚጠብቅ ቢሆንም፣ በዚህ ላይ ይህ ነው ብሎ ለመነጋገር በጣም ገና ነው፤›› ሲሉ አስረድተዋል፡፡ እነዚህ ጉዳዮች በአፍሪካ ኅብረት የፀጥታና የሰላም ምክር ቤት የሚወሰኑ ስለሆነ በጉዳዩ ላይ ውይይቱ ባለመጀመሩ የቀጣይ ሁኔታውን መተንበይ እንደማይቻል ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...